عشق محرم

الحلقة 103

عمر: شبيك يا نور ياخي هبلت، مرة هاك شاربة الدواء على خاطر مالك و عديناها و بعديكا عملت اكسيدون قريب تموت قلنا الله غالب قضاء و قدر و توا وين وصلت، تجب تقص شرايينك، لا و بشنوا، بالسكينة متع الكلينك،لي جابوهالك بش تقص بيها التفاح شبيك ياخي مهبولة ولا بعقلك، و امك، و امك شكون بيها بعد ما تموت نتي تره! ما كفاهاش الهم اللي عاشت فيه الكل مع بوك تكمل تقتلها بالحيا، يا بنتي الحق موش فيك الحق فيا انا لي قتلهم تستحق حاجة جيبوهالها بعدها فاش قام يجيبولك في سكينة تره؟ التفاحة تاكلها هكاكا!، ياخي تحب تباصينا و تباصي كلينيك كاملة في جرتك، اسمع انا ماعاش نجم اوكا اشرف يتلها بيك اشرف، خليك حذاها باللهي، -و دارلها -تعرف نتي نهار بش نعمل عليك مزية و نقتلك انا سمعتتت؟ اي نقتلك! قالها و خرج قداش وترتو، ملا مصيبة موش بش ترتاح كان كيف ترانا الكل في ڨلبو يمشي و يحكي بينو و بين روحو
اسماء شعندي خدمة انا ليوم؟
اسماء: اليوم حتى شي مسيو عمر و حتى غدوة زادا تبقى نور هانا لاهين بيها و السيروم تهنا قاعد يتبدل في وقتو و ماكلتها منظمة زادا
عمر: صحيتك اسماء هنيني ما نجم نتهنا كان بيك نتي و اوكا كان فما حاجة عيطلي قالها و خرج

أشرف:نور علاش عملت هكا
نور قالبا وجهها لغادي موش طايقا حتى روحها جاوبتو بعد درج ، دورت وجهها و خزرتلو: خاترني نحب نموت.
أشرف: نور يعيشك ما تقولش هكا مزلت صغيرة و الدنيا الكلها قدامك، زيد نتي كنت بش تخرج مالكلينيك توا بش ترصيلك محبوسة 15 jrs اخرين عالأقل
نور : كان ترا قداه ما يهمنيش هذا الكل، و لا امي تهمني و لا حياتي تهمني ولا روحي لي ماهياش فوقي تهمني
أشرف سكت و بعديكا تفكر بكري كيفاه وجعو قلبو كيفاه عمر جبد مالك و كيفاه نور شربت الدوا على خاترو حب يسالها اما ما نجمش و ما لقاش كيفاه
قداه تخنق بمجرد انو تفكرها و خمم فيها
قام خرج للبلكون متع بيت نور تنفس بالقوي و بقا مشوار واقف بعديكا دخل لقاها رقدت غطاها و قعد بحذاها