عشق محرم

الحلقة 17

طلعو في الكرهبة طريق كامل و هو يخمم مخو بش يتحرق لي حكاتهولو موش شويا
مالك: عزيزتي خير شويا
مريم تبسمت: أي مالك cv
مالك: مريم ياخي ما حاولتش تشوف ثروة بوك لي حاطها في البانكا
مريم: وقت لي توفاو هوما أنا وقتها عمري 10 سنين كنت صغيرة  أما مامي عيشة قاتلي لي هي حاولت أما قالولها لي الوثائق تاع البانكا و لي تدل على ثروتو تحرقت معاه و هكاكا ما تنجمش تجبد منهم حتى فرنك و پاپا حاطهم ما ينجم يجبدهم ولا يتصرف فيهم كان هو و كان تصيرلو حاجة تتجمد الفلوس وتاخوها الدولة زيد توا رام ولاو ملك الدولة تعادات عليها 8 سنين الحكاية
مالك: مريم ياخي شكونو بوك بالكشي نعرفو
مريم: الفاض.....
پيييييييييييپ ياخي شبيك ما تراش حل عينيك عما
مالك: نعم بابا شكون لي داخل في لاخر أنا ولا إنتي
الراجل: تي بلع فمك غالط و تحل في ر... كشختك
مالك:ز... أمك إنتي تربرب عليا أهبط ما ن.... والديك
ما تعرش مع شكون واحل ظاهر فيك
مريم قاعدا تسمع و يدها على قلبها خايفة على مالك لا تصيرلو حاجة
الراجل : تي شكون بربي تره تا توليلنا زورو
مالك: نعلمك يا سيد لي نتي قاعد تحكي مع مالك العا....
قست عليه مريم لي هبطت مالكرهبة و شدتو من مرفقو: مالك عزيزي أخطاك منو ما توحلش معاه هيا أخطانا مالماشاكل
هزت مريم مالك و رجعو للكرهبة
مالك: شفعت فيك هي
الراجل لا محسوب
مالك ديمارا الكرهبة و على أعصابو أول مرة يعمل عركة و ما يحضرش فيها الحاكم متعود كي يعمل عركة الا ما يدمدم واحد و يبات في المركز و يخرجو طارق
مالك: مريم شمهبطك نتي ما تخافش لا يعملك حاجا
مريم: هه وأنا معاك نتي و بش نخاف
مالك تبسملها
مالك: حقا مريم
مريم :إممم
مالك: أش قتلي كيف شديتني من مرفقي
مريم: قتلك هيا ما توحلش معاه
مالك: هه لا لي مبعد هيا
مريم تفكرت لي هيا قتلو عزيزي وجهها حمار
و قتلو :ممم ما نتفكرش
مالك: هههههه حصيلو محلاها كلمة عزيزي من فمك
مريم : أنا قتلك عزيزي..!!(عملت فيها فيبالهاش)
مالك: هههه زيد اتبهنس زيد الراجل مزال يمشي قدامنا راو والله عادي كيف نحبسو و نسألو راني مڨربع و نعملها
مريم: تي أي قلتها أما في اللحظة أذيكا كنت خايفة و ما نيش عارفة شنقول
مالك: ههه هذي زادا قلتها منغير ما تشعر ههههه
مريم ممم أي
مالك: ههههه عندك إحساس زايد على أحاسيس العباد نتي إسمو لا شعوري ههههه
مريم تعكي علية :هاهاهاها تي باهي بركا يزي بلا ضحك ما كانش نتغشش راو كتفت يديها و قلبت شواربها للطفل الصغير ومالك بقا يضحك عليها و يعكي عليها كيفاه تعمل
طريق كامل شايخ عليها و عامل عليها جو قظاش يعشقها هالطفلة و يعشق هبالها

وصلها للدار و تعدى مروح طريق كامل يتفكر في فازاتها متع الولاد الصغار نساتو في الدنيا و ما فيها تي حتى صحابو عشرت سنين نساها