عشق محرم

الحلقة 91

الطالون نوار ، السروال نوار ماشي مع بدنها ، الشوميز بلون، مبينتلها تفاصيل بدنها لي يفتق، الساك في يدها، الفاليز صغيرة تكركر فيها ،تمشي و تتبختر، الشعر بايبيليس، الكيت فون في وذنها
:وصلت؟؟
:اي وصلت اما قلي بلاهي كيفاه شنجم نلقاهم ياخي انا؟
: بربي للاا توا هوا؟ ماك تفرفت تحب تمشي، اي تصرف
: اسمعني، پاا موش شرا مرة فيلا لهنا؟؟
: ممم
: دونك ما يكون كان غادي هوا
: بربي، ما لقا وين يمشي لا و هو خاطف زادا، لا لا يا بنتي بوك اذكا من هكاا
:اسمعني، انا بش نبدا من غادي، كان ما لقيتوش هوا راو حسام، بربي وين عندو يمشي كيف بش يجي لهنا
: تصرف اميرة، تصرف نحاا التليفون، : بفففف حتى انا على شكون معمل، باعث اميرة، مبهمني الزح
عمر: شبيك على مرتي ما تستخفش بيها
امين: عمر قال الحق، ما تستخفش بيها اميرة ساعات تتبوهم اما هيا اذكى من هكاا..
تاكسيييي
:موازال!you need...
اميرة: تفضل !ما خلاتوش حتى يكمل كلامو
هو: ابون، صار نتي تونسية ملاا صدفة
اميرة: اهااا مرحباا
هو: تحب نوصلك
اميرة: نون مرسي ما تعبش روحك، عندي شكون يستنى فياا، اون شانتاي
هو:اوك، اون شانتاي
هي حبست التاكسي و جات بش تطلع و هو مشا شويا و تلفت تذكر بش يسالها على اسمها علااا صوتو: ما قتليش على اسمك
هي: امييرة
هو: و انااا محمد علي و تنجم تعيطلي دالي
هي سكرت الباب : فففف ملا بوهالي و بدات تعكي عليه: نننننا تنجم تعيطلي دالي تاتاتا تا -ملا حالة فيه ياخي وقتاه شنعيطلو انا دالي بفففففف ماارك.
وهي هكاكا و بدات تخمم ما لازمهاش تدخل للفيلا خاطر تنجم تلقا بوها ولا حسام و كان شافوها شيفسد كل شي و بوها يطردها و كان لزم يطلعها بيدو في اول طيارة و يطيح كل شي فالماء
وصلت للفيلا
اميرة محضرة روحها لكل شي اول واحد عرضها مدتلوcarte 💳 متاع واحد يخدم في الشركة المنافسة لشركتهم و عندو علاقة بحسام و ينجمو يدخلوه الحراس للفيلا كان حسام موجود فيها هي جيست حبت تتاكد شكون غادي

_-_-_-_-←فلااااااش باااك←←←
كح كح كح احم و ترمات عليه
:مدام اميرة انتي لاباس
دورت يدها و هي محملتو لجيبو التالاني جبدتلو البورتفوي متاعو فيسع و بعدت
: احم سافا سافا يعيشك، و سامحني بربي قريب نطيح ياخي شديتك، الله غالب الطالون يعمل ههه
: هه اي اي اون تو كا ما صار شي
و دارت و مشلدات و هي تمشي و تتبسم و تنحي في الكارت نحاتها و طيحت البورت فوي غادي و كملت تمشي كاينو ماصار شي

→→→→نرجعو→→

:مداام ما حبوش يدخلوني كالك لي فما شكون
اي ما نجمتش تعرف شكون
:: لا اما لداخل فما كرهبة كبيرة كحلة i think صتافات كبيرة و بحذاها زوز رجال واكفين
اميرة تبسمت : باهي تفضل هاذوما 2000 اورو نتصور ماهمش شويا علي عملتو و دوب ما نستحقلك نكلمك اوك نومروك هاو عندي
: اوك مدام شكرا انا سعيد بالخدمة معااك
جات بش تسكر الباب هزت راسها تراا فيه خارج مالبلكون لي فالطاق الثاني لي هيا نورمالمون بيت طارق و يحمل في طفلة لابسة منشفة لافة بيها روحها، حسام ما يخونش بوها ولا يبيعو و كيف يبدا يخدم خدمتو قبل كل شي و ما يتمعشقش في اوقات خدمتو هذايا لي يعرفوه الناس الكل او بالاحرى لي ظاهر للناس و الله اعلم علي مخبي و هي متاكدة من هذا و متاكدة زادا لي حسام قاعد يخون في طارق و وراه حكاية لازمها تكشفها قبل ما تبدا تخدم