عشق محرم

الحلقة 25

راقدة فوق الفرش بدنها الكل يوجع فيها فاقت لقات روحها ملفوفة بكاپ دو بان حارت و بعديكا تفكرت لي صار أما شموصلها لهوني و شصارلها باش داخت و كانت تستنى في الفرصة باش تعيط و تلم عليه الدار كاملة شبيها فاقت لقات روحها راقدة و ما تتفكرش شصار بقات تعصر في مخها و تفكرت روحها كيفاش داخت تصدمت جات بش تلعبلو اللعبة ياخي لعب بيها و دوخها خسرها في شرفها و ما وصلتش للي حبت عليه شنوا بش تعمل توا كيفاش بش تتصرف شكون بش يصدقها كان تقلهم لي هو إغتصبها البارح شنوا الدليل لي بش تعطيهولهم عيطت عيطة تعبر علي حاسة بيه عالوجيعة الي حاصرتها في قلبها سنين قامت تمشي بالسيف تحب تشوف بدنها لي لكلو يوجع فيها كيفاه وقفت بروحها قدام المراية نحات الكاپ و قعدت عريانة تخزر لبدنها، بدنها لي لكلو أزرق مالعضان و القرصان رجليها، فخاضها، كرشها حتى من صدرها كلو بقايع زرق متاع عضان و رقبتها زادة قعدت تعيط و تبكي هي تحبو و تعشق التراب لي يمشي عليه هي فرحت كيف قبل يعمل معاها علاقة و فيباها شتعمل لي في يمخها و تقلو يعرس بيها سنن تشكي بيه أما هو لي ربح خذا لي حاشتو بيه فرغ فيها رغبتو الكل طبعلها بصمتو في بدنها بدنها لي لكلو عدا عليه يدو و ما فماش بقعة منو و ما عضهاش ولا عدا عليها لسانو قعدت تبكي : والله مانعذبك يا مالك العايشي نتي يا تكون ليا يا ما تكونش الغيري...توا تشوف نور شتعمل فيك ما نعمل من عذابك صنعة وإلا ما نتسماش نور

طارق: شعملت
...:هههه هذا سؤال تو اليوم يمشيو لربي
طارق: لا ما تقتلهمش خليهم نحب نراهم ٱخر مزة قبل ما يموتو أني خذيت بياي داڥيون الجمعة الجاية نكون غادي
٠٠٠٠: هه b1sur كيف ما تحب مرحبا بيك ولدي

پا..پا...
طارق علق التليفون و دخل:شبيك مالك شتحب
مالك: پا أنا فديت وقتاش بش نمشيو نخطبو مريم
طارق: بففف صار ما نسيتهاش انتي حكاية للا مريم هذي
مالك: پا مانيش ولد صغير راني بش تمشي معايا ولا خليني نتصرف
طارق: ونتي كي عندك حل ٱخر علاه تقلي باش نمشي معاك ماو تصرف كيف ما يلزم
مالك: بلاهي پا...ياخي تجبد عليا بالمرتاح زيد أنا نحب كي نمشي لدار الطفلة يبداو عايلتي معايا موش نمشي نكري عباد يمشيو معايا
طارق: هههه صار هذا الحل متاعك إي با ڥازي بأقل تعب ليا
مالك: پا زايد الحديث معاك
طارق شد مالك من مرفقو:باهي باهي توا نمشي معاك ياخي أنا قداه عندي من مالك المهم تتغشش
مالك فرح : بالحق پا
طارق: مالا نفدلك راك ولدي الغالي و نعملك عرس 10أيام و 10 ليالي راك ولد طارق العايشي و من أدراك
مالك: يااا يعيشك پاا و حملو
مالك: باهي وقتاه نمشيو
طارق: مالك أنا لعشية عندي خدمة و غدوة زادا
مالك: إيييه پاا ياخي ما تنجمش تفضيلي نهار و تاخذ كونجي
طارق: والله ما نجم ولدي الجمعة هذي الكل عندي بطوات جايين للبرط و ماك تعرف السلعة الكل قبل ما تهبط لازم تتعدى على عيني
مالك: إيي كيفاه مالا تو
طارق : تعرفشي كيفاه نتي غدوة إمشي إنتي و بسمة خليها تراها و يحكيو شويا و يتعرفو على بعضهم و أنا توا نكلمهم نقلهم يقدمو موعد خروج البطوات باش يوصلو بكري و نهارت الخميس نوعدك نمشيو نخطبوها باهيشي هكا
مالك تهز و تحط مالفرحة خطبتو نهار الخميس من الطفلة لي يعشقها شكون كيفو
مالك: ياااا يخليك ليا يا أحلى و أشب بو فالدنيا
طارق: هههه باهي هيا توا نمشيو نفطرو و فرد مرة نقولولهم
مالك: باهي پا أما أنا منيش بش نفطر خارج بش نقابل مريم
طارق: أما مريم هذي ولات تشوفك أكثر منا أحنا صحا ليها أنا واحد من ناس وليت نتوحشك
مالك:هههههه