عشق محرم

الحلقة 67

جاء الليل...عمر شد الطريق يوصل في أميرة و أمين و مالك سبقوه للبار
أميرة باست عمر وقتلو يرد بالو على روحو و دخلت للدار :منى ستنى
منى: وي مدام أميرة
أميرة دورت راسعا توتوت بينها و بين روحها: براااا عاااد رجعنا لكلمة مدام ياخي ترا فيا مكهبة ولا شنية الحكاية
منى: مدام أميرة قتلي حاجة
أميرة: ااا لا لا منى حبيت نقلك مما وين و تعشات ولا
منى:لا مدام ما كلات شي مالصباح حتى قتلها امل نعملك تيزانا قتلها لا
أميرة: باهي عيشك منى ويني هي تو
منى: أوكا في بيتها
أميرة طلعت تجري لبيت بسمة خايفة عليها لا تعمل سبة في روحها
:ممااااا...ماااااااا....ماااا و حلت الباب بالقوي و دخلت.ماااا..
بسمة كانت قاعدة فوق الفرش قامت: أمييرة صاڥا شبيك عزيزتي صارت حاجة
أميرة مشات تجري و ترمات عليها عنقتها :مااااا خفت عليك برشا
بسمة: ياروخي نتي ما تخافش عزيزتي اني هوني و ما عندي وين نمشي تهنا يا روحي مزلت ما جنيتش بش نعمل سبه في روحي
أميرة مانت تبكي و خايفة برشا مسحتلها بسمة دموعها : يزيييي عاد روحي الغالية هيا شكون عندي أنا أغلى من بنيتي ما نحبش نراك في هالحالة أيااا عاد يزيي
أميرة تبسمت و في ت
نفس الوقت كشبرت و خزرتلها: ما فماش خبر على پااا
بسمة تنهدت: لا عزيزتي ما فماش و نطلب فيه تليفونو خارج نطاق التغطية ما نعرش عاد مسافر و لا في بلاصة ما فيهاش ريزو
أميرة :تراا عاود اطلبو توا
بسمة هزت التليفون و عاودت طلبتو و شي مزال كيف ما هو
امية: sûrمسافر مماا
بسمة : تو يجي عزيزتي ما تخافش بلي بش يقعد مانا الا عايلتو يدور و يرجعلنا و زيد نتورش كان يطول
بسمة حبت تبدل الموضوع باش ما توجعش بنها و تحيرها عليه أكثر
:ااا شقولك كان نحطو نتفرجو في فيلم أنا وياك اه موش فكرة وزيد انا قالقة و عنا برشا ما قعدناش و تفرجنا مع بعضنا
اميرة:ايييييي مماا والله فكرة و هاو عندي شيبس و شوكولا و نقولو لمنى تعمللنا بوب كورن