عشق محرم

الحلقة 9

طارق :أي باهي هدي روحك الساعة....نفهم من كلامك مقطوعة من شجرة الطفلة
مالك : مالك لا ما هياش مقطوعة من شجرة تعيش مع أمها و ماهياش بنت عايلة غنية،الطفلة فقيرة و أنا نحبها و  باش ناخذها و حكيت مع أمها و توا أقعدو فيها
أماني طلعلي ماكلتي للسويت
أماني: حاظر سي مالك
طارق:شبيه ولدك ياخي موش قد بعضو اليوم
بسمة: هاو طايح على راسو مع الطفلة و قلك يحب ياخذها و مكبش فيها زادا
طارق: إي أما مزلنا ما نعرفوش عايلتها
بسمة: تو أنا غدوة نمشي معاه لدارها و نفهم حكايتها
طارق : باهي.. وكان هكا خلي ياخذ لا يكون فيه en tt cas شمدخلنا أحنا حياتو و هو حر أنا  juste نحب ناسب عايلة نظيفة و بقدرها في البلاد اكهو

عيشة: يا مريم تي وينك إيجا العشا حظر
:أنا هوني أمي نشف في شعري مريم تنشف في شعرها و تخمم في مالك عينين عسلية و شعر مرون ضحكتو تسحر منين جاها هالسخطة و زيد يحب يخطبها مريم تبسمت و حشمت في نفس الوقت
عيشة:حط منشفة على شعرك لا تمرض
مريم:باهي أمي

قعدو على الطاولة هي و جدايتها قداش ليهم ما كلاوش الماكلة
عيشة: يڨد سعدو ولدي الغالي و يعاليه على من يعاديه الله يفرحو كان موش هو ما ناكلوش الماكلة
مريم : أمي فيسع ولا ولدك
عيشة: شمزال على خطبتك و يولي راجل بنتي الغالية
مريمحشمت
عيشة:  يا وحيدة هاو حتى نتي عاجبك هكا بنتي و ما تقولش لميمتي
مريم: وه أمي مستانسة نخبي عليك أنا أي هو محلاو ووو يعجبني موش ما يعجبنيش أمااا...
عيشة: أما شنوة يا بنتي الطفل ظاهر من عينيه بش يهبل عليك ديجا أذاكا علاش سهلتلو ابطريق أنا عرفتو من نظراتو ليك ناوي عليك أما حشم بش يقول
مريم: أمي أنا خايفة..
عيشة:يا بنتي مناش خايفة
مريم:تي خايفة من عايلتو لا يراو حالتنا يقولولو لا ما تاخذش وحدة فقيرة زيد ظاهر ولد شكون و شكون أمي و الغنيا لي هكا ياخذو كان بنات العايلات الراقية و أنا حتى عايلة ما عنديش مريم هبطت راسها و تنهدت عيشة حست بوجيعت حفيدتها عينيها زغللت بالدموع أما حبتش تبينلها
عيشة: علاه بنتي إنتي شناقصك زين وعين و زيد تنساش لي إنتي بنت شكون و شكون زادا غير القدر ردك هكا و ألف واحد يتمناك و حتى كان ما قبلوش عايلتو ريح السد هو كان يحبك بالرسمي تو يعمل المستحيل على خاترك
مريم كملت تعشات و شدت بيتها تخمم فيه كان يطلع يكذب عليها و ما يجيش مريم حست روحها تخمم فيه برشا زعمة حبتو و تعلقت بيه
مريم تحكي مع روحها يزي يا مريم شنوا هالتخلويض متاعك قلو حبيتو في دقيقة و درج شنحبو
يتقلب ما جاهش النوم يخزر للسقف و يفكر في مريم و ضحكتها لي لتوا لا تنحات من مخو ماهوش منجم ينساها حتى دقيقة هبلتو بزينها و خطفتلو قلبو من النظرة لولا شبيني ما ثبتش فيها بالباهي شبيني ما خزرتلهاش برشا لها درجة خايف لا نشلق بروحي يحكي مع روحو توحشها تفكر نومروها هز التاليفون و حطو قدامو و بقا يخمم يكلمها ولالا و بعد قال نكلمها و خليها على ربي
تلعب بشعرها و تخزر للسقف تخمم فيه صونا تاليفونها نومرو غريب ما تعرفوش هي موش متعودة تهز عالنوامر لي ما تعرفهمش ماهزتش