عشق محرم

الحلقة 116

أما الجماعة ما يفدلكوش أه طلعو يحسو
يعيط و كشاشو ، طالعة ، مزال كيف فاق مالنوم : شكووووون، شكووون لي عمل فياا هكاااا
كييفااه ، كيففااااااه ليلة كامله ما فقتوش نتوما آااااه و مشالهم شدهم من وذنيهم يكركر فيهم و يعيط يدور و يضرب في ساقيه ، ضيعولو ثروة، ضيعولو وراقو ، ضيعولو نقطة ضعف عدوه لي عندو برشا يحب يشدو ماليد لي توجعو اما ما لقاش كيفاه ، سنين وسنين و بعد هذا الكل ضاع كل شي
يسمع فالحس خرج مالبلكون، يرا في بوه فالجاردان يعاقب فالحرس فهمو فاق بالحكايه لي هو لتوا موش فاهمها خاترو ما يناقشش بوه فالحاجات هذي جمله يعرفو ما عندو وين يدور الريح
ويرا في واحد مالحرس جاي من غادي و يعيط: مسيو طورينتو ، مسيو طورينتو ، فما شكون راهم البارح داخلين للأوتال و هاذي الأدراس مدهالو و بقا يتنفس
طورينتو نطر الحرس ما بين يديه و فك الورقة
دالي يسمع فيهم و موش مصدق، لا ما لازموش يلقاهم ، لااا يا ربي شنوا بش نعمل ؟
طورينتو: الناس الكل تخرج كراهبها عنا وين ماشين، و ضحك و دار للحراس الأخرين حسابي معاكم مبعد نتوما قالها و مشا
دالي موش عارفو حتى على شكون يحوس ولا بشكون حاشتو بالضبط هو جيست خايف على أميرة
طلبها هزت بالوقت: وي مالك
دالي:أميرة دالي
اميرة نفخت و تمتمت وقتك نتي توا : احم وي دالي سافا
دالي : أخرج من غادي تواا پا عرف بلاصتكم و هاو ماشيلكم توا
أميرة: فاش تحكي ؟ و شكونو بوك؟ (اميرة ما خممتش للحظة انو طورينتو ينجم يكون بوه )
دالي: يا أميرة طورينتو لي خطفك مبارح هذاكا پاا ، ما نغير ما تزيد تسإلني أكثر يعيشك فيسع أخرج من غادي
أمية حبست مخها وقف ، كانت تلم و تحكي حبست اللمان، با ربي شموا هاذا، شنوا لي هي فيه توا، ياخي شنيا هالصدف لي قاعدة تصير معاها، معاش فاهمة شي ، فاقت من سرحتها و قالت موش وقتو
أميرة: پااا وينك نتي طورينتو عرف بلاصتنا
طارق ظرب فران: قتلي طورينتو
أميرة: اي يا پا طورينتو و توا موش وقتو ازرب يا پا راو عرف بلاصتنا
طارق: كيفاه، باهي باهي آني قريب نوصل
و عاود ديمارا الكرهبه يجري باقصى سرعتو لازمو يوصللهم قبلو
طارق: والله كنت متأكد ، والله كنت عارف لي خو ورا الحكايه، آااه يا طورينتو قداه تحليت معايا وقتل كنت تخاف مني، موش منك من للا فاطمة لي خرتطك علياا خي ولدها المجراب، أما توا نقلك كيفاه، لا ما نرجع نمشيكم كيف مالمنقاله معايا ، توا مقلكم ، وزاد فالفيتاس
تدادي تمشي وتجي موش عارفة شتعمل خايفة برشا كمل تحصرت فالأوتال ، خايفة لا يخلطو قبل بوها و تهبط تلقاهم
مريم و أمها كيف كيف خايفين و عيشة محملة مريم تواسي فيها و هي تبكي
مريم : أميرة ياخي للدرجة يا أميرة و مسحت خشمها و كملت تحكي، شنوا هاذا ياخي كيفاه تعيشو ، هذا الكل خاطرني طلعت بنت عمك موش فاهمة شي ياخي شقاعد يصير
أميرة: والله حتى أنا موش فاهمة يا مريم، لي نعرفو توا كونو لازمنا نخرجو من هوني في اقرب وقت
طارق: أهبطو هاني قريب نوصل للأوتال فيسع أميرة
أميرة: هيا ههيا فيسع هزت الفاليز و خرجت مريم و عيشة و هبطو
تحل الأسونسور و يراو فيهم داخلين للاوتال واحد في جرت لاخر عرفتهم رجال طورينتو و بش يسركلو الاوتيل
أميرة شدت رقبت مريم و وقبت عيشة و دورتهم على بلاصتهم و زربتهم في خطوتهم تكر فيهم قعدت عيشة بحذا راجل و مدتلو فلوس و قتلو أسكت وهزت أميرة قعدتها بحذا راجل و قتلها تحط يدها عى رقبتو و تعنقوو مدتلو جريدة قتلو حل الجريدة و صكر فمك و (وصات أميرة و كيف تراها عطاتها إشارة تهز عيشة و تخرج نورمال كاينو موش صاير شي و ما تجريوش تصرفو عادي)
تعدات للكونتوار هزت كاس جي كان يحضر فيه و كملت تمشي و جات قريبة للريسيبسيو و قعدت فالصالون حطت ساق على ساق  أما مقابله الرجال ، تخزر من تحت اللينات تستنى في البوس طورينتو وقتاه بش يدخل تحب تمشيلو تلهيه باش الأخرينا يخرجو ، أما طورينتو ما طولش بعد ما دخلو رجالو هو دخل و كانت الصدمة