عشق محرم

الحلقة 154

هوما هكاكا أنطونيو معنق مالك فوق الكرسي و مالك ضام ساقيه لروحو و يستناو في رحمة ربي لين تحل الباب و خرج الطبيب ينشف في يدو ، قامو الزوز و حتى الراجل لي جابو جاء :دكتور شنوا أحوالو توا
دكتور:شكون فيكم من عايلتو
مالك ترما عالدكتور: دكتور، لازمني نشوفو، انا، انا بابا مفقود و ينجم يكون هو يعيشك خليني نشوفو
الركتور بعد بمعنى تنجم تمش، مالك جرا و أنطونيو وقف يحكي مع طبيب
طل مالبلار ، يرا فيه، كلو خيوط و ماكينات ،فمو ابيض وجهو أصفر، بكا بكية الفرحة و طاح مع البلار، قدم أنطونيو بش يراه بعد ما عطاه الطبيب أوصافو ، شافو قداش حس عليه ، مرش يرا في عدوه، يرا في عشيرو، صاحب و عشير عمرو تحت الموت تنهد وو عيونو لكلها دموع مشا لمالك قيمو و مالك ترما في حضنو يبكي
أنطونيو : ما تخافش الطبيب قال بش يبرا ، اشششش
أنطونيو يكذب بطبيعة موش هذا لي قالو الطبيب، رواريه تعبات بالماء و جرح لكرتوشة لي في صدرو كلاه ماء البحر ، نضفوه و خيطوه أما صعيب كان يعيش
جاهم الطبيب و قالهم ما ينجمو يشوفوه كان في الصباح مالك مسح عينيه و قال لازمني نكلم أميرة
أنطونيو قص عليه: اااا علاه تحير فيها توا بالكشي راي مزالت راقده اااا شقولك شقولك كان ميف يفيق هو تعديهالو يحكي معاها و هكاكا تجيها سوربريز موش خير
مالك شك في كلامو و بطبيعة أنطونيو كان خايف يموت في اي لحطة و نا يحبهمش يفرحو عالفاضي
مالك خزرلو و شد من سوريتو : شوف ما تكذبش علياااااا باااااهي
بابا حي و بش يعيش صحييييح هاذا لي قالو طبيب موش هكا
أنطونيو : اي اي يا مالك هدي روحك مانيش نكذب عليك بوك حي و بش يعيش ، اما انا قلت هكا بش ما تزيدش تفجعهم كيف تقلهم لقيناه أما في السبيطار هذا لي قصدتو أنا و اكهو مالك طفاه و طلب أميرة
أميرة راقدة شطر بشطر ، راقدة فوق مخدة من الدموع أول ما نوقز التليفون و فاقت أول حاجة قالتها بابا ، هزت و هي مبتسمة، عندها احساس يقلها التليفون هذا يخص بوك دوبا ما هزت قالت مالك ، بابا
مالك يحكي صوتو بالفرحة و عينيه بالدموع : اي أميرة اي بابا لقيناه و هو عايش ماماتش
أميرة موش مصدقة لي سمعاتو توا عيطت عيطة خرجت معاها الغصة و الحزن لي في قلبها موش عارفة شتعمل تبكي ولا تضحك ، خرجت تعيط أمي أمييييييييي بابا حي بابا حي
مليكة عند راس بسمة تلعبلها بشعرها ، تسمع في الحس لي فيق بسمة و قلت شفما ، قامو يتجراو خرجو للكلوار سمعو اميرة ، امي حي بابا حي ، أميرة وصلت بحذاهم تنقز بسمة و مليكة موش مستوعبين لي سمعوه الفرحة غمرتهم غمرت ضحكتهم و دموعهم نور و أشرف كانو راقدين أشرف يفيق في نور يقلها تسمع في الحس قامت لبست و خرجو الزوز وثةصلو للكلوار يرا فيهم ، بسمة طايحة تبكي و أميرة تنقز و تقول الحمدلله يا ربي تلفتت شافتهم جايين موش فاهمين شي مشاتلهم تجري نور أشرف بابا عايش لقاووه والله بابا عايش ، أمين خرج مالبيت لي وراهم و جاء يجري موش مصدق لي كان يسمع فيه ، اميرة شقلت شقلت عاودلي بربي عاود قلت بابا طارق عايش ، نقصد بوك
أميرة دارتلو وعينيها معبئة بالبكاء :اي يا أمين اي بابا طلع عايش و مالك هو لي قالي كان معايا توا فالتليفون أمين ترما على أميرة عنقها و نور معنقة أشرف و تبكي بالفرحة الكلهم موش مصدقين و أمل و منى واقفين يبكيو و يشوفو فيهم ، الناس الكل فرحانة ، محالاهة الفرحة ربي يرزقها للناس الكل و انشالله فرحتهم تكمل لاباس و ما تتقلبش عليهم ......