عشق محرم

الحلقة 126

كانت الصدمة بالنسبة، لأميرة، ترا في قصرو اول مرة تراه، ترا في قصر متع ملوك عمرها ما رات كيفو الكبر متاعو، الديزاين و النقش متع الجبس، و التماثل لي فيه، القصر متاع ملوك بأتم معنى الكلمة ( و في قلبها تقوموش مصدقة لي مريم الطفلة الفقيرة المتدمرة لي ترا فيها توا كانت تعيش في أضخم قصر في بريطانيا الكلها، اما الصدمةالثانية لي أميرة موش متوقعتها هي انو القصر يطلع محروق، اي نعم محروق بكلو، بكلو أكحل و الساحة الكلها حريقة، مريم تخزر منهارة فمها محلول و الدوع على خديها ترا في حاجة أخرى جملة موش هاذا لي كانت متوقعتو، القصر فحمة ما فيهش حتى باب ولا شباك،حتى الجردان لي كانت الكلها نوارلي تحرقت قبل سنين ما عاودت نبتت فيها حتى وردة
مريم نهارت هبطت على ركابيها ،و عيطت عيطة تهد الجبال، عيطة حبت تخرج بيها لي في قلبها الكل، حبت تعبر على احساسها بفقدان حياتها بفقدان طفولتها لي مشات خسارة من بعد امها و بوها بفقدان حياتها لي تبدلت بين دقيقة و أخرى ، اما موش منجمة موش منجمة تعبر عللي داخلها، خاطر لي في وسطها أقوى ببرشا من انو يتحكى في صرخة تخرج حتى من اعماق الأعماق
أميرة موش منجمة تزيد حتى بعد صدمتها، حبت تلقى طريق يمهدلها طريق الحقيقه ياخي الثنية هذي ما وصلتش خاتر القصر بالرسمي محروق ، اما الحاجة الوحيدة لي مزالت غامضة هي كيفش؟ كيفاش صارت الحريقة هذي، رغم انو القصر سيكوريزي برشا ، اميرة عارفة لي مزالت فما ان ّ، اما كل شي يجي في وقتو
خاتر توا لازمها تهز مريم، اي سيرتو تبعدها عاللي بش تعملو خاتو الشي موش لصالحها و لا لصاح نفسيتها ، يمكن هي اكثر وحدة تتضرر في الحكاية
مشاتلها هبطت معاها اللوطة ، و عنقتها : ما تبكيش يا مريم وراس اختي ما ناخذلك حقك ما تبكيش عيش اختي ، و بقات معنقتها و قلبها دم عليها، مريم هدات بعدت على أميرة، قامت مسحت دموعها و نفظت حوايجها
أميرةفامت معاها: سافا ؟ و حلتلها دبوزة ماء شربت:كان تحب ما ترحش لدار فاطمة توا نمشيو نقعدو في اوتيل و نقولو لبابا لي أحنا مشينا بش نعملو مساج ، همم شقولك ؟
مريم تنفست سترجعت قوتها الكل خاترها لازم تكون قوية بش توصل للحقيقة وخزرتلها: لا أميرة ، نحنا توا وين لازمنا نروحو و بش ندخلو كاينو ما صار شي و بش نتصرفو عادي مع بفاطمة أو بالأصح بودية شوية و بحب أكثر بش نوصلو للي نحبو عليه و سيرتو ما لازمهاش تحس الي احنا نعرفو حاجة ولا نعرفو حكاية الجوانب
أميرة فرحت تبسمتلها: ماكش نورمال ، انتي طفلة قوية بالرسمي هكاكة نحبك و عنقتها
كانت معنقتها و عينيها مغمضين تحلو فجأة ,مريم فاللحظة هذيكا تفكرت صوت لي سمعتو البارح ،صوت المكينة ضرب في مخها، الصوت لي ما عندو حتى مبرربعدت عليها و عيطت
أميرة !
أميرة تفجعت حلت عينيها و وذنيها تخزلها بانتباه و ما قالت حتى كلمة تالمون مركزة تستنى فاللي بش تقولو
مريم: البارح فقت فالليل عطشانة هبطت للصالون نحوس فين الكوجنة بش نشرب و أنا متعدية نسمع في صوت ماكينة نتع دقات القلب مالبول كذبت و بعديكا و قفت في بلاصتي عاودت يمعت تفس الوت، والغريبة اللي الصوت قريب و كيف تبعت الصوت و قربتلو ما كان فما شي كان الحيط
أميرة عينيها وساعو لا هكا ما هادش فيها ، تسمع و موش مصدقة مصدومة و عينيها تملان بالدموع : فاش تحكي يا مريم علاش ما قتليش باز فما باب سري فاطمة هذيكا بيرها غارق و تعمل كل شي
مريم : والله نسيت زيد هاك ترا حاجة تنسيك في الخرا
أميرة: مريم
مريم :مم
أميرة:لازمنا نعرفو صوت الماكينة منين جاي و علاش فما ماكينة و كان حاطين عليها عبد شكونو و علاه حاطينو ، سمعتني مريم هذايا الكل لازمنا نعرفوه و باش نعرفوه باهي
مريم بكل حماس و ثيقة في النفس : اي باهي
أميرة: و نحبك تكون قوية مهاما بش يصير و أنا معاك و منخليكش مهما صار
مريم تبسمت: عيشك اميرة باللحق يعيشك و عاودو عنقو بعضهم
اميرة: هيا توا لازمنا نرجعو للقصر