عشق محرم

الحلقة 68

شايخين بالضحك يضحكو بالدموع يتفرجو و ياكلو في البوب كورن، مليكة متعدية تسمع فيهم رجعت حلت الباب و دخلت: اهاا بسمة
بسمة: مليكة عزيزتي ساڥا
مليكة: اقعد اقعد منغير ما تقوم انا لاباس و انا متعدية نسمع في حسكم ما شالله واصل للدروج حبيتغ نطل .. و خزرت لفوق لفرش...هيييه هاكم شايخين Raffaelloو  jus و pop corn و  сhips زادا ههه هاو جوكم حفالي
أميرة : ايجا اسهر بحذانا أمانك خالتي
بسمة: سامحني مليكة أنا حبيت نعيطلك اما امل قتلي راي راقدة قلت ما نغير ما نفيقها
مليكة:لا وه يا بنتي عادي هاني شنقعد بحذاكم

متعدية في الكلوار ..تسمع في الضحك شكت في روحها.. كملت تمشي لين عاودت سمعت رجعت للبيت و حطت وذنها عالباب تسمع في صوت امها و هي تضحك قداه حست روحها وحدها ..قداه حست روحها مقهورة.. قداه قلبها وجعها.. تحس في روحها.. موش منجم حتى حد يفهمها ..علاه الناس الكل تكرهها و جاية ضدها؟. علاه الكلهم يكرهوها و ما يحبها حد ؟؟
تغششت برشا ..و قلبها وجعها عالللللللخر ..أمها.. الحاجة الوحيدة لي بقاتلها في الدنيا هاذي عاكستها موش مصدقتها و موش حاسة بوجيعتها
هبطت تجري و الدموع في عينيها بعديكا تذكرت لي هي ماشية لبيتها طلعت تجري حلت دخلت للبيت حلت الڨارد روب و هي تبكي بالغصة خذات ڥاليز صغيرة وبدات تهبط في الحوايج لي جاو قدامها الكل ..موش عارفة شنوا قاعدة تعمل..أعطيها تخرج من هنا..أعطيها تمشي قبل ما تهبل..معاش منجمة تتحمل..صكرت الفاليز -و هي موش عارفة حتى شنوا حطت فيها-دارت للكوافوز هزت صاكها و خرجت

مليكة: أميرة بلاهي مدلي ماء
أميرة: تدلل..دارت أميرة للطابل دونو أما لقات الدبوزة وفات: يااااا وفات يا خالتي..استنا أتو نمشي نجيبلك
مليكة: لا لا لا أقعد اقعد تو نمشي انا منغير ما تعب روحك عزيزتي..هات و مدتلها الدبوزة
خرجت مليكة مالبيت و صكرت الباب دارت ترا في نور هابطة مالدروج و تكالي في الفاليز
مليكة نور نور....و هبطت تجري و راها و شدتها من مرفقها و دورتها تحكي معاها: ياخي هبلت انتي يا طفلة وين ماشية في عقاب الليل ٱه
نور نطرت منها يدها: ونتي شمدخلك...ٱٱٱٱٱه...اأشيهمك نتي
مليكة: اسمعني يا فقصة كان تخرج من هنا الدار معاش تعتبها
نور طفاتها و خرجت تزرب
مليكة: والله يا نور ما تشوف....نوووووور....تسمع فياا
أميرة و بسمة يسمعو في العياط خرجو يجريو: شفما ياخي
أميرة و هي تضحك: ياخي پاپا جاء
دارتلهم مليكة تحكي معاهم مصدومة -و هي اللوطة مالدروج- نوور..............مشااات
أميرة كانت تتبسم تبسيمتها تنحات خلاتهم و رجعت دخلت للبيت..قداه فرحت فيبالها بوها رجع
بسمة: ما تخافش مليكة عزيزتي تو ترجع ياخي ما تعرش نور تدور تدور و ترج
مليكة بعد ما بردتلها على قلبها بسمة تفرهدت شوي تنهدت و قالت : نشالله يا بسمة...نشالله
بسمة: ايا ايا امشي جيب الماء و ارجع اقعد بحذانا خلينا نرجعو نضحكو و يزينا مالكوبي...أياا عاد
مليكة: باهي بسمة اسبق انتي هاني جاية
بسمة دخلت و مليكة مشات للكوجينة