عشق محرم

الحلقة 46

سيب بركا فرغتها الپارفان
أمين: تو تشري وحدة أخرى
عمر: تمشيش تنسى الخاتم
أمين: هههههههههه مسكين إنتي تي بايت محملو قلو ينساه
عمر: هههههه أأأأ نسيت
مالك: هاهاهاها سي أمين نتي زادا وليت بميسك و تقدد تو نقلك مع نور أخرج أخرج
أمين خارج و يحاول فيه: أمان مالك والله نفدلك الزح بربي أخطانا ما تعمل شي تي نفدلك ما تحملش التفدليك أمان.أمان
عمر: يا جماعة تقريب فايتتني حلقة أنا شكوني هذي نور
مالك: ههههه إمشي إمشي تو تعرفها
هبطو فالدروج طارق زادا خرج توا و بسمة و مليكة خرجو طلعو في كراهبهم أمين طلع مع مالك في كرهبتو ، وعمر قال بش يهز كرهبتو خاتر ممكن يتعدا يسهر، طارق ركب في كرهبتو و بسمة قتلو لي هي بش تهز كرهبتها هي و مليكة طلعو فالكراهب كل واحد في كرهبتو و مليكة ما تنجمش تسوق بالطالون ولات عيطت لأحمد يسوق بيهم حصيلو ما خرجو كان مع بعضهم بسمة كلمت طارق قتلو ما تنساش تاخذ chocolat و bouquet de fleurs شيدخلهم فيدو مالك حبس للپاتيسري لكلهم حبسو خاطرهم يمشيو وراه هبط وطارق زادا هبط معاه خذا باكو شوكولا كبير مالك جاب الڤاطو في باكو كبير لوح و طلعها قدام أمين طارق تذكر توا الخاتم بعد لا ركبو و مشاو كلم مالك: مالك ياخي خذيت الخاتم
مالك: ههه أي پا ياخي ولد صغير أنا
طارق: هههه عمبالي قلت يطلعشي نسا لي الخطبة تجي بالخاتم
مالك: هههههه لا تهنى پا
طارق: باهي رد بالك كيف تسوق و راني شنحبس عند غسان الفلوريست
مالك: باهي پا منغير ما توصي
طارق: أووو لا طمنتني
أمين: مالك ياخي نور طلعت معاهم
مالك: ما نعرش أكيد راي مع خالتي علاه توحشتها نتي و تبسملو تبسيمة خبث
أمين: يزينا عاد مالك ما تحشمنيش
مالك: يا ربي راو حشام هو
أمين: واللهي توحشتها مالك زعما نحبها
مالك:هههههه صار نتي ماكش متأكد تحبها ولا
أمين: تي أي مالك شبيك تضحك أنا عمري لا حبيت ماك تعرف لبنات لي نعرفهم الكلم متع.........ليلة أكهو
أما مالك نقلك حاجة
مالك: إمممم
أمين: أنا و نور نهارت لي
..... وتليفون مالك قص عليه...مالك: وي پاا
طارق: يامالك تي شبيك فتو راك غسان أحنا هانا قدامو ستنانا ما تمشيش...جاب ربي وصيتك
مالك: أووووه پاا والله نسيت هاني شنرجع أنا زادا شناخو بوكاي
أمين: ياخي حبسو
مالك: أي سي أمين ريت كي لهيتني بللا نور متاعك
أمين: أمان و أنا لي حبيت نحكيلك و نفرغلك قلبي