عشق محرم

الحلقة 49

وولاد الحومة الصغار دارو بيه
عمي..عمي....لي في يدك شكلاطة ....أعطينا منها شويا.......
طارق ما لقا ما يعمل : اااا باهي لولاد هاو بش نعطيكم منها أما شويا برك خاطر موش متاعي باهي أيا إستناو نحل الباكو....أصبرو عاد أيا بالصف بالصف
طارق بقا يفرق عليهم في الشكلاطة و مالك طل عليه و ناداه
عيشة دخلت تجيب في ال jus والحلو و جارتها أمينة تعاون فيها
مريم في بيتها قاعدة عالفرش ترعش مالتراك
أميرة: أوف يا مريم ركحتشي من بكري ونتي تترعش وترتلي أعصابي وليت متراكيا أكثر منك
إسلام : ريت بربي أنا في بلاصتها راني نتهز و نتحط مالفرحة موش خايفة (إسلام بنت جارتهم أمينة)
مريم: أوف يا إسلام ناقصتك أنا .....أميرة أمان علاش جاو توة موش مزال بكري شويا....زيد...زيد......و علاش موش غدوة الخطبة موش هكا خير ..
أميرة: هههههه مريم عيش أختي هاذي راي شطر فرحة العمر مزالت الفرحة الكبيرة نورمالمون راك تستنا فيها بالدقيقة و الدرج
إسلام: ههههه ريت ماو.....تي هي أنا متشوقة باش نراه هالخطيب أكثر منها
مريم دارتلها و ضربتها بالمخدة و بقاو يضحكو
نرجعو لطارق
مالك: هيا پا الجماعة يستناو
طارق: أي مالك ولدي بالطبيعة أني جاي
لولاد خليني نمشي أنا توا و كيف نجي مروح مبعد أعرضوني تو نزيد نفرق عليكم باهي. ... و مشا
داخل في يدو بوكاي النوار و باكو الشوكولا و مالك يستنا فيه في الباب مدلو الباكو و البوكاي و بقا ينحي في صباطو نحى صباطو :أيا السلا....  عيشة خارجة مالكوجينة و في يدها سينية ال jus و تمشي و  تخزلها باش ما تتكبش هي هزت راسها، وهو زادا هز راسو و تجي العين في العين....
خديجة تصدمت حلت فمها و مالصدمة طيحت السينيا الكلهم إستغربو و بقاو يخزرولها و هو زادا 
من الصدمة عكش ماعاش عارف شيقول حتى كلمة السلام عليكم ما كملهاش