عشق محرم

الحلقة 112

صباح جديد شمس جديدة، اميرة واقفة فالبلكون تشرب في قهوتها وتستنا فيهم بش يقومو لازمهم يكلمو مالك، عيشة و مريم مزالو ما قاموش بطبيعة مالتعب و ماللي تعدا عليهم لازمهم يرقدو جمعتين بش يعوضو النهارات لي تحرمو منهم، لي تعدا عليهم موش شويا، الشمس سطعت في مريم تحركت شويا بعديكا قامت و مشات بحذا اميرة
مريم: صباح الخير
اميرة: اهاااا قمت! يا روحي ايجاني و عنقتها عنقو بعضهم و الدمعة طاحت من عينيهم
اميرة: ايااا عاد مريومة يزي تواا كل شي وفاا و ماليوم معاش ينجم يمسكم حتى واحد مدامني انا معاكم معاش نخليكم يا روحي
مريم: اما يا اميرة شنوا لي صار ياخي! احنا وين ؟و علاش عملو فينا اكايا ؟ياخي شنواا يحبو منا؟
اميرة تلفتت لعيشة لقاتها راقدة طمنت بش تحكي
اميرة: فما شكون خطفكم و جابكم لهوني بش يطلب بيكم فدية من پاا و انتوما توا في بريطانيا
مريم حلت فمها: اما علاش احنا بالذات ياخي
اميرة ما لقات ما تقول: خاطركم انتوما غالين بالنسبة لمالك و ليا انا و بالطبيعة ي يسمع ماك بش يتحرق عليكم و پا ما ينجمش يشوف ولدو محروق دونك بش يضطر انو يعطي عليكم فدية
مريم طبست راسها: وبطبيعة عم طارق ماهواش بش يدفع علينا حتى فرنك تي هوا كان يلقى يقتلني انا و امي
اميرة قلبها وجعها (على مريم و على خاطر عندها بو كيف طارق): لا يا روحي ما تقولش هكا بالعس ساعا پا هوني هوا توا في بريطانيا اول ما سمع بيكم خلط يجري بش يحوس عليكم خاطر الفلوس لي طلبها منو عدوه احنا بيدنا ماعناش لازمنا نبيعو الشركات و الدار متاعنا والديار لي نملكوهم الكل و حتى من كراهبنا زادا و ما نلمدوهش المبلغ لي حاجتو بيه كبير برشا وپا ما لقا ما يعمل غير انو يحوس عليكم و انا زادا هاني خلط عليه
مريم فرحت مووش نورماال: اميييرة بالحق ياخي عم طارق جاء لهوني بش يحوس علينااا!
اميرة: اي والله يا روحي اما انا كلمتو البارح و قتلو صاياي لقيتهم كان ترا قداه فرح و اتوا نتفاضاو و نمشيولو نجيبوه و نروحو معاه اما قبل لازمنا نعملو دورة كبيييرة انا ويااك
مريم فرحت عللخر: و مالك؟ قتلو لي احنا لاباس
اميرة: لااا عااد مالك انتي لي بش تقلو
مريم تهزت و تنفضت مالفرحة يااااااا باللللحق !
اميرة: اششششش هه يا بنتي اسكت لا تفيق امي، ههه اي بالحق اما قبل خلي امي عيشة تفيق
مريم: اما امي! و هبطت راسها ماو فيبالك اميرة لي امي موش شتخليني نحكي معااه اون+ انتي تعرف شنواا صار
اميرة: زعمااااا؟ باهي تعرششي كيفاه اخرج انتي اسبقني توا انا نجيب البيساي و نخلط وراك بش ما نعملوش الحس
مريم بااهي و مشات تجري فرحانة
اميرة خلطت وراها و سكرت الباب
مريم: مكبرو هالسويت يا اميرة ياخي قداه حقو موش برشا عليك
اميرة: هه ما تخممش يا روحي مدامك انتي و امي عيشة معايا انا معاش يهمني في حتى شي
مريم قداه فرحت قداه تحبها هالطفلة و تموت عليها قداه تمنات يكون عندها اخت هكايا تحبها و تخاف عليها و تحميها
اميرة قعت بحذاها : ايا توا حضر روحك و ما تتكلمش كان وقت ما انا نقلك و حاول ما توريش روحك باهي هه نعملوهالو سيربرز
مريم: ستنا ساعة باهية هكا، و شعري سافا، و ريحتي ريحتي موش خايبة
اميرة ماتت بالضحك: ههههه مريومة شعرك مريڨل قدااه محلاك هكا ما ناقصك شي و ريحتك ما تضهرش راي عالكاميرا  😂
مريم وجهها حماار و حشمت: اا اي نسيت هه
اميرة طلبت مالك
مالك: ياخي نورماااال انتييي؟ليلة كاملة ما فماش ريحتك، و احنا الكلنا نطلبوو ، عمر ميت عليك بالفجعة قريب يموت لاباس نتي؟ قلي ياخي شنوا تحب تعمل بالضبك اااه تحب تفجعنا ماك فجعتنا سي بون يزي
اميرة: و امين !
مالك : لا لا والله لاك نورمال نتي والله تعرف يا اميرة غير روح والله ما نعمل من عذابك صنعةةةةةةة سمممعععععععععت
اميرة شدت وذنها: وه شبيك تعيط طرشتلي وذني
باهي وينهم الجماعة ساعة الخبر لي جايبتهولك انا توا خبر يمشي على ساقيه
مالك ما حاجتيش بيه الخبر خليه عنك
اميرة: ابون
مالك: ا وي و توا برا معاش تكلمني جملة بلوكيني خير و نقلك حاجة موش لازم تروح معاش عينا بيك و لا بخبوراتك لي تمشي على ساقيها و كانك على عمر توا انا نقلو راي ماتت و لا كلاها الحوت توا يبكي عليك شويا و ينساك
اميرة :باهي قتلي ما عينكش بيه الخبر اه
مالك: اي وتوا علق كسرتلي راسي
اميرة: باهي مالا موش لازم مريم قوم من بحذايا سمعتو مااو، قلك ما حاجتيش بيك
مالك موش مصدق لي يسمع فيه قالت مريم 🤯
قالتها و علقت!
مريم: وه يا اميرة تي علاه علقت
اميرة: ما تخافش توا يتصدم شويا و يعاود يطلب اما قبل خليه يفيق مالصدمة
مالك: واقف حال فمو اه شنوا قالت قالت مريم اي مريم، متكونسي في بلاصتو مصدوم ماللي سمعو عينو دمعت و بدنو قشعر و كان تطلع تكذب يا اميرة نقتلك بيدي
مريم: و كيف ما يعودش يطلبببب قالتها بدلال و كتفت يديها
اميرة: يا بنتي مالك و نعرفو ايا شد عنك
و بدات تعد 1,2.....
هي قالت 2 و هو طلب
اميرة: مم شتحب، اسمع ما تضيعليش وقتي اه عندي شوبينغ اليوم و بش نهز مريم للكوافور
مالك فرحان فرحتو ما تتوصفش: اميرة ،اميرة ستنا، ستنا بشويا قلت مريم انتي تواا، امانك اميرة ما تكذبش عليا قلي انتي تواا قلت مريم
اميرة: اي مريم
مالك حط يدو على فمو موش مصدق يتنفس بالسيف
اميرة عرفتو متوحشها يزي معاش تنجم تخليه يستنا اكثر من هكا : ههه ايا سي بون احكيو معا بعضكم خاطركم الزوز بش تتفلقو واحد من بحذا ولا خر قدامي و عطات البيساي لمريم
مالك وقت لي تبدل الوجه لي كان قدامو قلبو ضرب، قريب يخرج من بلاصتو لتوا حاطط يدو على فمو و عينيه الفوق موش مصدق و موش منجم يخزر لوجهها، كيفاه شينجم
مريم وقت لي شافت مالك عينيها دمعت و قلبها ضرب، كيف كيف تخزرلو و تبكي و يدها على فمها مالك بعد يدو على فمو و تنفس بالقوي و قال مريم
مريم و هي تبكي موش منجمة تقول شي غير: مممم
مالك سمعها عرفها هي وقتها وين نجم يخزرلها خاطر ما كانش مصدق و ماكانش متخيل روحو كان تطلع اميرة تكذب عليه شنوا بش يصير يمكن تجيه سكتة قلبيه
خزرلها في وجها موش مصدق لي يرا فيه هياا والله هيا معاش ينجم بدا يبكي و يسكت فيها
امين قام لقاه يبكي بدا يقيم في عمر
امين: عمر، عمر قووم صاحبك اغتصبوه