عشق محرم

الحلقة 98

دخلت عملت دوش و خرجت نشفت شعرها و طلبتهم تحكيلهم،
مكوكشين عالبيساي يسمعو فيها و يخططو شنوا بش يعملو مبعد
اميرة: دوب ما عطست خرجت مالشجرة،قصيت الطريق و شديت الراجل لي جبتو معايا و بقينا نمشيو بالشويا في الطريق هذاكا، كيف خرجو اول حاجة عملوها دارو بالشجرة خاطر راوها كيفاه تنفظت و ضربو الكرتوش، بعديكا أحنا نمشيو و نراو في راجل كان جاي تجاهنا بالضبط هو قريب يخلطلنا و جاه تليفون حط يدو على وذنو و بقا يحكي سمعتو يقلو ما فما حد كان راجل كبير و عزروزة هاني ماش نحكي معاهم اما ما جاناش رجع، الحاصيلو سلكت بالسيف و أحنا عاملين فيها راجل و مرتو و هو يقود فيا ملا جو الحاصل حقا يا جماعة قررت ندخل دومان التمثيل شقولك امين؟

صباح جديد، شمس جديدة، تدغدغ في عينين اميرة ،مش كان الشمس و الصونري تاع التليفون زادا تدغدغ في وذنها
اميرة: اوووف يا ربي عالصباح، اش مجيبني انا توا، جيت و ندمت
اميرة: بففففف مالك ما ترتاح كان كيف تندمني عالجية ولا شنية؟
مالك: اميرة قوم فيسع الحكاية طوالت و انا بديت نفد تصرف اميرة اعمل حاجة لازمك توصل لمريم و عيشة في اقرب وقت اميرة امانك؟

اميرة قامت: باهي مالك هدي روحك، انا زادا ماذابيا كان نزربو اما ماك تعرف يا مالك ما لازمناش نتسرعو الحكاية موش ساهلة و زيد مزلنا ماناش عارفين كان امي عيشة و مريم مع الراجل هذاكا ولا لا

مالك: اميرة لازمك تحرك ما نعرش انا حوس على پاا ،شوف كان هوما معاه ولا ،تصرف، حاول تدخل للدار اذيكا، اي حاجة اميرة مهم ما تحبسش يعيشك اميرة راني معمل عليك
اميرة: باهي مالك عيشك خليك عندك ثقة فيا باهي، عيش خويا ما تخممش مريم والله تو ترجع و كل شي يتصلح ..
مالك: نشالله يا اميرة نشالله

رما التليفون و دخل يقيم فيهم( مالك كان فالبلكون)
عمر و امين راقدين،امين معدي يدو على رقبة عمر و رجلو فوقو و عمر يتغصور موش منجم حتى يتنفس
مالك نحا عليهم الغطا: عمر، امين، عمرررر تي قوووم
عمر: فف يا ربي علاه شفما عالصباح
مالك: تي قوم يا ربي عنا ما نعملو بففف لازم ما تقومو كان كي تشيحولي ريقي
عمر تحرك يشم في ريحة: افففففف شنية هالريحة هذي يا ربي ملا حالا، حل عينيه يلقى روحو بين ضبابط امين دز امين بساقو طيحو من علا الفرش : اااوووووف يا امين ملا حالة فيك شنية هالريحة ياخي تحب تقتلني بضبابطك
امين طاح من علا الفرش تلطخ ياخي قام: شفما، ياخي زلزال؟
عمر: اي زلزال، ياخي دافن ميت في ضبابطك يا خرا
امين: اووووه يا عمر تي علاه بربي لا يزي انا بايت قاعد لا يزي تدزني انتي ناقص لطخان انا
عمر: ماو عود نظف روحك و ما تحملنيش تو ما ندزكش
امين: ياخي مني هو تي هاك ترا عندي جمعة ما روحتش للدار وقتاه شنضف تره
بعد الغطا عليه و دور راسو يلقا مالك واقف يخزرلو: اففف شيعمل هذا زادا واقف عند راسي عالفجاري؟
مالك: متوحشك نستنا فيك لين تقوم شنقلك بونجور حبي، -و ضربو بساقو- قوم وهف يهزك نسيت الي احنا عنا ما نعملو امين قام يجري و دار لعمر لي مزال راقد هز كاس الماء ليي محطوط بحذاه و فيقو بيه
عمر قام يجري و يلبس في سروالو: باهي باهي هاه هاني قمت