عشق محرم

الحلقة 146

فلاش بااك
الدنيا ليل ،واقف فوق الجسر، يستنى ، موش عارف علاه وثق فيه المرة هذي رغم العمايل لي عملهم أما ساقيه جابتو و موش عارف علاش ، واقف يخزر للبحر، حاط يديه عالجسر
جاء و وقف وراه : اا شنوا سي طارق ، هاك جيت
طارق دارلو هزو و حطو ،يرا في هيتو و في لبستو تبدل برشا على قبل وقت كان يخدم عندو
حسام :شنوا ستغربت
لا ما استغربتش ، اصل واحد كلب كيفك تنجم تتوقع منو كل شي ، ما فهمتش علاه ما صدقتش أميرة بنتي وقت حذرتني منك ، ماي بون الزمان يداوي موش مشكل
حسام: اي اي قلت الحق الزمان يداوي ، هذاكا علاه انا واقف قدامك اليوم ...
... جيت بش ناخذ حقي
طارق : واللهي كان فما واحد لازم ياخذ حقو هو انا منك انتي ، اما ميسالش تنجم تقلي على شنوا بضبط حقك بش تاخذو وكيفاه تره
حسام : على شنوا ؟ سؤال و جيه ، نسيت كيفاه كنت مخدمني عنك كالكلب ، انا لي بديت معاه الخدمة و انا لي كبرت بيه خدمتك، كنت تعامل فيا كالبهيم ، ديما وراك ، كان انا ، من خدامتك الكل تعامل فيا كان انا ، انا لي نهزلك كرطابتك و انا لي نحللك باب الكرهبة وقت تجي بش تطلع و انا لي نمشي معاك اجتماعاتك و انا و انا و انا ، كنت ديما حاسبني الكلب متاعك ، تاخذ اللحم و ترميلي العظم ، بيا أنا كبرت و برائيي انا كبرت مشاريعك و وين تدور في يدك الفلوس تمدلي كان زوز صوردي مالمربوح الي نورمالمون هو دخل بذكايا انا ، و حط يدو على راسو ، يحكي بكل غل
طارق يسمع و ساكت حال فمو ، لا عمرو كان يتوقع منو كلام هكا ، طول عمرو كان حاسبو ذراعو اليمين و ماكانش نيتو انو يقلل من قيمتو ولا حاجة بالعكس هو يتسمى اقوى قراد فالشركة و اليد اليمين لسي طارق الناس الكل يحترموه و يقدروه
طارق بدهشة و غصة كبيرة: مانيش مصدق!تي هاو قلبك معبي عليا ، قلي هاذا من قبل ولا كان توا كيف وليت تخدم مع سي طورينتو
حسام : ما وليت نخدم عند حد ، انا وليت انسان مستقل ، تابع روحي معناها و نخدم وحدي الكلام هذا من قبل موش من توا غير كنت صبعي تحت الزرسة و ما نجم نقول شي خاطر مجبور بش نخدم حتى و هوما زوز فرنك ، اما توا حليت عيني عالدنياو فهمت لي لازمني نحاسبك
طارق تبسم معاش عندو ما يقول ،
حسام دار و عطا بظهرو
و طارق ما فيبالوش بش يغدرو
طارق هبط راسو و بش يتكلم و حسام كمل ركب السيلونس فالسلاح و دارلو و ظربو طارق تصدم شد صدرو و بقا يخزرلو موش مصدق، موش مصدق عشير عمرو عمل فيه هكا ،
حسلم نفخ عالسلاح : الله غالب الازم لازم ، اصل تعبت و انا نلوج عليك
طارق طاح فالبحر و حسام مش