عشق محرم

الحلقة 8

مالك: إي أنا خارج مالپريسينغ نلقاها في الكوشة تشري في الخبز كان تراها يا صاحبي العينين خضر و الشعر أشقر و الفم روز و الربايا و الأخلاق
عمر: هههه توا باهي الطفلة نقولو مزيانا و الرباية كيفاه عرفتها عديتلها سكانار من بعيد
مالك: بفففف يزي بلا مساتطك عاد تي ماني حكيت معاها و وصلتها للدار زادا و خطبتها من أمها
عمر: أباباباباب فيسع لحمتها و خطبتها مقواك أأ صاحبي
مالك: هههه تي أي coup de foudre أ صاحبي ملي ريتها حبيتها كي و كي حكيت مع أمها قتلي تعرفو و على الضالين ٱمين
عمر: ههههه مبروك صاحبي مالا ما عاش فما سهريات تو
مالك : ههه لا و توا طير وصلت للدار
عمر: هههه بصحتك صاحبي قلبتك علينا هالغشيرة
مالك: هههه

أميرة: ممماا شو شكون جاء
مالك: السلام
بسمة: أوووووو أهلا بسي الشباب شمجيبك
مالك : ممما بربي أخطاني
أميرة : تي ماو باز نسا حاجة مما جاء يهز فيها
مالك: هاهاهاها مضمرك
أميرة: شنية مضمرك ياخي علاه جاي مالا نتي
بسمة: أي بلحق موش بكري شويا على مرواحك ولا نسيت حاجة كيما قالت أختك
مالك: لا مما ما نسيت شي كهو روحت للدار
بسمة: وووه تي هاي ال20 h تو ماك تروح مع الفجاري نتي
مالك: مما ياخي شتطردني
أميرة: لا أما حرنا كيفاه مروح بكري باز راك عامل عملة
مالك: أميرة فك عليا ماني عامل شي
بسمة : ههه غريبة ولدي أنا مروح مع 20h جاي تتفرج في شوفلي حل مالا
مالك: ههه لا مما أما صاياي ماليوم أنا تربيت و شنولي نروح هالوقيت هذا
أميرة جرات المالك تمسلو في السخانة : منى ياا منى تي وينك
منى : نعم مدام
أميرة إجري جيب التارموماتر متاع السخانة و التوكال تاع التونسيون و ما تنساش البوات أ فارماسي مالك مريض
مالك عيش خويا إيجا تمد لهنا و تو منى تعملك تيزانا وبقدرة ربي تفيق لاباس و ترجع تسهر كيف ما قبل
مالك ضحك و بقا يهز فيها و يحط بسمة ماتت مالضحك ومنى زادة(منى مرا مالنساء لي يخدمو عندهم)
مالك متكي عالحيط و مكتف يدو و يخزر لأميرة : مما ترا في بنتك بربي هاني مانيش ظالمها
بسمة: عندها حق إنت تربيت و شتولي تروح بكري بصراحة هذي الشيطان بيدو ما يصدقهاش و ماذابينا نعرفو السر و شفما بش خذيت هالقرار لخطير
أميرة ڨحرت لمالك و تبسمت تبسيمة متع خبث: طفلة مش هكا
مالك ڨحرلها و ضحك وهبط راسو و مشا قعد بحذا أمو : أما بنتك تفهمها و هي طايرة
أميرة: هههه عاد نتي خويا و نعرفو بعضنا مش هكا و غمزتو
مالك ضحك: كان تراها أمي أمي زين و عين و رباية ما راتش عيني
أميرة: مالك تبداش تتبهلل بربي وين بش تلقا طفلة متربية فالبلايص لي تمشيلهم نتي يزيني بربي
مالك ونتي شكون قالك عرفتها في بلاصة مش باهية
أميرة: بربي أناهم لبلايص لي نتي تمشيلهم ماك راك عرفتها في كاباراي ولا في بار ولا في أوتال ولا في قهوة
بسمة:تي سكتشي إنتي خلي خوك يحكي إي وين عرفتها
مالك: عرفتها في كوشة
أميرة: ههههههه كوشة ونتي من وقتاه تشري الخبز
بسمة: تي سكتشي تو
مالك: ريت ما مما لسانها لازمو قصان
خرجتلو أميرة لسانها تتبهلل علية
:الپراسينغ لي أنا نظف عندو بحذا الكوشة وأنا خارج مالپريسينغ ريتها يا أمي راي تهبل تضربت فيها و حكيت معاها و بعديكا وصلتها لدارهم هي تسكن في حومة فقيرة مع أمها و هوما ناس ما في حالهمش أما متربية و متخلقة و كي حكيت مع أمها قتلي مرحبا بيك تنجم تجي في أي وقت
أميرة: ياخي لاباس نتي في مخك قلو فقيرة تصوم تصوم و تفطر على بصلة أنا منيش موافقة هاو نقلك
بسمة: صكر فمك نتي شمدخلك للا et alors هي فقيرة شنيا المشكلة زيد هو عاجبتو و حبها موش يشاور فيك للا
مالك: أميرة نتي تصكر فمك شمدخلك واللهي باهية أذي بش ناخذها معناها بش ناخذها و توا إقلب منضرك شد بيتك
أميرة: مما تسمع فيه ياخي نورمال نتوما
بسمة: أسمع كلام خوك و تنطر شد بيتك
أميرة تغششت مشات تجري بش تشد بيتها
عرضها طارق في الدروج
طارق :بنوتي الغالية شبيك مغششة طفاتو أميرة و طلعت تجري
طارق شبيه حسكم واصل لدروج و شبيها أميرة طلعت متغششة ومالك نتي شبيك هوني
مالك : أهلا پا
بسمة : مالك روح بكري اليوم ما سهرش
طارق بهت: لا لا......ما تقول هالكلام
بسمة: تعرف على طفلة
طارق : وأنا نقول شبي الطقس سخون اليوم
مالك: و نحب نخطبها
طارق: طول ملي عرفتها حتى الساعة تعرفها بنت شكون و تعرف عايلتها وبعد على الضالين ٱمين علاش لا
مالك: علاش ياسر تهمكم العايلة و السلالة تمشيو كان ببنت شكون و كان مش غنية ومن عايلة راقية ما تاخذهاش پا أنا الطفلة هذي بش ناخذها كان درا شيصير ما تلزونيش نكتب عليها الصداق بالسرقة