عشق محرم

الحلقة 110

موش مصدق عينيه، بقا واقف يخزرلهم ال3، ال3 مربوطين حالتهم حليلة، علاه هكا؟، ياخي علاه بوه يعمل هكا؟، اميرة كانت مغمضة عينيها تالمون خايفة، تستنا في حد يتكلم ياخي ما تكلم حد، دالي واقف و يخزر حلت عينيها لقاتو، بدات تتنفض تتهز و تتحط فوف الكرسي تقول كان: ممممممم ، وهو موش عارفها، قدملها باش ينحيلها السكوتش من علا فمها
اميرة: دالي، اجريلي جابك، ربي كيفاه جيت ؟؟؟؟
دالي مصدوم: اميييييرةةة
عيشة و مريم دورو رقبهم بالقوي ما همش مصدقين لي يراو فيه، الي كتفوها بكري طلعت اميرة كان تراو الفرحة لي جاتهم فرحانين يتهزو و يتحطو على الكرسي مريم تضحك من عينها و الكلها معبية بالدموع، اميرة كيف اختها و مستحيل تخليها
اميرة: دالي ازرب يعيشك خرجني من هوني
دالي مزال مصدوم : تي شتعمل هوني ؟
اميرة: تي يا دالي وقتوووو!!ْتيي حلنيييي!!!
دالي حللها يدها كملت حلت ساقها و دارت لعيشة و مريم تحل فيهم ،عيشة موش مصدقة تخزر مصدومة اما فرحانة..
اميرة: يا دالي ياخي واقف؟؟؟اي حل معايا المراا
دالي موش عارف شيعمل، هبط يحل في مريم
اميرة حلتلها ساقها و بعديكا حلتلها فمها
عيشة قالت: اميييرةةةة و اميرة خزرتلها و كبرت عينها كوم سي اسكت
اميرة: اي مدام، ما تخافش اتوا نخرجك من هوني
عيشة فهمتها سكتت و مريم زادا فهمتها و سكتت بقات تخزرلها، كملو حلوهم ، وقفتهم نفضتلهم حوايجهم و خزرت لدالي،: دالي هياااا، خرجنا فيسع قبا ما يجييو الحراس
دالي: منيش فاهم شي ياخي علاه شدوكم ،شنوا عملتو
اميرة: ما نعرفش موش وقتو هياا بربي خرجني من هوني و انا والله نفديهالك
دالي ما يفهم شي قدام اميرة، كملت خزرتلو خزرة ذوبتو قلها هيا
عيشة موش منجمة تمشي هوما خرجو و هي بقات بعديكا نادات: مريم
اميرة و مريم وقفو و بعديكا رجعوهلها
مريم: امي، اميي و بدات تبكي
اميرة قلبها دم على عيشة قداه ليها مربوطة هوني رجعتلها، جات شتقلها امي عيشة بعديكا تفكرت، موش لازم تقول حتى شيء قدام دالي حتى تفهم شكونو هو و شيعمل هوني
اميرة:دالي ما تاقفش انتي امشي امنلنا طريق يخرجنا، مداام لاباس، هياا تكى، علياا، و نتي يا بنتها، شدها من هوني هيا
عيشة تكات عليهم ،و دالي بقا واقف شويا و بعديكا مشا
مريم: اميييرة و جرات حملتها و اميرة زادا عنقتها و بداو يبكيو، اميرة بعدت عليها مسحتلها دموعها و حملت عيشة
اميرة: اسمعوني، انا جيت بش نخرجكم، ياخي شدوني، توا احسبو رواحكم ما تعرفونيش باهي، و ردو بالكم تغلطو تقولو حاجة
عيشة: باهي،بايهي
اميرة: هيا مريم قومها وسايس عليها، نشالله نخرجو من هوني،دالي رجع بش يعيطلهم يرا في حارس جاي قدامو في الكلوار ما بيناتهم كان البيت لي فيها الجماعة ما لازموش يوصللها، دالي زرب في خطوتو بش يخلط عليه قبل ما يوصل للبيت
دالي وقفو :اسمعني انتي
وي مسيو دالي
دالي تعدى بجري ، اميرة و مريم كيف راوه عرفو لي فما شكون جاي و مالازمهمش يخرجو و قفو في بلاصتهم : امممممم ( دالي ما لقا ما يقول) امشي خرجلي كرهبتي مالبركينغ، و اغسلها
الحارس: اما مسيو انا راو عندي خدمة تواا
دالي بدا يعيط : سمعتني و لااا
اميرة و مريم خايفين موش عارفين شنوا يعملو، شادين عيشة و واقفين ،
الحارس : حاضر مسيوو الحارس مشا وقف و دالي زادا واقف قدام بش ما يخليهش يتعدا، ما سيبو كان كيف دار و مشا و هبط الدروج
رجع يجري عيط علي اميرة بشوياا: هييااا
خرجو يزربو، و يساسو في عيشة دالي يمشي قدامهم و يتلفت، خايف لا يشدوه، رغم انو ما هواش عارف علاه هاذم هوني، مشاو يزربو و خرجهم مالباب التالاني و خرجو عالجردان
اميرة و مريم يجريو و يسايسو في عيشا و عيشا تزرب بالسيف، ساقها موش منجمة تحركها ، عيشا طاحت، الحراس سمعو الرذخة، و كبير الحرس امرهم بش يمشيو يشوفو شفما ، دالي يمشي قدامهم رجع يقوم فيها، هز راسو يرا في حركت الحراس من غادي همس بشويا: امييرة، امييرة الحرس جايين ازرب قومها مدام انا مشيت لهيتهم، و قام و مشا يجري، طبس على التراب هز شويا مسخ بيهم حوايجو و مشا يجري قبل ما يخلطو، اميرة موش مستوعبة، فاش قاعد يعمل و كيفاه ينجم يلهيهم ياخي منين يعرفهم هو، اميرة في الارض، قعدت سارحة تخزلو و مصدومة، فيقتها مريم من سرحتها
مريم: اميرة قومها معايا قومتها، و كركروها و خرجو بيها للطريق
دالي: شنوا، عندكم ميسيون كالعادة ياخي پا ما يرتحكمش شويا؟
كبير الحرس: هه مسيو دالي منين خرجت، - و هزو و حطو- لا جيست سمعنا صوت كاينو حاجة طاحت، ياخي خرجتهم
دالي : ههه اذاكا انا طحت -و خزر لحوايجو-، ماك تعرف الشرب يعمل و بدا ينفض فيهم قدامو الحارس بقا يخزراو، بعديكا خزر للحراس بمعنى ما تعملو شي و موش عارف علاه ماهواش مصدقو دالي تنفس تالمون كان خايف اما توا ما ينجمش يرجعلهم بقا واقف شويا بحذا الحرس و يخزر للشارع يراهمش، كبير الحرس شك فيه كيف لقاه يتلفت برشا، حاسس لي فما حاجة دالي تلفت يلقاه يخزرلو عرفو لي شك فيه تبسم: امممم، اياا خنمشي نبدل حوايجي انا و تبسم و مشا و بقا يمشي و يتلفت هو داخل و يطلب في اميرة، اه اميرة قلي شعملت،
اميرة: شي يا دالي ما لقيتش تاكسي و لي نكلمو يقلي خارج الخدمة
دالي: باهي وينكم انتوما توا
اميرة: هانا نمشيو في الطريق فماشي ما تخلط علينا كرهبة نوقفوها
دالي باهي كملو امشيو هاني جاي
رجع و هو خارج عرضو الحارس: مسيو دالي هاني خرجتها كرهبتك و غسلتها زادا
دالي: ٱٱٱ يعطيك الصحة مرسي بوكو، تعرف عندك من عندي كادو، و خذا من عندو المفتاح و ضربو على كتفو: مرسي
و مشااا يجري
الحارس فرح موش نورمال بقا واقف في بلاصتو، يتبسم و يخمم في الكادو 🤦🏻‍♀️
دالي مشا يجري و خلط عليهم بالكرهبة
اميرة ترا في كرهبة جاية عملت يدها بش توقفها ستوب، ياخي وقف هو
دالي: هياا امييرة اطلعو فيسع
اميرة قعدت مصدومة موش مصدقة لي ترا فيه، كرهبتو تعمل ملياار، منين جابها، بقات مصدومة خاتر هيتو لي تعرفها موش متع واحد عندو الفلوس هذي الكل، اميرة واقفة و تخزلو و عيشة و مريم موش عارفين شنوا يعملو واقفين و يخزرو لاميرة
دالي: تي يا اميييرةةة شبييييك تي اطلع فيييسع
اميرة فاقت من سرحتها و طلعت عيشة و ركبت