عشق محرم

الحلقة 40

أميرة: منغير مزيا يا بنتي زيد كي تجي ترا  إنتي اليوم بش ترجعهملي ثاني و مثلث
مريم لخلخت : اااا...كيفاش
أميرة: بش ترتحني من مالك عاللقل شيولي ديما معاك و نرتاح من خليقتو
مريم: ههههههههه لا تربحك فجعتني
عيشة: لبنات هيا تي وينكم هيا الفطور حضر
أميرة هزت مفتاح الكرهبة...خرجو الزوز مالبيت مزالو بالبيجاما و الشلاكة
أميرة: أمي عيشة خلينا نوصلو لهنا شويا و نجيو ما نبطاوش باهي
قالتهالها و مشات تجري هي و مريم و عيشة مزالت تحكي
عيشة: تي وين يا بنتي الفطور بش يب......فففف هالبنات ماللي عرفو بعضهم هبلو الزوز.....قول مريم مهبولة بطبيعتها ماللي عرفت سي مالك..نشالله ربي يقوي سعدها بنيتي الغالية ربي عطاها على قد قلبها و طيحها بوليد الحلال عااقل و متربي تبارك الله عليه اخلاق عالية و طيبة القلب نظيف يشره ..... عيشة بقات تحكي وحدها و البنات عاملين جو حاطين غناية يادبلة الخطوبة و يغنيو و عاملين جو و يضحكو شايخين شعرهم داخل بعضو و حالتهم حليلة  أميرة تعدات لپاتيسري ديما تاخذ من عندها خذات 3 كيلو كعك ورقة و برشا أنواع أخرين حصيلو خذات قرابة 12 كيلو حلو و مريم متغششة : يا أميرة ووه علاه هذا الكل ياخي تي هذا يوكل بلاد كاملة تي رانا كعبتين و كعبة
أميرة: يا مريم أسكت شويا أمان أنا خذيت بزايد بش نوزعوه عالجيران
مريم: تي حتى الجيران يزيزهم و يفضل
أميرة: هههه باهي أخرج
خرجو مالپاتيسري و مشاو للكوشة خذاو كرواسون و تعداو لسوپرات خذاو jus و شويا قضيات و روحو
دخلو عرضتهم عيشة :أوووووه شنية الباكوات هذي الكل
أميرة: أمي عيشة أمان إيجا خو هاذوما حطهم فالكوجينا أميرة تهبط في القضية مالمال
عيشة : يا بنيتي علاه القضية هذي الكل واللهي تعبت معانا برشا نتي و خوك حتى مالك المرة الأخرى ما خلى ما قضالنا واللهي حشمتوني على روحي

مريم: ريت بربي أمي حتى أنا قلتلها
أميرة: وه أميي شنوا هالكلام إنتي راك في مقام مما زيد مريم أختي إحسبني بنتك كيف مريم ونتي مريم موش قتلك أسكت
عيشة: ربي يفرحك بنتي و يعليك على من يعاديك ربي يفضلكم ليا إنتي و مالك ولدي الزوز وليداتي
أميرة: ريت كيفاه أمي أحنا الزوز ولادك معناها ماعنا عليك حتى مزية
و دخلو للكوجينة و قعدو عالطاولة عيشة حطتلهم الفطور وقعدت تدعي على أميرة.... عظم و زبدة و معجون و شمية و عسل و ياغرت وقهوة و  زادت حطتلهم ال jus والكرواسون و الحلو لي جابتو أميرة حاصيلو الخيرات السبعة
مريم: وه أمي شفما حطتلنا هالفطور الكل
أميرة: يا بنتي راك عروسة شبيك
عيشة: ريت بربي راي ديما ما تفطرش تفيق كان مع المغرب تتعشى و ترجع ترقد و زيد كان شنقلك لأميرة خاطرها ضيفة أميرة موش ضيفة بنت الدار
توا
أميرة: يفضلك يامي ربي يطول في عمرك و تلفتت لمريم ونتي هيا إزرب أفطر بش نمشيو للcoiff فيسع
مريم: coiffuurree يا بنتي فاش تحكي أنا مانيش ماشية هاو نقلك قلو حجامة أنا بش نعمل فالدار
عيشة: أي بنتي علاه الحجامة ماو أعملو مكياج خفيف فالدار و أكهو فاش قام عليك هالمصروف يا بنيتي
أميرة: أمان أمي عيشة خليني نهزها للحجامة أمان مريومة خليني نهزك للكوافير و إحسبو كادو من عندي
مريم ما قبلتش كان بعد ما تسحللتلها أميرة تي قريب تبوسلها رجليها حتى من يدها باستهالها
أميرة: يااااا يعيشك مريومة تو ترا كيفاه نخرجك ما نخرجك عروسة و باستها من وجها و قامت تعنق و تبوس في عيشة
أميرة: أمي عيشة نتي زادا عندي ليك كادو
عيشة:هههه ما تقليش شتدور عليا انا توا تهزني  للحجامة
أميرة: هههههههه أي علاش لا أصلا تهنا أمي ماكش مانعة مني اليوم أنا الحجامة متاعك ههههه أما لا موش هذا الكادو متاعي ستنا هاني جايا
أميرة مشات تجري للبيت
عيشة: واللهي محلاها هالطفلة دخلت لقلبي كالعسل
مريم: ههه لدرجة إنك بدلتني
عيشة: هههه يا مغيارة