عشق محرم

الحلقة 42

مالك دق على بسمة ماا ماا و دخل لقا طارق: ووه پا ياخي لتوا ما لبست ما بقاش بكري مريم و أمها رام يستناو فينا .....پاا شبيك ياخي
طارق: أه..لا شي ولدي
مالك: لا پا موش شي من ٱمس لافطرت لا تعشيت و زيد ماكش قد بعضك پا لاباس ٱمان أحكيلي ما تفجعنيش عليك
طارق ما حبش ينزع فرحة ولدو الوحيد و زيد كيف راه لابس و حاط الحاطة و معمل عليه في كل شي ما حبش يخيبو ضحك ضحكة صفرة بالسيف ما نجم يركبها على وجهو : ههه يا مالك هذا كلام توا تي والله شي just الخدمة تعبتني شويا زيد هاني قايم توا بش.....
وبسمة دخلت: طارق ...أأ مالك عزيزي إنتي هوني يا روحي صباح النور يا عروس
مالك: ماا و مشالها حملها و باسهل وين كنت ياخي .....رقدت لهنا؟؟
بسمة:ااااا... أي بطبيعة يا روحي..ااا..وين عندي بش نرقد وه أما طارق بعثني باش ناخذلو كوستيم خاطر قال لي عندي الكل لبستهم فالخدمة يحب حاجة تليق بالخطبة
بسمة مشات لطارق: طارق عزيزي خو قيس هذا خترتهولك أنا و إزرب عزيزي ما بقاش بكري مدام أنا عملت دوش و لبست الروب لي خذيتهالي إنتي البارح هذيكا عجبتي
طارق: اااا..أي عزيزتي بطبيعة يا روحي أنا دوشت ديجا أدخل إنتي ...اااا ....مالك عزيزي إمشي نتي تفقد صوحابك ينقصوشي حاجة و قول للشوفور يخرجلنا الكراهب لي شنمشيو فيهم و يعمللهم ضربة بالتيو عالغبرة ما يجيش نمشيو و كراهبنا مسخة موش هكا
مالك عارف لي فما حاجة صايرة بيناتهم و عارفهم متعاركين (خاتر كي يبداو متعاركين الحب الكل يهبط عليهم قدام مالك و أميرة بش ما يشكوش )أما ما حبش يشلق : اااا باهي پا و خرج
مليكة تحظر في روحها مجبورة بش تمشي معاهم رغم لي قلبها بش يتقطع على بنتها لي عندها 3 أيم و هي تبكي حتى الماكلة ما كلاتهاش أما ما تنجمش تخلي أختها وحدها

نرجعو لأميرة
أميرة مشات تجري جابت صاك كبيرة ضاهرة متاع haute-couture :أمي عيشة هاو الكادو و نشالله يعجبك أما هاو نقلك ماترجعوش عليا راو والله نتغشش
عيشة فرحت و ما لقات ما تقلها : اه يعيشك بنيتي شتحبني نقلك
مريم: أيا حلو عاد أمي عيشة حطت الصاك عالطاولة و حلتو و جبدت منو قفطان أزرق يفتق مطروز طريزة هبال يهبل عيشة فرحت عاللخر و حملتها و قاتلها يعيشك
أميرة: صحة أمي الحقيقة مريم هي لي خطارتهولك راي تي شطر حوايجي أنا ختارتهم هي صراحة تباركالله عليها تعرف الموضة موش نورمال
عيشة: عيش بنتي إيجاني إنتي زادا نبوسك إيجاني مريم تنطرت عندها و بدات تبكي حملو بعضهم و قعدو يسكتو في بعضهم
أميرة أمي عيشة هيا يزي عاد اليوما فرحت مريومة موش تع بكاء عاد...أأأأ مريومة إنتي زادا هيا يزي عاد واللهي شتبكوني معاكم راهو إستنا أنا زادا لازمني نبكي عصرت روحها و بعديكا مشات تجري لكاس الماء بدات تكب فية على وجها تحت عينيها كوم كوا دموع و بدات تنغنغ تفلقو بالضحك حصيلو فرحة و نواح مخلط مع بعضو