عشق محرم

الحلقة 158

تطلب فيه ما حبش يهز عليها، ياسر متحيرة كمل حيرها كيف ما هزش عليها ، يدها على قلبها و تدور : يا ربي قدر الخير ،
خرج من بيت العمليات بش يكلمها
: أاا أميرة
: باللهي ، ياخي تحكي بجدك انتي ولا تفدلك ما تهزش عليا التلفون تطيحلي قلبي و زيد تقلي اا أميرة ؟! نورمااال ؟
: أميرة ما تكسرليش راسي ماو قتلك هيا معانا قلت لا
: قلت لا خاتر ما نجمش نرا بابا و هو في الحالة هذيكا(و دموعها سبقتها ) ما نجمش أمين نشوفو و هو بالماكينة و موش منجم حتى يحل عينو افهمني عيشك
أمين قلبو وجعو ما حقوش يحكي معاها هكاكا خاتو هو ياسر وجعو بابا طارق و تخنق كيف شافو كاكا : اششش ، باهي أميرة سامحني يالله سامحني ما حقنيش كلمتك هكا، يا بكايا ساعة الخبر لي عندي بش يفرحك برشا
:تكلم أمين
: بابا طارق تحسن برشا والله أميرة كيف ما نحكيلك و الطبيب قال تجاوز مرحلة الخطر خاترو قاعط يتلقى فالدواء متاعو
أميرة موش سايعتها الدنيا مالفرحة رمات التليفون و طاحت عالقاعة تبكي مالفرحة ، قداش شاهية تهبط تبشر الجماعة مالفرحة أما ما لازمهاش تعمل شي توا لين بوها يتعافى و يقوم
أول ما كمل الخدمة  يجري بش يخلط وراها، وصل لدارهم يرا فيهم كيفاه حاتهم، بسمة رقدة في حجر مليكة عالديفون و نور و حسام قاعدين و يحكيو ما حبش يكلمه طلع ديراكت لأميرة، حل الباب يرا فيها طايحة تيكي ، تفجع عليها و مشالها يجري ، أميرة عزيزتي شبيك شفما صارت حاجة قلي ، هزت راسها وعنقتو بابا يا عمربايا
عمر تفجع بلع ريقو مشا فيبالو مات سكت لين كملت تحكي : بابا تخسن و تحاوز مرحبة الخطر
عمر مالصده دور راسو: كيييفاه؟
: اي يا عمر أمين قلي لي هو تجاوز مرحلة الخطو و بدنو قاعد يقبل في الدواء
أمين فرح و عبر علي فرحتو بضحكة مخلطة بدموع عنقها وبعد بقا يستوعب في كلامها ستغرب و بعد عليه: قتلي أمين قلك لي حالتو تحسنت
: اي يا عمر اي
: و أمين شعرفو في الطبيب بوك لي في بريطانيا شقال
أميرة ضحكت : تي يا عمر ،،. أمين راو في في بريطانيا هو و مرين
عمر: شنوا،؟ وقتاه و كيفاه صار هذايا