عشق محرم

الحلقة 106

واللهي يا مليكة قلت الحق الطفل يشره، ريت كيفاه كنت غالطة فيه
مليكة: اي والله صحيح ،بصراحة بسمة الطفل هذا يصلح ببنتي و كان يخطبها ما نقولش لا
بسمة: هه ما تخافش اشرف ظهر صاحب عمر و حكالي عليه الطفل ولد عايله و متربي و لو كان فما حاجة تهنى ما يلعبشي بيها اتوا يجي و يقلك

هي تاكل وهو يخزرلها تقولش عليه عمرو ما راها كل يوم يزيد يعشقها اكثر، ويعشق كل تفصولة فيها، يخزر لوجها، و لعينيها و لخشمها و حتى لفمها
نور هزت راسها لقاتو يخزر لفمها، يخزرلو و يبلع في ريقو، يحب ياكلو قداش شاهيه و شاهي يقطعو بسنيه على ما عملت فيه، تي راي كواتو بنارها، وجهو احمر، والعرق كلاه، ما حبش يبعد عينة عليه، نور شلقت بيه تبسمت و نحات السوندويتش
: شنوا، ما عندكش صاحبتك تسلفهولك تطير منو وحشة، تي او موان تنحي هالغمة على قلبك
اشرف كان سارح ما كانش معاها : أه،...أه ،شنواا؟ شنوا قتلي- وبلع ريقو و جبد النفس-
نور: قتلك ما عندكش صاحبتك تسلفك فمها تنحي منو وحشة؟
أشرف وجهو حمار فهم مقصدها، فهمها شنوا تقصد، قداه حشم كيف عرف لي هيا فاقت بيه، ما نحكيلكمش على وجهو كيفاه ولا احمر اصفر اخضر
ما لقا ما يجاوب تالمون حشم الكلام ضاع بقا كان فمو محلول شويا بعديكا حب يعديها بضحكة خرجت بالسيف و ما دامتش ثانية و نص
اشرف: احممم، ااممم انا فهمت شنوا تقصد، اما راو ما يمشيش مخك لبعيد انا كنت نخزر، نقصد خزرت خاتر كانت فما حاجة امم في فمك و نتي تاكل و انا حشمت بش نحيها ساي تو
نور: امممم و ويني هالحاجة- تحكي و تاكل في السوندويتش-
اشرف: اه؟،،، اما حاجة،،ٱٱٱ اي، الحاجة، احم، هيهيهي مشات
نور تفلقت بالضحك و كالعادة بقا سارح معاها و فجاة صرفقتو بسؤال هبط عليه كي الصاعقة
نور: ياخي انتي مضروب فيا؟
اشرف بهت في نفس الوقت فرح هي يتسما مهدتلو ربع طريق اما شنوا بش يقول توا، كان شيقول اي يخاف لا تزلعو و تكمل على ما بيه و توجعلو قلبو و و تقلو انها تحب واحد ٱخر رغم انو يعرف شكون اما يحب يسمعها منها و يرتاح كان مزالت تحبو مالك ولا بش هو يعرف شيعمل
أشرف: علاه سالتني السؤال هذا ؟ و شنوا تعمل كان نقلك أي
نور: هكا خاتر نحسك مضروب فيا، لهوتك الزايدة بيا و سرحانك ديما مع وجهي و كيف نبدا نحكي
اشرف بالحق المرة هذي تصدم بالقدا، طلعت فايقة و موش راقدة على وذنيها كيما ماشي فيبالو
نور: شنيا، شبيك حليت فمك مانيش نرضع في صبعي اون + اخزر هاه - وحطت زوز صوابعها على عينيها- عندي زوز عينين
اشرف ضحك: ههه جاب ربي مريضة
نور: هه ريت وتوا ما  تحاولش تهرب من سؤالي و قلي
اشرف : جاوبني نتي قبل كان يطلع كلامك صحيح و نطلع انا بالحق مضروب فيك شتعمل
نور: هههههه فاهمتك شنوا تحب تعمل ووين تحب توصل، تقول نتي نمهد الطريق و نشوف ماها وين يصب قبل لا نحكي، باش ما نزلعكش كوا
أشرف مصدوم و حاير، كيفاه تسرحت فجاة، بون هيا ما تسرحتش جيست هوا ماكانش يعرفها و يعرف طبيعتها اما مصدوم فاللي قاعد يخرج منها الطفلة بالحق ذكية و ما يتعدا عليها شي