عشق محرم

الحلقة 71

أمين: إجريلي..إجريلي يا أميرة
أميرة: بايت تحلم بياا سي أمين..شفما طالبني في هالوقت ياخي لاباس-و دارت شافت المنقالة-تي هاي ال3:30 تو ياخي هبلت شفما انطق
أمين: ضم فمك قداش تحكي و نتي خليني نحكي معاك كلمة
أميرة تسمع في مالك يعيط و ظاهر من صوتو لي هوا سكران: أمين بربي قلي مش كايني صوت مالك هذايا ولا أنا مزلت بالنوم
أمين وهو يدادي و يرعش: لا ياالا ماكش غالطة أنا هو لي غالط و غالط باااارشا زادا اي ياللا هذايا صوت خوك و ايجا هزو راو فضحنا الناس الكل خرجت
أميرة: فاش تحكي ياخي..وينكم انتوما...
أمين: تعرف وين قدام دار مريم...يالاا خوك يعيط على مريم و اجري يا أميرة راو فضحنا اجري
أميرة: أمبوسيبل....باهي هاني جايا
أميرة علقت هزت مفتاح الكرهبة و خرجت تجري وصلت بحذا بيت أمها هزت الشلاكة في يدها باش ما تعملش حس فاتتها و هبطت تجري
أمين: افففف ملاا لصقة عندك يا عمر..أووووه شتحكي ما خلاتني كملت كلمتين كان بالسيف اففف...
عمر: بلاهي سي أمين ..باهي باهي تو نتفاهمو مبعد شوفلنا حل معاه أذايا سكتو ولا تصرف راني معادش نجم انا
أمين تكا بحذا عمر ..متكين الزوز..مكتفين يديهم و يتفرجو في مالك معاش منجمين يعملو شي سلمو أمرهم لأميرة و لربي
أمين تلفت لعمر:عمر تعرف شنوا الغريب في الفضيحة لي عملهالنا مالك
عمر دار لأمين :بربي نورني سي أمين قلي شنوا تره
أمين: لي الجيران الكل خرجت كان عيشة و مريم و الضرب الكل يعيطلهم باسمهم
عمر تفلق بالضحك و أمين زادا: ههههههه أوه يهلكك يا أمين لا واللهي بالحق موش غريبة الحكاية يطلعوش مخدرين
أمين: اي ينجمو يكونو
تخدرو بصوت مالك ...و تفلق بالضحك
عمر: هههههه يهلكك يا امين والله ضحك و أحنا في حالة ما يتمناهاش العدو لعدوه
أمين:هه لا أنا نتمناها
عمر:هههه
أمين: عمر بلاهي بش نسئلك
عمر هز راسو لفوق :ربي يقدر الخير ..اسئل و ربي تستر
امين: ياخي بالحق الحالة لي أحنا فيها..واللهي حاس روحي نحلم أنا
عمر مات بالضحك الزوز يضحكو بالدموع ماهمش مصدقين لي هوما فيه
أمين : ياخي ويني ما حبتش تخرج و تسيبنا
عمر : شكوني؟؟
أمين: تي مريم
عمر: منصدقش ههههههههه و تفلق بالضحك
أمين: تي بالحق تو أحنا ماو كنا خايفين لا نتفضحو هي كيف صاياي تفضحنا والناس الكل خرجت كان مريم تعرف أنا شنوا لي مقلقني في هذا الكل...
صوت مالك من بكري و أنا نتعذب
عمر: ههههههههههه كيفي والله راسي تكسر من صوتو
( تعرفو الانسان كيف يسكر كيفاه يولي يحكي ههه)
أمين: اففف فديت أنا
عمر: ويين ماشي يا ولدي ؟؟
أمين: ماشي بش نخلع الباب و نجيب مريم لوقتاه بش نبقاو نتعذبو
عمر سكر بالضحك ماعاش منجم يضحك و يضرب في روحو بالدموع ملا ليلة كلبة عليهم
أمين جاء قاص الطريق يرا في ضو كرهبة جاية