عشق محرم

الحلقة 61

متكي فالصالة مصرور فوق الديفون حال عينيه مزال مصدوم لي صار ما ينجمش يتعدى بالساهل لي حبها ظهرت من عايلتو!!...من عايلة العايشي!!.. نفس الدم هي وياه ....دمهم يجري في عروق بعضهم...مريم ظلمتها الدنيا كيفاه عايشة كاكا... كيفاه وحدة من اكبر سلالة في تونس تعيش في الحالة هذيكا!!!... قاعد يحاول يستمبط شنية الحكاية؟ !.،شنواا صارلها؟! علاه عيشة قالت لطارق انتي لي قتلتلي راجلي و شويتني في بنتي؟؟....ياخي بوه مجرم؟!... بوه اناني للدرجة هذي!..... بوه يكره عمو.!ْ....علاش خبى عليهم لي هو عندو خو؟!...ياخي ما يحبوش؟؟..ياخي من وقتاه بوه يكره إنسان غي الدنيا هذي؟؟ الطفلة لي حبها تظهر هي بنت عمو.!ْ..... ما رقدش النوم ما جاهوش... بايت فايق يخمم..برشا أفكار! مخو مشربك و قاعد يحاول ينظم فيه...شنوا بش يعمل.. بوه لابس قناع!!....بوه ظهر انسان اخر وراء الشي لي يضهرو.!!...بوه ما كيفو حتى بو فالدنيا...ياخي ظهر يمثل؟....يمثل في دور الاب المثالي جيست قدامهم...مخو تحرق مالتخمام معاش ينجم يخمم...علاش خبى عليهم لي بنت عمهم حية علاش ما قلهمش لي عندكم بنت عم؟ ألف سؤال يدور في راسو و موش لاقيلو جواب
امين كان البرة يتكيف و دخل ... غطاه و قعد بحذاه...
اميرة في بيتها نفس الشي قاعدة تخمم فلي صار.. و تخمم في بوها و في حقيقتو لي بانت.. قاعدة تتمنى باش تطلع عيشة تكذب... تتمنى بش تطلع تتبلى عليه..لا...بوها موش قتال ارواح مستحيل يكون صحيح....أحمد موش هو لي قتلو.. موشصحيح..بوها خاطيه بوها ما يعملش هكا..مريم ما هياش بنت عمها...بوها موش أناني بش يكره خوه....بوها عمرو ما كره حد...بوها يحب النلس الكل...
قاعدة تصبر في روحها بالكلام هذا تحب تنسى الكلام لي سمعتو على بوها....تحب تصدق لي بوها خاطيه...أما لازمها تفهم لحكاية...ما تحبش تظلم بوها قبل ما يفسرلها لي يصار...قبل ما يبرر موقفو ملي ي
صار...أما وينو بوها ؟؟...وين مشاا؟؟علاه ما روحش معاهم؟؟...ياخي قاعد يهرب؟؟..قاعد يهرب منهم خاطر لي قالتو عيشة صحيح؟؟...لا لا مستحيل
أميرة كيفها كيف مالك مخها في حيط فيه ألف سؤال لازم تلقالو جواب باش ما تظلمش بوها...خاطر بوها كا يعملش هكا...طارق ما فماش كيفو في الدنيا

بسمة....بسمة معاش منجمة تتخيل راجلها في حالة اخرى..راجلها الحنين...لي ما ينجمش يقتل نمالة... قلبو ما يطاوعوش...راجلها لي حبتو لطيبة قلبو و شخصيتو....ياخي بعد السنين هذي الكل طارق موش الراجل لي حبتو طارق واحد اخر طارق راجل طماع و يدوان عالفرنك طارق يقتل على خاطر الفرنك طارق موش الراجل لي عايشة معاه السنين هذي الكل...الماسك طاح و تكشفت حقيقتو....

نور...مزالت طايحة في القاعة....صارة روحها دموعها على خديها و قاعدة ترعش بكلها....شرقت فيها الشمس و هي مزالت طايحة في القاعة....جاتها مليكة حطتلها فطورها و خرجت ..نور زادت قوات في البكاء امها موش حاسة بيها...موش مصدقتها...شكون عندها يفهمها في الدنيا هذي بخلاف امها...
مليكة سكرت الباب و دموعها هبطت..قلبها دم على بنتها.. مهما تعمل باقي الا بنتها ..كبدتها.. ماهياش عارفة تصدقها ولا تكذبها ...ماهياش منجمة تصدقها..نور عمايلها برشا و حبها الاعمى المالك يخليها تعمل اي حاجة...