عشق محرم

الحلقة 38

مالك سمع صوت الكرهبة طل لقاها أميرة قام مالفرش و حل الباب ديراكت لقاها متعدية تجري فالكلوار ماشية لبيتها
مالك: أميي...
دخلت خلط عليها : تكا عالباب و تبسم شنوة للا أميرة هاك مخوضتها ستوريات عالأنستا مع خطيبتي
اميرة تجاوب فيه وهي تزرب تلوج في الڨاردروب : هههه أولا مزالت ما ولاتش خطيبتك و ثانيا ريت الدنيا شكون قال شتولي صاحبتي قبل ما تولي خطيبتك ثالثا مانيش ناقصتك أنا توا مريم تستنى فيا فالكرهبة وهزتلو حواجبها تغزل فيه
مالك سمع مريم تهز و تحط : شنية مريم لهناااا...
أميرة: ههههه أي سي مالك في الكرهبة تستنى فيا شنمشي.... قص عليها: علاه تستنى فيك ياخي وين شتمشيو شتفسدلي الطفلة؟؟
أميرة: هههه و خليتني نكمل كلامي زيد ما تخافش سي كالك شنمشي نبات بحذاها و جيت نهز في صاكي و مكياجي و البيجاما متاعي و مانيش جايا شتراني كان غدوة في الخطبة و توا باي صاحبتي تستنى
بيبتلو بيدها و تعدات من بحذاه تغزل فيه
مالك: أميرة أمان خنهبط معاك نشوفها والله ما تتصورش قداه متوحشها أمان يتكلم و خالط يتبع في أميرة
أميرة وقفت: لاا... ممنوع و توا أرجع لصوحابك سي مالك بااااي
مالك نفض يديه: بففففف نكرهك و دخل للبيت
عمر: يا ولدي شبيك تنفخ
مالك: شي أك أميرة جابت معاها مريم و ما خلاتنيش نهبط نراها
أمين: هههههه أو بش يهبل أذايا على مريم
عمر: ههههه و أميرة ويني خنمشيلها
مالك: هاهاها تهنى سي عمر ماكش شتراها أميرة حتى نتي
عمر: شنية!!! علاه
مالك: مشات شتبات مع مريم و بقا يطلعلو في حواجبو يغزل فيه
أمين شاخ بالضحك
عمر بقا يغزل فد و تغشش عاللخر
أمين: هههههههه الله يهلكك يا مالك تي هو جاي لأميرة بالذمة فيبالك ميت بش يحضر لخطبتك
مالك: أي يستاهل ماو ينبر عليا خليه يحس شويا لي نحس فيه
طارق قاعد فوق الفرش البيت كاملة مسكرة يتكيف في جرت بعضو موش عارف شنوا بش يعمل قام و خرج مشا لبيت مالك دق الباب
مالك كان يلعب هو و لولاد في البلاي : أدخل
طارق : مالك (دخل فيبالو مالك وحدو)
صار صوحابك بحذاك
مالك قام :أهلا پاا.... مالا شفيبالك ههه بش يخليو صاحبهم وحدو نهار خطبتو
عمر: هههه والله عم طارق حتى هو يستنى في غدوة بالدقيقة و الدرج
أمين: ههههه قلك معاش ينجم يقعد ما يراهاش
مالك دار هز مخدة و رماها على أمين لي مات مالضحك
طارق جاء بش يحكي معاه و يقلو نأجلو الخطبة (حب يتأكد من مريم) ياخي كيف لقاه فرحان و يستنى فالخطبة ما نجمش يقلو تبسم و خرج و صكر الباب
مالك حار عرف بوه موش قد بعضو أما طفاها الحكاية و رجع قعد
أمين: ماكش بش تحشم و تزيدنا طرف أكاجو
مالك: نعم...قوم جيب وحدك
عمر:تي سيبو أمين عندو سقام العرايس عالجيبان أذاكا
أمين:طرشق بالضحك
مالك: هاهاها تسيب في الركاكة متاعك