عشق محرم

الحلقة 96

يدور فالدار يستنا في تليفون، هو هكاكا يمشي و يجي موش عارف شنوا بش يعمل و يطل مالفوق و يرا في انفرميار خارجة ما فهمش منين جات،الطريق لي هي خارجة منو ما فيهش باب و الحيط محصور دونك ما فماش حتى بلاصة تنجم تكون خرجت منها، طارق مخو تكونسا شنوا هالحكاية، ياخي لي قاعد يرا فيه في هالدار حلم ولا حقيقة تقول جاء برجليه بش يكمل على ما بيه، بون الحكاية غريبة اكيد اما ما عطاهاش اهمية، حب يمشي يطل على فاطمة و يراها بالكشي هي المريضة

فاطمة: b1 sur بش تطيري عليه، خاطر ما تعرفش شنوا المعلومات لي لمهم
*******: المشكلة مش غادي المشكلة لي ما لقاوهش كيف حلو الشجرة
فاطمة: فاش تحكي ياخي كيفاه ما لقاوهش ، ياخي تحبنا نباصيو نتي ااه، بش تهزنا في هاوية راك، والله نقتلك كان تصير حاجة هكا ولا هكا
*******: هدي أعصابك، نتي تعرف لي ما تنجم تعملي شي و رغم هذا الكل قاعدة تفرغ في غشك، أنا نعذرك اما ما تنساش لي انا ما نتورطش و بطبيعة بش نلوج عليه و نخرجو من كرش حوتة و نتي تعرفني
فاطمة: لا يا سيد كان فيبالك ما نجم نعملك شي راك غالط
هيا اكاكا و طارق جاء بش يدق لفت انتباهو كلامها بطل و حط وذنو عالباب، فاطمة صحيح مرت بوه مربيتو اما راي ما يتأمنلهاش بالكل، تعمل لي ما يتعملش على خاطر مصلحتها و مصلحة ولدها ياسين
فاطمة: ما تنساش لي أنا نعرف مرتك و بنتك وين بون مرتك ما نحكيوش عليها خاطر نتصور ما تعنيلكش برشاا اما بنتك تعنيلك موش هكا؟
******: فاطمة، نتي تعرف لي ما تنجمش تهددتي ببلاصة بنتي خاطر كان نحب نلقاها راني لقيتها موش هكا
فاطمة: لا عاد تصورتك أذكى من هكا، صحيح ما نجمش نهددك بالبلاصة اما نجم نهددتك ببنتك، و تعرفني نعملها

*******: الدم طلعلو مزال البرا واقف في بلاصتو و عيط على أقوى صوتو: فااااااااااااااااااطممممممممممة
علقت التليفون و على وجهها تبسيمة متع خبث
طارق عارفها قاعة تعمل في حاجة اما موش مشكلة تو يعرفها، كيف سكتت عرفها كملت سواا روحو و دق الباب: نجم ندخل؟
فاطمة: اي ولدي بطبيعة
طارق حل الباب و بقا واقف : نتي لاباس جيت نطل عليك(قالها بالعاني يحب يعرف كان ليها الفرملية ولا تيفهم وحدو
فاطمة حارت موش متعود يقللها هكايا: تطل عليااا؟؟ علاه سمعت بيا حاجة
طارق : لا لا، اممم، ماك نهار كامل و نتي في بيتك ما خرجتش قلت بالكشي تطلع مريضة شويا
فاطمة: ههه هيييي هاك تطورت، موش من عوايدك كيف نشد البيت تطل عليا نشالله ماكش تكمبس في حاجة
طارق: جيستمون ماو خاطر كان طليت عليك شتقلي تكمبس في حاجة و كان ما طليتش نسيت لي انا مربيتك و تاعبة عليك و براا عاد شيفضها
فاطمة: هههههه - و قربت لطارق- أنا حبيتك كيف ما وادي و ما فرقتكش عليه ولا نهار فرقت بيناتكم
طارق دور وجهو: براا عاد هاي بدت
فاطمة: و تربيتي ليك ماهياش مزية
طارق: هههههههههه
فاطمة:ههههههههه
ضحكو الزوز ماتو بالضحك و لتوا ماناش فاهمين سبب الضحك متاعهم
طارق: ههه هه هه كيفاش مالا ما عندكش مزية و قدملها،- قداه نرفزتو كلمة ما عنديش مزية خاطر فاطمة كانت بمثابة خدمة ليها تربية ولاد العايشي -
ما تنساش يالا انك جيتنا خدامة للدار، لا والمشكلة موش غادي المشكلة لي أمي هي لي جابتك، سخفت عليك و دخلت لدارها بش تلم حق خبزة و ما تباتش بلاش خاطرك كنت فالشارع - يحكي و يقدملها في وجهو- مطيشة كالكلبة تطلب ، ونتي باش كافيتها، فكيتلها راجلها و عينها تخزر حرمتنا منها، امي ماتت في جرتك، و نتي السبب، قتلت روحها على خاطر راجلها شربت الدواء و كفات حياتها، و كان فما واحد بش ياخذلها ثارو راو أنا سممعععععععععت أنا
خلاها هكاكا ضرب الباب و خرج
فاطمة في كرسيها هيا مشلولة و كملت تشلت كيف سمعت لي حكاه موش مصدقة لي تسمع فيه، قعدت حالة فمها مصدومة و الدموع في عينيها، طارق طلع فيبالو، طارق طلع يعرف كل شي، طلع يعرف الحقيقة الكل، كيفاه خلاها حية و ما قتلهاش، كيفاه لتوا شاد عليها روحو و ما خنقهاش خرجلها روحها