عشق محرم

الحلقة 85

بسمة جابت كرسي لاشرف: اقعد ولدي
اشرف :لا يعيشك ...مدام مليكة الحمدلله على سلامتك و نشالله تقوم لاباس
حبيت نقلك..لي راو موش كيما ماشي فيبالك...موش انا لي ضربتها نور، انا كنت خارج مالدار و شديت الطرق هذاكا نهارتها بالصدفة نرا في دخان و كرهبة مقلوبة وقفت الكرهبة و هبط نثبت نلقاشي حد ياخي لقيتها هي في وسطها مقلوبة، دايخة و تنزف ولييت جبتها لهوني
مليكة عرفت لي كانت غالطة فيه طلبت السماح و قتلو لي مشا فيبالها لي هو لي ضربها
اشرف سامحها و قالها ما فما حتى مشكلة
و منغير ما نحكيلكم على امين عاد ،لي حمار و هو واقف في بلاصتو، تغشش و الدم طلعلو، كيفاه عمل هكا، كيفاه يخلي واحد غريب يتبرعلها بدمو،؟! لا وزيد هو لي جابها للسبيطار امين شعل و بقا يتخيل كيفاه اشرف جايبها للسبيطار شد اشرف من كول سوريتو و بدا يعيط عليه، قريب يضربو،نارو شاعلة و وجهو احمر مالغش يحب يفش فيه غيضو الكل اشرف موش فاهم شي، بسمة و اميرة يحزو، يشدو فيه، مليكة مسكينة موش منجمة تتحرك تتفرخ و تقلهم صليو عالنبي
اميرة فدت ملي قاعد يصير جات بيناتهم و عيطت
:يززييبيييييييييوو
ودارت لامين: شبيك ياخي هبلت اااه فيق على روحك فاش قاعد تعمل
اشرف سوا دبشو: ما فهمتش ياخي شصارلك سي امين شنوا عمتلك ياخي انا؟
امين جاء شيتكلم ما نجمش يقول علاه هو تصرف هكاكا قدام ام نور
امين سكت
اميرة: اي تكلم عاد سي امين علاه سكت تخزرلو في وجهو بمعنى فيق لروحك شنوا عملت
امين فاق على روحو و عرف لي هو تصرف بالغالط جيست خاطرو غاير على نور تلفت لقا مليكة و بسمة يخزرولو،يستناو في تفسير للي صار،للي عملو هو توا، امين حار كيفاه شيتصر تلفت لاشرف: س..س..سامحني
قالها و خرج يزرب
اميرة خزرت لاشرف اشرف سامحنا بربي، امسحها فيا امين هالايامات موش قد بعضو خليني نخلط نشوف شبيه..مما بحذاك اشرف
هي جات خارجة و عمر حل الباب و دخل.اميرة خزرتلو و خرجت تزرب بش تخلط على امين، عمر ستغرب و دخل : ططا بسمة شبيها اميرة
بسمة ما لقات: لا شي خلطت على امين ..شتشم هواا
عمرعرف فما حاجة
خزر لمليكة: مدام مليكة سافا شتحس في روحك توا خيير شويا
مليكة : عمر عيش ولدي انا سافا قلي ويني نور
عمر: لاااا نور احسن مني و منك ديجا جيت شنقلكو شويا ٱخر و تنجمو تمشيو تطلو عليها اوكا خليت الفرملية تحضر فيها و تبدللها في الفاصمة...اشرف و نتي هاك هوني،
مليكة : ياخي تعرفو بعضكم؟
امين: هه اي انا و اشرف كنا كيف الخوات ما نتفارقوش و ديجا قرا معايا في كلية الطب و زميلي زادا توا هه يخدم جراح اما موش في الكلينيك هذي
مليكة كبر في عينها اشرف اذايا
اشرف: هه و لتوا أحنا خوات غير الخدمة لهاتنا شويا
عمر: هيه قلي انتي شتعمل هوني و كيفاه لقاك امين؟
تكلمت مليكة: اشرف هو لي نقض بنتي و انا مدينتلو بروحي
اشرف :ما تقولش هكا مدام مليكة لي عملتو يتسمى واجب، وزيد انا فرحان عاللخر لي عرفتكم
مليكة تبسمت و في مخها برشا حاجات على اشرف قداه عجبها و كبر في عينها، و قداه كانت غالطة فيه، و قداه ندمت علي عملتو فيه ٱمس
عمر: ااا حقا نسيت ما قتلكمش البوليسياا جاو يحبو يعرفو كيفاه صار الاكسيدون قتلهم ما ينجمو يحكيو معاكم كان كي تفيقو، مشاو و قالو لي هوما بش يرجعو لعشية،
أشرف مدام الحكاية هكا نتي زادا ما نغير ما تروح اعطي اقوالك و بعديكا امشي