عشق محرم

الحلقة 93

عسلامة، مسيو مالك هوني .
منى: تفضل، نتي تخدم معاه ؟؟
:لا انا صاحبت مريم ، اسلام و جيت حاجتي بسي مالك تنجم تعيطهولي يعيشك
بسمة و هي هابطة فالدروج : منى شكون جاء
منى: بونجور مدام بسمة لي عالباب اسلام صاحبت مريم جات قالت حاجتها بسي مالك
بسمة: باهي اطلع عيطهولها مادام انا دخلتها
بسمة مشات للباب دخلت اسلام: تفضل بنتي ادخل ستنااه فالصالون
اسلام : لا يعيشك مدام موش لازم ندخل انا جيت حاجتي بيه في قضية و بش نمشي و زيد التاكسي يستنى فيا
بسمة: تي اما تاكسي يا بنتي كيف نقلك ادخل تدخل و ما تخافش تو احنا نوصلوك للدار- و خرجت لاحمد-  احمد خلص التاكسي لي فالباب و قلو يمشي
احمد : حاظر مدام
و دخلت معاها
و قعدتها : تشرب حاجة بنتي
اسلام : لا يعيشك مدام ربي يفضلك
بسمة: كيفاه يجي منو تدخل لدار العايشي و ما تشرب شي لازم نضيفوك، امل، امل، تي وينك.
امل :نعم مدام بسمة تحب حاجة
بسمة: ريقي نشف و انا نبرح عام شتجي
امل : سامحني مدام كنت واقفة عالفطور
بسمة: باهي جيب jus و قهوة، و كعك ورقة و كان فما تاي اخضر بالبندق ليا انا و اسلام
امل: حاضر مدام بسمة اما البندق وفا كان تحب تو نجيب صحن لوز بلون مع التاي
بسمة: اففف موش قتلكم ما تنقصو شي عالكوجينة، باهي جيب
اسلام: مدام علاه هذايا الكل واللهي حشمتني
بسمة: ههه وه بنتي راك ضيفتي و لازمني نفرح بيك
اسلام: ربي يفضلك مدام بسمة
بسمة: شنوا توا نحي علينا ها مدام بسمة هاذي، قول حاجة اخرى
اسلام: ههه باهي، طاا بسمة
بسمة ضحكت: ههه اي مثلاا ، اي سافا انتوما شعاملين، و مريم شبيها ما جاتش معاك ما تقليش مزالت حاشمة و بعثتك نتي بش توصل حاجة لمالك
اسلام: ططا ياخي ما قلكش مالك
بسمة: شفما نشالله خير
اسلام: ططا مريم عندها برشا ماهياش في الدار هي و امي عيشة زادا  و لتوا ماناش عارفين وينهم و ما سمعنا عليهم حتى خبر
بسمة تصدمت: شنواا فاش تحكي بنتي و كيفاه ماهمش فالدار معناها نقلو؟؟
اسلام: لا مدام كان نقلو رانا ريناهم يهزو في الحوايج و راي قتلنا امي عيشة اما هوما ما نقلوش و حتى طلبناهم تليفوناتهم موش موجودين و ما نجمناش نتصلو بيهم بحتى طريقة
بسمة بالرسمي تصدمت مع شويا تحليل في مخها للي قاعد يصير هي زادا شكت في راجلها اوتوماتيكمون ما فماش حتى تفسير اخر للحكاية
مالك: اهلا اسلام شتعمل هوني اسلام قامت و مشات بحذا مالك اهلا سي مالك انا جيت شنقلك
مالك تبسم ما يحبش امو تعرف: اا اسلام شقولك كان تجي معايا للصالون لخرا اكاكا نحكيو خير على راحتنا
بسمة قامت  و مشات لمالك: ما عندك ما تخبي سي مالك انا عرفت صايي، هكااا ما تقليش كان كيف نسمع من عند الغير ، ياخي مثبت لي انتي ولدي
مالك دور راسو و غمض عينو عرفها بش تتخذ مادام امو عرفت: تلفت لاسلام :انتي قتلها
اسلام هبطت راسها
بسمة: علاه زادا ما تحبهاش تقلي ؟
مالك: مما هدي روحك الحكاية موش كيما ماش فيبالك
بسمة: مالا كيفاه الحكاية ، مقلوبة على راسها
مالك: مما هدي روحك الساعة نحكي مع الطفلة و بعد نحلو الحكاية ما بيناتنا منى هز مما لبيتها
بسمة: لا مانيش ماشية و هاني فالصالون نستنا فيك و مشات
مالك خزر لمنى بمعنى تنجم تمشي
اسلام: امانك سي مالك سامحني والله ما فيبالي لي هيا ما فيبالهاش والله اسلام قريب تبكي تالمون خايفة
مالك: اسلام، اسلام، اسلام، سافا هدي روحك هيا عاد ما صار شي انا بطبيعتي كنت شنقلها مماا
قعدها و صبلها شربة ماء باهي اشرب توا و هدي روحك و احكيلي علاه جيت عرفت حاجة على مريم قلي
اسلام: لا سي مالك, malheureusement لتوا ما نعرف شي على مريم، جيت شنقلك لي مريم نجحت فالباك عندها برشا اما انا ما نجمتش نقلك وقتها و توا كيف جا البوصطاجي و جابلي شهادتي قتلو زادا يمدلي شهادة مريم، و هذي هياا جيت شنمدهالك
و مدتلو ماصو كبير فيه الشهادة متع مريم