عشق محرم

الحلقة 151

مغطيها و داخلين للدار و دالي وراهم عرضتهم مربم في الباب
أميرة : مريم شتعمل هوني
مريم كيف رات أمين شادها من كتفها و يمشي بيها تفجعت عليها مشا فيبالها صارتلها حاجة : شبيك أميرة صافا
أمين : لاباس عليها انتي شتعمل هوني ياخي خليت أمك و بوك وحدهم ؟
مريم عنقت أميرة : جيت حبيت نطمن على أميرة و نشوف طا بسمة ويني هي توا كنت لفوق ما لقيتهاش في بيتها
أميرة تلقاها في بيت طامليكة، أمك و بوك سافا
مريم :اي سافا اوكا الطبة قايمين بيهم و عمر زادا يعطيه الصحة ما خلاهمش حتى لحظة وصحتهم الحمدللة لاباس يعيشك أميرة
أميرة : باهي هيا نطلعو طل عليهم أما فيسع أرجع بحذا أمك و بوك ما تخليهش وحدهم
تلفتت لأمين : أمين ستناها امانك و رجعها الأوتل و كان تحب بدل انتي و عمر يجي هو و ابقى انتي
أمين : أوك أميرة و سي الشبيب هذا شعملنا فيه
دالي : ااا أنا هاو بش ناخذ بيت اوتال قريبة أميرة و توا غدة نجي نطل
أمين دار و مشا : ما حاجتناش بيك مغير ما تجي ، مريم هاني لوطا
دالي :كهو مالا هاني هاشي أميرة ا بيانطو
أميرة : يعيشك دالي على وقفتك معايا ، اما موش كاينو فما حاجة ما سألتش عليها
دالي سكت و بقا يسمع فيها
أميرة: ياخي ما تحبش تراها ؟ً
دالي تنهد: ما نعرفش ، بصراحة موش وقتو أميرة مزلت منيش حاظر منيش عارف حتى كيفاه بش نواجها
أميرة: توحشتهاشي علقليلة
دالي: برشا يا أميرة، برشا اما حاس روحي مفرعس ما نجمش حتى ناقف قدامها شنوا بش نقلها
أميرة : باهي برا انتي توا يعمل ربي دليل تو نحكيو
دالي تنهد و مشا مريم كاليوهالية راقفة تخزر موش فاهمة شي
مريم :أميرة شكونو هاذا
أميرة : هيا نطلعو تو نحكيلك
داليخارج يشوف في أمين واقف بحذا الكرهبة خزرلو و تعدا
أمين : ننصحك منغير ما تحاول ، عندها شكون
دالي وقف و دارلو :شتقصد
أمين: نحكي على أميرة ، عندها شكون
دالي بلع ريقو خاطرو تصدم ماي حب يعمل روحو ما علابالوش: فاش تحكي ياخي و انا شيهمني فيها
أمين: لا حبت نعلمك و برا ، خاتر ريتك كيفاه تخزرلها
دالي تربث: كيفاه نخ.زرلها
أمين: يزينا عاد صاحبي بلا تتليف شالق بيك راهو
دالي: باهي صحيك نجم نمشي توا
أمين: علاش ما تستناش و امشي معايا
دالي: وين
امين: ماك بش تاخذ بيت اوتال ولا ، هاني انا بش نوصل مريم للأوتال و زيد ماهوش بعيد من هوني ستنا تنهزك معايا
دالي : لا يعيشك موش لازم
أمين: و اوكا فرد مرة ترا خطيب اميرة باز راك متشوق باش تعرفو شكون
دالي وقف : و انا شدخلني فيه خطيبها نشوف فيه
أمين: لا شي قلت بالك متشوق تراه
دالي: مريم مزالت تبطا
أمين تبسم لا معاش تبطا ، تاخو تعمل جبدات- دالي جا-
دالي:لا يعيشك ما نتكيفش
امين : غريبة ساعة لي كيفك يكونسوميو كل شي
دالي: شنوا توا كان بش تبدى ترمي فالمعنى خليني نمشي انا راو قعدت خاطر خايف لا ما نلقاشي تاكسي توا موش أكثر تندمنيش
أمين: ههه اي اي نعرف،حتى أنا ما نتكيفش راهو اما الله غالب هالأيامات على اعصابي موش لاقي مانعمل ، هوها هكاكا و يراو في أشرف خرج وقف قدام الباب
أمين : برااا عااااد اه شيعمل هذا هوني مص لي بقا فالڤارو و مشالو
أمين: هاك هنا انتي
أشرف : اي ريت سبحان الله
أمين: فاش تعمل لهنا في هالوقت
أشرف: صار ما فيبالكش ، لي أنا بايت هوني
أمين : تنفس بالقوي غمض عينيه و العصب ركبو : لا واللهي لا فيبالي وعلاه بايت ، شنوا الإضافة لي بش يزيدها وجودك فالعيلة
أشرف: واللهي ما نعرفش هكاكا اسإل نور هي لي شدت فيا الصحيح
أمين هبط راسو يحكي مع روحو: أهدا يا أمين أهدا و موش وقتو توا
أمين: أشرف انتي تعرف لي ما يجيش تبات هوني اي سيرتو فالحالة هذي موش هكة
أشرف : هدي روحك، انا لهنا خاتر طا مليكة قتلي رد بالك عليها و ما تخليهاش وحدها خاترها العشية تعبت برشا
أمين: باهي .. باهي كيف ططا مليكة قتلك ميسالش هو كاكا و مريم خرجت ،
أشرف: مريم صار انتي هوني ، شبيك سافا
مريم : لا صافا أشرف جيت نطل عالجماعة يعيشك
أمين تصدم و مشا : هيا مريم،
يمشي و يحكي وحدو: ططا مليكة ولا يقلها ، باهي يا أشرف يعمل ربي نايب ، أطلع مريم