عشق محرم

الحلقة 26

أمين: صباح الخير طا
قعد و بقا يخزر لنور و يتبسم أما هي ما غزرتلوش
بسمة: مرحبا بولدي تفضل أقعد وينو مالك
أمين: مشا يحكي مع عم طارق....أيا هاو جاء
نور كيف سمعت مالك تهزت و تحطت و عينيها شعلت
مالك: صباح الخير و الفل و الياسمين و مشا حمل بسمة و باسها من رقبتها
بسمة: كالسبة هاك شايخ و تصبح كالعباد بهيم شكون توفا اللطف
مالك: ههههه
طارق: تي ماو نهارت الخميس خطبتو على هالطفلة مريم
نور شرقت
مليكة :سمالله على بنتي شد أشرب
بسمة: هزت نور و حطتها: لاباس نور صارتلك حاجة
نور بصوت متقطع: لا طا لاباس كملو أفطرو على رواحكم...شاهية طيبة مسحت فمها و قامت
مالك تبسم و شيعها بعينيه و قفت خزرتلو بعين ذابلة و معبية بالدموع و مشات
عرضتها أميرة: صباح الخير نور ويني أ....
نور طفاتها و طلعت :وه شبيها هذي زادا...
أميرة : بونجورات عليكم يا جماعة...هيييه هاكم ملمومين حتى أمون و ملوكي هوني
بسمة: ماي خطبة خوك نهارت الخميس ولا تلقانة الكلنا فرد بلاصة
أميرة: ممممم أبون صارا
مالك ڨحر لأميرة
أميرة: وه مالك شعندي قلت انا ..شالله مبروك
مالك:مم باهي باهي نتي تو نتفاهمو أأأ حقا مما غدوة بش تمشي معايا تشوف مريم
بسمة: و كي خطبتكم نهار الخميس و بوك موافق علاه ماشية مالا أنا
طارق: ميسالش بسمة إمشي معاه و شوف أمها و تعرف عليهم
بسمة باهي مالا تو نمشي أنا و مليكة
أميرة: و أنا زادا
مالك ڨحرلها
أميرة : شنوا مالك و الله بش نشوفها كهو
مالك ؛ ممم
مليكة: لا بسمة أنا خليني ميساش توا نمشي نهارت الخميس زيد عندي قضيات لازم نقضيهم
بسمة : على كيفك مالا توا نمشي أنا و أميرة
مالك : أيا سي أمين نتي هاك قعدت ما بقاش بكري راو
أمين:تي خليني بربي مزال بكري ساعة محلاها قعيدة
مالك عمل خطوتين و رجع قيمو بالسيف نحالو التارتين من يدو و دزو قدامو
مالك: إمشي قدامي قلو مزال بكري تنساش لي نتي لازمك تجيب كرهبتك مالپركينغ
أمين:تيي يا مالك ااا تي عاللقليلة خليني نكمل التارتين
مالك ڨحرلو
أمين باهي باهي ما عينيش

مالك: مريومتي وينك كان ترا قداه توحشتك
مريم فرحت خاطرو توحشها خاطرها هي زادا توحشتو : مالك يا روحي أنا زادا توحشتك
مالك: هههه أيا باهي هاك تسرحت ووليت تحكي شنوا طارت الحشمة
مريم: تي ماااالك عاد مكانش شنبطل معاش نحكي معاك هكا
مالك: ههه لا خليك هكا خير باهي طلبت شنقلك حضر روحك شنتعدالك عندي ما نقلك
مريم:تواا
مالك؛ أي نوصل أمين و نجيك
مريم: مم باهي نستناك