عشق محرم

الحلقة 130

تي شنوا عاد توا مالك ما تكبرهاش
عمر: ياخي ماشي في بالك الحكاية ساهلة يا عمر شبيك راي بنت خالتي صحيح نكرهها أما لي صار معاها موش باهي
عمر: تي يزينا عاد شتردهالي شريفة الطفلة تي هاي هي بيدها مطيشة روحها
مالك: عمر يعيشك يزيني نحب نرتاح شويا
عمر: باهي يا سيدي انا هاني خارج ، و نتي ابقا وحدك و خمم فلي قلتهولك و امين بلحق مالك راهو ما يقصدش
مالك : باهي باهي عمر اخرج و صكر الباب
عمر باسو من جبينو وخرج و مالك طيش روحو عالفرش يخمم ، مخو مخلوض و داخل بعضو ، يخمم كيفاه بش يتصرف و يحل حكاية نور و في نفس الوقت يخمم في مريم متوحشها عالخر نفخ  بالقوي و غمض عينيه
جاء الليل الضوء طفاء و الحس بات ، قاعدين يحذا بعضهم فوق الفرش، ساقيهم ترعش يستناو في الناس الكل باش ترقد ، مريم قامت تمشي و تجي في البيت
أميرة: يا مريم عيش أختي أقعد راك وترتني
مريم: افف معاش نجم يا أميرة
أميرة: يا بنتي أهدا كل شي يتحل برزانا ايجا أقعد، و طفي اللامب راهو بش يفيقو بينا في جرتك
مريم: باهي و مشات قعدت بحذاها
أشرف و نور يحكيو في التليفون نور تضحك و عاملة جو واقف وراء الباب متردد كيفاه بش يقلها، كيفاش بش يحكي معاها و يصارحها و يقلها لي أمين هو لي إغتصبها ليلتها و موش هو، واقف متردد مرة يقول ندخل و مرة يقول لا موش مالك لي بش يطيح من روحو و يحكي مع نور و كمل يوسع بالو و يفسرلها الحكاية هو من ربي يكرهها كمل يقعد بحذاها ، بسمة طالعة في الدروج لقاتو واقف قدام بيت نور، ترا فيه كيفاه داخل بعضو و يلعب بصوابعو عرفت وراه حكاية
بسمة: مالك
مالك تربث: أه أمي
بسمة: امم لقيتك واقف قدام بيت نور و تخمم قلت نفيقو على روحو
مالك: اه لا امي موش نخمم
بسمة: هات ماللخر شبش تقلها
مالك ضحك: هههه يقوى عليك ربي شتسمر يامي
بسمة: اممم تنجم تقول تعلمتو عليك ، اممم شعندك معاها
مالك: يامي يهديك .......
تسمع في الحس قدام باب بيتها:أشرف بربي علق لحظة توا نكلمك
وقامت
مدام ما كملش حديثو و حلت الباب :أه خالتي صارا انتي ، اهلا مالك
مالك : اهلا
بسمة: اي كنت طالعة يخي،.....قص عليها مالك: يخي عرضتها أنا
أمي تجي معايا حجتي بيك
نور حست بحاجة غريبة اما ما عدلتش، صكرت الباب و رجعت تحكي مع أشرف

تمشي و تجي من بكري، أعصابها تحرقت، تدور في بالها ألف حاجة و حاجة ، معاش تنجم مالتخمام قعدت و بعديكا قامت: لا معاش نجم نستنا أكثر ، أميرة أنا خارجة
و مشات بش تحل الباب وشدتها أميرة،
: يا بنتي وين ماشية ارزن الساعة خلينا نشوفو الطريق آمن ولا ، ايجا ورايا ايجا انتي كان نخليك تتصرف توا تفسدلنا كل شي
مريم : اففف تي شبش نعمل يا اميرة فديت مالمستنية
حلت الباب بالشوية، خزرت للكولوار منا و منا و تلفتت لمريم تحكي بالتوشويش،: توا بشنخرجو أحكي بالشوية اي سيرتو رد بالك تعمل الحس باهي
مريم و هي توشوش :باهي
خرجو حفيانين ،يمشيو على طراتش صوابعهم ، هابطين في الدروج و قلبهم في ال100٠، خايفين لا يتشدو ، مريم وصلت قبل تلفتت مالجيهتين و قالت لأميرة: ما فما حد
كملت هبطت الدروج و مشاو للصالون بش توريها البلاصة
تمشي مع الحيط ، و أميرة وراها ، حاطة وذنيها عالحيط تستما في الصوت وصلت لوين الديفون و وتسمع في الحس متع المكينة نفسها من ورا الحيط ،عيطت لأميرة بالتوشويش : ايجا أيمع ايجا
أميرة حطت وذنها عالحيط تسمع كان فالتييت...تييتت ، اي هذي مكينة متع قلب توا تاكدت بالي فاطمة مخبية حاجة و كبيرة زادا، هي كانت مصدقة مريم اما توا سمعت الصوت بوذنيها بدنها قشعر شنوا هذا زعما جنون
أميرة: مريم لازمنا نبعدو الديڤون
مريم: اي كيفاه
أميرة دارت للديڤون و شدتو: ايجا هز معايا و حاول ما تكركرش
مريم: يا أميرة هذا رزين و لو كان يزلق و نتفضحو
أميرة: مريم ما تهبلنيش ايجا هز و اسكت عليا
مريم دارت مقابلتها و هزو الديفون
يحل في الباب سكران خيط دخل المفتاح ودور، طلع موش هو
يسمعو في المفتاح يدور عرفوه روح يا ربي كيفاه بش يعملو كيفاه بش يتصرفو، لازمهم يتخباو مريم و أميرة مالخوف طيحو الديفون، عمل حس صحيح تحرك شويا من بلاصتو أما ماهمش معاه توا لازمهم يتخباو قبل ما يتكشفو