عشق محرم

الحلقة 5

مريم قتلو على إسمها أما هو كان تحت تأثير سحر ضحكتها ما سمعهاش يخزرلها، حابس في وسط السيركيلاسيون و الكراهب تزمر عليه فيقتو مريم من سرحتو وهي تبيبي عليه
مريم: هاي مالك وين مشيت
مالك: أه... إي هاني شنمشي...نقصد شنديماري الكرهبة
كالعادة دخل بعضو و حك خشمو و دور وجهو باش ما يشلقش لي هو حماار مالحشمة مريم شلقت بيه أما ما ضهرتلوش مدورة وجهها للبلار تضحك عليه
مالك: ااااا شنوا قتلي إسمك
مريم: ههه فيسع نسيت
ما حبش يسألها ياخي وقتاش قالتلو عارف روحو كان تايه في ضحكتها و سمعهاش
مالك: هه إي عاود قولهولي بش نحفظو و ننساشو جملة
مريم: ههه إسمي مريم
في اللحظة هذيكا مالك عينيه وساعت ههه خاترو توا عرف إسمها قداش محلاه إسمها و هي محلاها كل شيء فيها يهبل
مالك: محلاه إسمك يا تحفونة
مريم حشمت قتلو يعيشك: إنتي زادا محلاك.....تربثت و ظخلت بعضها .... اا نقصد إسمك محلاه
مالك شاخ بالضحك و هي حمارت مالحشمة تبسمت و خنست
وصلو للحومة لي تسكن فيها و مريم قاعدة توريلو في البلاصة حومة فقيرة برشا كلها خايخة مالك بقا حاير يخزر للحالة مسخفتو وين تعيش أما لتوا مش فاهم كيفاش تعيش هوني و بكري قتلو لي بوها كان عندو رانج روڥر مالك سكت ما قال شيء عرف لي وراها سر كبير مخبي و لازم يعرفو
مريم: أحبس لهنا أهيا  دارنا
مالك خزر للدار و قلها ياخي تعيش هوني؟؟
مريم هبطت راسها و قتلو إي
مالك ما حبش يوجعها أكثر عداها بتبسيمة و قلها :
أيا نهبطو عرفني على أمك
مريم هبطت و دخلت تعيط لأمها : أمي..أمي
عَيْشَة: نعم بنتي أدخل هاني هوني
دخلت مريم و مالك بقا يستنا فيها البرا
مريم: أمي عدنا ضيف
عيشة: وه ضيف جاي لينا أحنا
مريم : مريم ما  لقات ما تقول لأمها زيد هو قلها تو أنا نحكي معاها..: أي أمي..أخرج شوفوا
عيْشَة: إي أني خارجتلو...قلو تفضل أدخل
مريم: باهي
خرجتلو :مالك شنوا بش تقلها توا أي قتلك تفضل أدخل
مالك: تي يا بنتي أسكت تو نتصرف ...ويني هي
أصبر أي خرجتلك
عيْشَة خرجت تتعكز على العصا متاعها ": أهلا ولدي تفضل أدخل شبيك واقف
مالك حار كي را أمها كيفاش هذي تنجم تكون أم مريم صحيح عيشة بيضاء مزيانة و عينيها زرق أما مرا كبيرة ما تنجمش تكون أمها أما هاي تقلها أمي برشا أسئلة تدور في راس مالك حار و زاد تأكد لي مريم وراها قصة كبيرة و غامضة برشا
مالك أهلا حاجة: أنا مالك
عيشة: مرحبا بيك ولدي تفضل أدخل شبيك واقف
مالك : لا ميسالش حاجة شاالله تو نجي مرة أخرى
أنا لقيت مريم دايخة قدام الكوشة و ما كان فما حتى حد لحسن الحظ ريتها أنا و هزيتها لسبيطار قالولي لي هيا ناقصة فيتامينات و لازمها تاكل بالباهي عملولها زريقة باش فاقت و هاني جبتها اااا و تعديت قضيتلها قضيات ليها هيا و حاجات لازمين لدار
عيشة حطتها يدها على قلبها كي سمعت لي مريم داخت ومريم في قلبها شايخة بالضحك
عيشة: وه على بنيتي يا ربي ايجا عندي ا ماما إيجا سمالله على بنتي مريم مشاتلها و حملتها و عيشة من بكري وهي سمالله على بنتي اللطف على بنتي و تلعبلها على شعرها و مريم شايخة في قلبها ومالك يضحك تحت حس مس
عيشة:  يعيشك وليدي مزيتك هذي عمري ما ننساها ربي يكثر منك الناس انتي ظاهر وليد باهي و متربي كان موش نتي درا شنوة كان بش يجرا لبنتي