عشق محرم

الحلقة 94

:عطيتهم ما ياكلو ؟
:لا مسيو، انتي قتلنا ما تمدلهوم شي.
:يزيهم عندهم 3 ايام ما كلاوش و انا ما نحبهمش يموتو مزال عندي ما نعمل بيهم، هزلهم ماكلة و حللهم يديهم وافامهم و ٱقف ستناهم يكملو ياكلو و ارجع اربطهم و رد بالك لا يدزوك و يهربو و ما تنساش تهزلهم الماء
: حاظر مسيو
: معاش تبطا، غير اصبرو عليا شوياا
مسيووووو، مسيوووووو
:وييي، وييي شفماا، شبيك تعيط ماو لباس
: مسيو ، سي حسام وصل و هاو يستنى فيك فالصالون و قلال حاجتو بيك ايرجون
: فففف قلو يستنى هاني هابطلو
مالك:اميرة وينك نتي تو
اميرة: بففف يا مالك راك مرجتني
مالك: باهي وينك،
اميرة: هاني في وسط شجرة
مالك: شججججججحرة!!؟ ياخي هبلت يا طفلة، تحب تباصي
اميرة تتبهنس: ستنى نثبت- و نحات ورقة مالشجرة و ذاقتها- ما تخافش شجرة ليكاس ما تعضش
مالك طلعلو الدم: باللهي تتمقسس عليااااا للا ناقصك ماو انا
اميرة: كان بودي نقلك شبيك اما راو كان شنتباصة راو في جرتك باي تو لازمني نعلق

أميرة بلوك جديد، شعر بلون كوب ڨارصون المكياج مكبرها 70 سنة القدام، لابسة جيب كبيير و لابسة تحتو برشا حوايج باش نجمت تبان سمينة شويا، في وسط شجرة قريبة برشا من الفيلا، قاعدة ترا في برشا رجال، الفيلا سيكوريزاي عاللخر، و بالسلاح زادا و سلاح موش سلاح نورمال، داي كلاشنكوف و des m16 ،( اميرة عندها خبرة فالحاجات هذي، بويسك هي خدمتها الاصلية مخابرات اما ماهياش تخدم تحب تحل حاجة بريفاي تتلها فيها و عاملة صونتر كبير تع داي برودوي كوسميتيك و داي مساج شينواز)، قاعدة تحاول تراشي وجهو، تراا في الفيلا من داخل بضو قوي، وترا في راجل جهامتو تقول رئيس ظاهر عندو عرق مافيوزي، ظاهر ماهواش راجل نورمال، لابس كوستيم بلو اما ما نجمتش تثبت في ملامح وجهو، لي شافتو هو شعرو الڨري لي هابط على كتفو، اذاكا شنجمت تشوف بعد ما ولات تعرف لي حسام موش سريو مع بوها و زادت تأكد بعد ما سلم علية اليد في اليد( كيف تمد يدك و تصافح الطرف المقابل بمعنى صحاب عكس لي تحل يدك و تمدها بمعنى اقعد تعني انك ضيفو عندك صفقة ولا اقتراح تحب تعرضو للانسان لي ماشيلو) اما اميرة شافت الصحبة متاعهم، اميرة طاحت عينها في حسام، هي مالاول ماهياش حاملتو من خزرتو و من تصرفاتو و حاولت تحكي عليه لبوها برشا مرات اما ما نجمتش توصلو المعلومة خاطر كل وين تحكي عليه بالخايب لي ترا فيه بوها كان يصدها بالباهي لي كان يعملو معاه ، اميرة واقفة تخرزر و تحاول تستنبط شيحكيو
حسام: مسيو ******* انا مانيش مرتاح، حاسس لي فما شكون قاعد يتبع فيا ، و ينجم يكون اكا الكلب طارق
*******: نقتلوه. ساهلة برشا
هي اكاكا و دغدغت خشمها ورقة متع شجرة و اميرة عندها حساسية مالغبرة، منغير متشعر عطست، و عطست اميرة عمرها ما كانت بالشوي، الحراس لي فالباب سمعو الحسو ما كانوش مالعاكسين
حارس: go go go go
مشاو يجريو الكل ،*******و حسام بقاو يخزرو يحبو يعرفو شفما، حسام خايف، ديراكت شد السلاح و حظر روحو اما ******* ما تحركتلو حتى شعرة
الحراس الكل دارو بالشجرة، 17 واحد، ايار لي شادين لاي كلاشينكوف من فوق الفيلا
الشجرة تحاصرت معاش فما مهرب،
رئيس الحراس: تحبو حي ولا ميت( يحكي فالكيت فون لي في وذنو)
******: تيري عليه ( قالها بكل برودت دم و ما تاثرت فيه حتى شعرة ، واقف بكل شهامة يتفرج)
هو هكاكا و تخرج اول كرطوشم من رئيس الحراس
طااااف
الحراس الكل تبعوه، الشجرة تفلقت بالكرتوش
ططططططططططططططططططططاف