عشق محرم

الحلقة 133

فاطمة جاها تليفون: تنجم تجيني توا لازمنا نفصلوها
فاطمة: باهي وسع بالك درجين و نكون بخذاك هزت ساكها و خرجت هابطة في الدروج عرضها ياسين ، اهااا أمي شنوا الزين هذا لكل ياخي ماشية تقابل في صاحبك ولا شنوا ، ستنا نعاونك بش تهبط جاها من تالي و هبط لوذنيها و وشوشلها : رغم إنك ما تستحقش و تبسم تبيمت تبسيمة خبث حتى هي و كمل هبطلها مالدروج بكرسيها ، بش تمشي وحدك ولا يوصلك الشوفور و دارتلو :الضياف مزالو هنا راهو و غمزتو
ياسيه : اه دونك يوصلك الشوفير سايس روحك اه
حتا انا هاني خارج وراك
و طلع هز فيستو و خرج طارق دق باب مريم قتلو ادخل لقا أميرة بحذاها : اا اميرة صار نتي هوني ، مريوما خبيت نقلك لا عيشة سافا توا
مريم: اي اي اهيكا بحذاها مرا تعمللها في مساج
طارق: هيا باهي طمنتني باهي هاني خارج انا تحبشي نجيبلكم حاجة في يدي
مريم : لا طونطون طارق عيشك
اميرة تظفرلها في شعرها جبدتهولها تفكرت لي هي شاهية حلقوم ،: ااه اي طونطون طارق شويا حلقوم بربي اك لي ب و دارت لأميرة توشوشلها : بشنوا تحبو و اميرة توشوشلها: بالفزدق يعطك فضحة، اي بالفزدق طونطون
طارق فاهم لي التوصية لاميرة تبسم و قلها باهي و خرج يعرف بنتو نفسها عزيزة و موش بالساهل تسامحو اما قلبها باهي
اميرة: وه يا مريم ما قلتهم هالحاجتين كان كي فضحتني
مريم : اوووه مصعبك يا أميرة وخيتي ياخي لتوا مطفيتو شنوا هالغل هذا الكل بوك راهم تي انا نتمني كان... قصت عليها أميرة : مرييييييييم
مريم كيف عيطت سكتت تالمون فجعتها بقات تسمع فيها شنوا بش تقول: فيبالك لي خرجو الكل
مريم :اي و مبعد
اميرة تي يا مريم قتلك ما فما حد في الدار افهم خرجو الكل
مريم قامت شدت شعرها : امبوسوسيبل اجري يا اميرة اجري
هبطو يجريو فالدروج ما توقعوش الي الدار تفرغ و تسهاللهم الحكاية تقعد كان جولييت اذيكا ما تظهرش جملة ديما فالكوجينة توا ال4:30 متع العشية حولو البنك بالشوية اما قعدو يلوجو زعمة وين تنجم تكون فتحت الباب خاتو متأكدية لي فما باب
أميرة : اففف يا مريم تي كيفاه يتحل هذا
مريم يا بنتي بالكشي حيط هذا
اميرة :لا يا مريم لا باب ايمع و دقت عليه مرتين سمعت صوت الخشب
مريم : يح كيفاه فقت بيها الفازا
أميرة: امسكيف حولنا الكاناباي ضربتو بساقي و نسيت بش نقلك ، هزت عينيها تخر لفوق راس مريم ، فما أكا اللامب لي تبدا لاصقة في الحيط
مريم شافت اميرة مركزة تلفتت فوق راسها لقات اللامب هزت يدها و جبدتها ياخي تحل الباب
أميرة واقة و موش مصدقة لي عملتو مري
تحل ، اي والله تحل خزرو لبعظهم بصدمة و بفرحة كبيرة ، حبو يحملو بعضهم اما موش وقتو، الباب تحل و لازمهم يشوفو شنوا الير لي ورا الباب هذابا ، وراه دروج اي دروج ضلمة تهبط بيك اللوطة ، يخزرو و ماهمش مصدقين حاسين رواحهم عايشين في حلمة ، ياخي دار هذي خزرو لبعضهم و خزرو لدروج و هبطو اول ما حطو ساقهم الضو شعل وحدو ، جاتهم غريبة الحاكية كملو هبطو الدروج، كلواار ضيق يهزك لباب مقابلك ديراكت اول ما شافو لباب خزرو لبعضهم ، مريم قلبها يدق و موش عارفة علاش حاسة بخوف و وجيعة كبيرة في قلبها أما أميرة كانت عكسها فرحانة بلعكس و متشوقة بش تعرف شنوا هالسر لي مخبيتو ورا الباب لي واقفين قدامو هذايا ، أميرة خزرت لمريم لي كانت خايفة عالخر، تنفست و حلت الباب