عشق محرم

الحلقة 109

واقف في وسط الضيوف و عينيه تلعب، يا ربي شبيها بطات، ساعة قتلي لي هي بش تجي، زعما نطلبها، بفف يزي بلا هبالك يا دالي موش قتلك ما تطلبنيش شنخلي تليفوني، و كي تضهر مزالت ما خرجتش هي، لا فك عليا، قالق من بكري يحب يخرج يستناها و لا حتى يحوس عليها و يعرضها في الطريق بالكشي يلقاها شي كل مرة يشدو ضيف و يبقى يحكي معاه لين يفددو كمل بوه قالو تولها بالضيوف، صاياي روحو طلعت و معاش منجم توا بش يمشي يحوس عليها و خلي لي بش يصير يصير دار بكل قوتو زعما ماشي للباب هو دار و تسطع في واحد كب عليه الكاس لي في يدو
الضيف : اوووو مسيو ام سوري، ام سوووو سوري انا بالحق والله ما ريتك سامحني
دالي:اوكككااي اوكااي باهي، باهي موش مشكة عادي يصير زيد انا الغالط حقني نحل عينيا قبل ما ندور موش مشكلة توا نطلع نبدل اه نتي ما تحط شي فيبالك ما صار شي
دالي ماشي لبيتو و يخمم، طالع في الدروج و يخمم، يمشي فالكولوار بعديكا قال لا، انا لازمني نطلبها، او موان يطمني ولد خالتها كان خرجت
و هز التليفون و طلبها يطلب و متعدي فالكولوار ، بحذا البيوت، و يسمع في تاليفون ينوقز، وقف شويا ثبت من الصوت ، بعد تاليفونو على وذنو، اي والله هي الصونري متع تاليفون اميرة، حب يجرب بالكشي يظهر تليفون واحد ٱخر علق تليفونو الصونري قصت، وه غريبة، قال نعاود نطلب، عاود طلب عاود صونا التليفون
و اميرة في البيت قاعدة تتمحمس عالكرسي فماش ما توصلو للطاولة و تجاوب
بقا يطلب و يعود و يتبع فالسونري لين وصل للبيت لي مكتفين فيها، حط وذنو عالباب، اي التليفون موجود هوني بعديكا علق ياخي سكت، حب يتاكد حل الباب، الباب ظهر بالمفتاح يا ربي شنوا بش يعمل اكيد موش بش يمشي لبوه خاطر بوه مستحيل يعطيه الصحيح و أكيد زادا موش بش يمشي لحارس من حراس بوه يحلولو بش يشوف شفما ولا يعطيوه المفتاح خاطر يعرف لي بوه موصيهم و مستحيل يبيعوه، دالي ما تكلمش كيف وصل للباب، خاطر ما فيبالوش لي فيها شكون، و اميرة زادا اول ما دار الباب لا هي لا عيشة لا مريم تكلمو تالمون خايفين
جات فيبالو فكرة، هو يعرف مفاتح البيوت وين، في بيرو بوه، و بوه توا راو لاهي و حتى الحرس زادا معناها ينجم يمشي يجيبهم مشا يجري لبيرو بوه، حل الباب أوروزمون موش مسكر، الحراس نساوه كيف تلهاو باميرة، مشا للكازياي هز المفاتح متع البيوت حط في جيبو و خرج، وصل للبيت بفا يجرب في المفاتح لين تحل الباب ثبت في الطريق و دخل بزربة