عشق محرم

الحلقة 134

و كانت الصدمة "
مرا و راجل كل واحد في سرير متع سبيطار، الأكسيجين على خشمهم و مكيناتهم تخدم ، أميرة شادة لباب و باهتة، حالة فمها، موش مصدقة لي ترا فيه، شنوا هذا يا ربي بيت سبيطار في دار فاطمة ، وشكونهم لي مكفنتهم عندها و حارمتهم من حياتهم ، شكونهم لي نجمت تعمل فيهم هكا ، و علاش عملت فيهم هكا ،اميرة مالصدمة بدنها ترخف تهدت جملة وحدة ، يخي ابليس هذي ولا عبد موش عارفة شنوا تعمل قعدت واقفة تخزر و اكهو مريم موش عارفة شبيها تصدمت و قعدت مبهمة، بعدتلها يدها و قررت تتشجع و تدخل دخلت و كانت الصاعقة بالنسبة لمريم "
كانت صدمة العمر، قلبها بش ياقف ، تخزر و موش مصدقة لاا هذي حلمة موش واقع، لا يا ربي لي نرا فيه موش صحيح ، امبوسيبل يكون صحيح !!!!
قدمت خطوة بش تزيد تتأكد ، بدنها يرعش بكلو معاش خاسة بروحها ولا حاسة هي فين الدنيا لكلها ضلامت بين عينيها
قاعدة ترا كان فيهم، ترا كان في امها و بوها مسبولين قدامها ، راقدين كالأموات ، لا حياة لمن تنادي، أمها و بوها قدام عينيها ، أمها و بوها يتنفسو قدامها، امها و بوها مقابلينها بعد السنين هذي الكل
مريم مخها تكونسا الدنيا دارت بيها ، ترعش بكلها حتى من ايديها ،تقدملهم بش تمسهم و دموع الصدمة في عينيها ، موش عارفة شنوا قاعدة تحس اما بوجيعة كبيرة في قلبها، كيفاه ينجمو يكونو عايشين بعد السنين هذي الكل، كيفاه نجمت تحرمها من بوها و امها كيفاه عطاها قلبها تعمل هكا ، كيفاه كبرت بعيدة عليهم و هوما عايشين مخها تطرش الف فكرة في راسها ،راسها يرعش كاينها تقول لا يا ربي راني عبدتك ما نجمش نتحمل
أميرة ترا فيها تقدم بش تمسهم بقات تخزرلها كيفاه ترعش بكلها ، ماهياش مريم ، بدن اكهو ،بلاش روح ، ترا فيها و في قلبها: لا يا ربي لا ، يا ربي يطلع لي في مخي موش صحيح ، لا يا ربي لا موش امها و بوها ،يا ربي نطلع غالطة يا ربي قلبها يحكي و تستنا في مريم بش تعمل رياكسيو ، بش تقول ماهمش امي و بابا اما شي مريم مزالت مقدمة وصلت لبوها خزرتلو بالباهي وعيطت لاااااااااااااااااااااااااااااااااااااااااااااا
اميرة فهمت و تصدمت صدمة عمرها الثانية مريم هبطت على ركايبها ، ساقيها معاش خاسة بيهم ،لطخت روحها فالقاعة تعيط و تضرب في روحها: يا ربيييي لااااااااااا يااا ربييييي، اميرة بحذاها واقفة تخزلها ، تخزرلها بروح ذابلة موش منجمة تعمل شي، واقفة لين تسمع في شكون هابط قدمت للباب و هي ما عينها في شي ولا حتى بش تعارك حد لي راتو هدها ، طلت لقاتها لانفرميار اي سيرتو لي هي استغربت كيف لقات الباب محلول عرفت لي هوما ماهمش تابعين فاطمة كيف شافت اميرة دارت و رجعت طلعت تجري في الدروج فهمت لي ملعوبهم تكشف ، صحيح هي ما عندها حتى دخل جيست تجي تعطيهم زرارق التنويم و تمشي، أميرة خلطت عليها بش تشدها شدتها و جابتها حطتها على
لكرسي : تهنا عزيزتي ما عندك وين هاربة
الانفرميار ما حبتش تركح بقات شادتها يدها لتالي و تلفت تحوس على حاجة تكتفها بيها اكيد موش بش تتعدالها بالساهل لا هي لا فاطمة بطبيعة ، كتفتها بتيو متع اكسيجين و قتلها : الا ما تخلص لي عملتو الكل نتي و فاطمة
مريم في القاعة تبكي، مسحت دموعها و قامت ، تقوات على روحها بش تثبت فيهم بالباهي، قدمتلهم بالخطوة ،شافت بوها، لحيتو بيضا حالتو تسخف، جثة تتنفس، ميت بالحياه شدتلو يدو و بدات تبكي ، تشوف في بوها شعملو فيه ، معذب قدامها ،لا حول له ولا قوة حتى بش يدافع على روحو، انهارت ، حاجة من ورا العقل معاش منجمة تخزرلو ولا تتفكر السنين مخها معاش حاب يخمم ، دارت و مشات لأمها اي والله امها سهام ، تخزرلها كيفاه مغمضة عينيها ولا حياة لمن تنادي ، معاش تنجم قوتها نهارت قامت تصيح فاااااااطممةةةك و زعمة خارجة مالباب شدتها اميرة: تصيح و تعيط و تدز في أميرة فاااااااااطمةة والله ما نقتلك يا مجرمة فااااطمةةةةة ، سيبني امييييرة و دارت تصيح على اميرة قتلك سيبني تدز فيها و تصيح اما اميرة ما سيبتهاش بقات شدتها بعديكا حملتها و بدات تبكي، مريم قواها نهارت لوحت روحها ، طاحت في القاعة : يا ربي يا ليتني مت و ما شفت هالنهار ، يا ربي راني عبدتك ما تعذبنيش هكا يا ربيي يا ربي معنقتها اميرة، تبكي و تحكي بصوت ذابل ، سيبني يا أميرة، سيبني خليني نقتلها يا اميرة راي حرمتني من أمي و بابا السنين هذي الكل سيبني عيشك سيبني عليها
اميرة: اشششت اهدا والله ما نشويها كيما شواتك ، والله ما نخليها تشتاق الموت و ما تراهاش واللله ما نعمل في عذابها صنعة باهي يا روحي نوعدك المهم نتي اهدا توا تفاهمنا
مريم بعدت عليها قامت مسحت دموعها، معاش منجمة تبكي ولا حتى تخرج دموع، تعبت و تهدت ، مشات لامها حملتها اه يامي حرموني منك السنين هذي الكل عنقتها من راسها و قعدت تبكي
أميرة مشات حلت شباك البيت لي كان مصكر و بالسف ما تخلطلو الشمس خاطرها قبو موش بيت