عشق محرم

الحلقة 140🔥

روحت لقات الضو طافي ، الفيلا بكلها ظلمة ، وه شفما ، استغربت موش من عوايدها حاجة هكا تصير دخلت طيشت صاكها و حلت الضو ، هزت راسها في الدروج ما فما حد : شنوا هالهدوء لي هبط.....
مم با كملت كلمتها على تلفيتتها ترا في الباب محلول

يسمع في الضو تحل عرفها روحت خرج هو و أميرة بش يشوفوها
:جيت للا يا مرحبا
فاطمة قاعدة و مصدومة ما عندها حتى كلام كملت شافت أميرة خارجة وراه يعني الزوز كانو اللوطة
أميرة : ياخي عبد انتي
ياسين: أنا منيش مصدق عينيا و قدملها يعيط عليها: كيفاه تعمل حاجة هكا ااااااه كيفاه عطاك قلبك و وصلت عملت حاجة هكا يا مسخة
فاطمة هو يصيح في وجهها وهي خايفة مغمضة عينيها و مدورة راسها ترعش ، تخيلت كل شي الا انو يجي نهار و ولدها يفيق بيها
أنا مانيش مصدق كان ما ريتش و قالولي نكذبهم كييفاااه انتي بشررر ااااه
فاطةم : ياسين عيش ولدي خليني نفسرلك
ياسين عيط و ضرب الحيط :اسسسسسسسسسسكتتت ما عندك ما تفسرلي طول عمرك خامجة و عايشة عالخمج وحدة جيعانة تموت عالفلوس والوسخ ريتهم ايديك هذوما ؛و شدلها يديها؛ مسخين و انتي بيدك مرا مسخة و جيعانة وقف وشد راسو ؛راسي بش يطرشق مانيش مستوعب كيفاه عملت هذايا كيفاه نجمت تحرم طفلة من امها و بوها السنين هذي الكل اااااااااه جااوبني يا مسخة كيفففاااه -و قرب لوجهها و صاح-انتي مالليوم لا انتي امي ولا أنا ولدك سمعععععععععت
و دزلها كرسيها لين طاخت في القاعة خلاها و خرج- معاش منجم يزيد دقيقتين على بعضهم و هو شاد عليها روحو بالسيف ، كان يلقى يقتلها و يشرب من دمها ياسين صحيح يبان صعيب اما حقاني برشا و يكره الظلم اما الله غالب امو ربات فيه عرق الكره -
هو خارج و مالك و امين و عمر هابطين مالكرهبة عرضهم مام با كلمهم هز كرهبتو و خرج
أميرة خلتها طايحة فالقاعة ، طايحة و كرسيها فوقها و الدموع في عينيها ، موش غايضها لي عملتو أما غايضها ولدها
قدمتلها أميرة و هبطت عند وجهها : ريت الدنيا قداه تدور ، و جا النهار لي عرفت فيه بلاصتك ، طايحة عند ساقيه ، انا توا نجم نعذبك كيف ما نحب ، اما أنا مانيش بش نقلك كلمتين كيما قلك ولدك
العذاب متاعي بش تقررو الطفلة لي حرمتها من والديها
داخل النار تطتاير من عينية ، يحب يراها هالمرا لي يقولو عليها جدتو و هو عمرو ما راها ، يحب يعرفها لي عملت في روحو هكا شكوني ، همو الوحيد انو يلقاها ..
يرا في أميرة على ركبة و نص و يرا فيها طايحة فالقاعة ، زرب في خطوتو و هو كان يلقا يقتلها ، شافتو جاي قامت من عندها ،وخرت و كتفت يديها
هزها بكرسيها و قعدها فالقاعة : قلي شنعمل فيييك آاااااه قلي يا مسخة كيفاه نقتلك أنا تواا اااه تكلم حل ر.. فمك انطق ، شادها يخض فيها من كول شوميزها و هو كان يلقا يقتلها جاه أمين من تالي قومو
:مالك ما تمسخش يدك بيها  ما تستاهلش
فاطمة محسحت دموعها و هزت راسها : مالا انتي سي مالك اه
مالك عاود قدملها و قدم يدو لفمها : اسمي مزلت تجبدو على لسانك فمك نكسرهولك .. سمعتتتت
عمر: مالك ما توسخش يدك بيها وحدة كيفها بلاصتها مع الفيران
مالك: لا هو راو بش تتعرف عليهم الفيران و بش تعيش معاهم اا شقولك ؟
فاطمة سوات و تبسمت: أي ميسالش أما موش وحدي عاد بوك معايا
مالك تلفت لأميرة و أميرة عينيها وساعت و عاودت قدمتلها : فاش تحكي اه ، ياخي بابا شمدخلو في الحكاية
فاطمة ضحكت : هاهاهاهاههههه؛تنفست و هزت راسها و على وجهها تبسيمة الخبث ؛ عزيزتي بوك هو الحكاية، موش بوك يكره عمك كره العما ،هذايا الكل هو لي مخططتلو ، و هو لي حب يقتلهم اصل ما فيبالوش لي هوما عايشين لتوا ، انا كذبت عليه و قتلو لي هوما ماتو ، يعني بوك كان موش انا راو قتال ارواح و كان يسمع توا ، تو يتغشش كيفاه ما ماتوش و انا اول وحدة يحاسبني و يعاود يبعث شكون يقتلهم
اميرة : لا لالا ، سكتها سكتهههااا لااااا
و دارت لعمر عنقتو و هي تبكي
اميرة: تكذب پاپا ما يعملش حاجة هكا ، سمعتتتت انتي وحدة كذاااابة تسمع فيا ..كذابة
فاطمة: تحب نكلمو و تسمع منو
أمين: سكككر فمك
مالك : فاش تحكي انتي اااااه ياخي خرفت
فاطمة: اييييه يا مالك يا حفيدي الدنيا دوارة كيف ما قالت اميرة بنتي بكري شويا موش هكا أميرة
أميرة نهارت قدمت لفاطمة تضرب فيها طاحت عند ساقيها تضرب فيها بالكفوف و تعيط: اسكت اسكت قتلك اسكت
وكلتها طريحة، لين وجهها دمدم
مالك واقف مصدوم موش مالطريحة ملي سمعو بالطبيعة  عمر و امين خلاوها ما شدوهاش
هوما هكاكا و يسمعو في صوت ، ذابل، صوت ميت ، صوت خرج بالسيف :ماالك
تلفتو الكل ، مالك يرا فيها و موش مصدق عمر و امين زادا فرحو كيف شافوها اميرة بطلت الضربان و نهارت تبكي في القاعة فاطمة وجهها ازرق و لكلو دم
مريم جرات لمالك حملتو ترعش بكلها
مالك موش مصدق بعد لي صار هذا الكل ، مالك حملها و الدموع في عينيه ، مريم حملتو خاترها تحب تهرب ملي تعيش فيه، تحب تقلو خبيتي عندك يا مالك راني معاش نجم نتحمل أكثر، الوجيعة في قلبها و الدموع في عينيها، مالك قلبو دم عليها ، رجفتها و هي بين يديه خوفها و حزنها الكبير لي شافو في عينيها اول ما شافها ، يحب يقلها ما تخافش مريم انا ناخذلك حقك، ما تخافش يا روحي انا نعوضلك اما موش منجم ، طاح في القاعة محملها و انهار معاها و هي تبكي بالشهقة في حضنو
عمر مشا لاميرة لي كانت مطيشة في القاعة ، تبكي و تحكي وحدها بالشوية: والله ما نشويك يافاطمة كيف ما شويتني والله ما نحرقك كيف ما حرقتني
قيمها عمر: اميرة قوم .، ايجا عزيزتي نمشيو.. هيا ..غطاها بكبوطو و خرجها
أمين خزر لفاطمة و قدملها خطوتين، وجهها مدمدم و عينيها زرقه، مالضرب لي كلاتو من أميرة
أمين: أما أميرة ما قصرتش آه
فاطمة هزت راسها و بزقت
بكات لين دموعها نشفت بعدت عليه بالشوية ، مسحت عينيها و تنفست و مشاتلها
مالك قام و قعد واقف يخزرلها ، مهدود دذو بصبع يطيح كيف شافها ذابلة و بلاش روح
مريم: أنا عمري ماني بش نجم نعوض لي حرمتهولي نتي، و بلي بش نخلض منك موش بش يعوضلي علي حرمتني منو ، أما أنا نوعدك ما نفلت حتى نهار و ما نعذبكش فيه، ماليوم يا فاطمة يا عايشي،كل دقيقة بش تعديها في عمرك جهنم أرحملك منها و هذا وعد
يخزرو في عينين بعضهم، ترا كان القوة و عينين الانتقام لي يشعلو
و فاطمة ما تحركتلها حتى شعرة : و عمك طارق زادا
مريم بعد لا دارت ماشية لمالك وقفت و دارتلها
مالك :ياخي ماكش بش تصكر فمك انتي اه ،( المرة هذي قدملها بغش و كبسلها على فمها قريب يكسرو )
مرميم خزرت لأمين : فاش تحكي هذي آه
و مشاتلها :فاش تحكي ياخي
مالك شدها : مريم عزيزتي اخطاك منها المهبولة هذي
مريم مالك سيبني ، مالك قتلك سيبني و مشاتلها حل فمك انتي فاش تحكي
مالك خزر لفاطمة خزرة متع موت فاطمة تبسمتلو تبسيمت خبث  و خزرت لمريم: ما فيبالكش الي طونطونك طارق
و مالك قدمدها و عطاها بونية عاود جابها فراش : قتلك صكر رب فمك ياخي ما تفهمش ، و هبط بش يكمل يضربها شدو عمر
مالك: ريت هذي اول مرة ضرب فيها مرا و مانيش نادم تعرف علاش خاطرك شيطان ، والله كان موش خاطرني ما نحبش نوسخ يدي راني قتلتك و قصيطك طروف و وزعتك للكلاب ، ولا نقلك لكلاب ما يستاهلوش ياكلو لحم جيف تفوووه
مريم نهارت معاش تنجم شنوا لي تعيش فيه يا ربي هذا وقتاش بش يوفا و نرتاحو
مالك : ادخل جيب أمي عيشة و خلينا نمشيو من هوني، خاطر كان نزيد دقيقة و راس امي ما نقتلها ،و يكالمي في مريم :، مريم عزيزتي نوعدك لي كل شي بش يوفا والله عزيزتي  صدقني ، اهدا نتي توا باهي
مريم: فين بش نمشيو ، و ماما و پاپا
مالك: ما تخافش هاني كلمت شكون هوما زادا بش يمشيو معانا باهي
أمين مشا بش يجيب عيشة لي كانت اللوطة بحذا بنتها ، و موش مصدقة اول ما شافتها داخت و ما شافها حد حتى مريم ما شافتهاش كيفاه طايحة في القاعة ، أمين لقاها دايخة ، جابها في حملتو :هيا مالك لزمنا نهزو أمي عيشة لسبيطار مريم تفجعت عليها