عشق محرم

الحلقة 129

داخلين للقصر يتضيحكو و ياكلو في لحية جدي(الشيكلاي يدور في الفم تسمع كان التطرشيق) كاينو لا كان ولا صار ، تسمع في الضحك و موش مصدقة وذنبها طلت مالطاق الفوقاني ترا فيهم داخلين يضحكو ولا على بالهم، قداه غزلت،شنوما هالعباد هاذم من انا طينة ياخي ،سخنت عالخر و قررت تهبطلهم :
توا فوق ال40 سنة نعيش فالدار هذي، لا نهار تجرأ واحد من ضيوفي يضحك بالصوت العالي ، بالضبط كيما كنتو تضحكو انتوما توا ، الحق عمرها ما صارت
أميرة و هي تمضغ في الشيكلي : بيان ، و هاي صارتلك و كنت انا أول ضيفة ضحكت بالصوت العالي ( كيما قلت نتي ) في دارك
فاطمة: ضحكت و هي تغلي من داخل
و اميرة و مريم زادا ضحكو ضحكة صفرة
دارت اميرة و مشات طيشت روحها فوق الديفون و قعدت قعدة مستفزة عالخر و حطت ساقها فوق الطاولة
أميرة: مريم عزيزتي شبيك واقفة ايجا أقعد
و هزت المخدة و طيشتها بش مريم تجي تقعد مشات مريم قعدت
مريم: اميرة ياخي ما فماش ماكلة في هالدار المحنونة جعت
أميرة: جععععععععت ! نعم مريم في دارك ماماتك فاطمة العزيزة الغالية و تجوع ، توتسويت تجيك ماكلة، و هزت يدها لفوق و صفقت مرتين و نادات: جووووولييييييياات، جولييات :'، تي وينننننككك ؟ شنيا هالحالة هذي ريقي شاح
جوليت :لاباس مدام
أميرة: ساعة للا بش تجي
جوليات مصدومة تخزر لفاطمة اما حتى فاطمة موس معاها جملة باهتة ما تحركتش من بكري تخزر و فمها محلول مصدومة فلي قاعدة ترا فيه
أميرة: مزلت واقفة تبحلقلي برا امشي طيبلنا حاجة ناكلوها ، و ماذابيك تكون ماكة عربي و حارة
أميرة: شو كيفاه مزالت واقفة، ياخي ماسمعتنش شقتلك ولا ما تفهمش اااه
جولييت حالة فمها موش عارفة شتعمل: حاضر مدام ( قالتها بصدمة)
اميرة ؛ستنا ستنا ، مريم ماكش شاهية حاجة تطيبهاالك للعشا ؟تكلم ما تحشمش الداد دارك وه
مريم: واللهي شبش نقلك كان تطيبلنا فيم كسكسي و تعمللنا كروفات سوتاي و سلاطة خضراء و شوية تاقلياتالي ، اه شقولك أميرة
أميرة: اي واللهي فكرة ، تعرف تعملهم ماو هذوما لي قتلك عليهم ؟
جوليت حالة فمها
اميرة؛ اااي نحكي معاك
جوليت:اه ،وي وي وي اوك
فاطمة تنفست اما الصدمة نزلت
فاطمة: احم ، موش كايني خذيتو راحتكم أكثر مالازم ولا أنا غالطة
و قدمت بكرسيها شويا بش تقابلهم و ما تبينش لي هي مصدومة
أميرة: ههههه ما تخافش للا فاطمة نعرفو حدودنا مليح و نعرفو شنوا لي يجي و شنوا لي ما يجيش، تي يا مريم شبينا مڤينينها قوم شوفلنا أكا لكاسات تخدم ولا خنحطو شويا غناء نشطحو شويا، مدام طاب العشاء ،مريم ما كانتش مالعاكسين وقامت : اي اي توتسويت !

حلوالغنا و زادو فيه و قعدو يشطحو فاطمة موش عارفة شنيا تعمل تخزر و باهتة ، عيشة تسمع في المزود كذبت بعديكا خرجت ترا في بناتها يشطحو جات وقفت بحذا فاطمة؛ الشه الشه يا حوات ، شقولك لا فاطمة موش بناتي ما شالله عليهم يقولو للقمر ازرق ولا خنزقو ، فاطمة خزرتلها خزرت صدمة بعد ما كلاها الغزول هزت كرسيها و خرجت