عشق محرم

الحلقة 4

منين كان باهت طرشق بالضحك هي زادة ضحكت ضحكة خفيفة ودارت بش تمشي أما هو خلاهاش شدها من مرفقها و قلها: إيجا معايا نشريلك الخبز ما تخافش عليك أمان الله إحسبني خوك
مريم: ااا .. لا ميسالش خليني نروح ما بقاش بكري ماما راي تحيرت عليا
: يا بنتي هيا تو فيسع ياخي شتبات بلاش عشاء
مريم كانت جيعانة برشا جمعة كاملة تشرب في الماء بش تنسى جوعها و تصبر روحها صحيح كانت خايفة لا يعمللها حاجة أما ما كان عندها حتى حل البلدة مسكرة و هي و جدايتها ماتو بشر
مريم:امممم.. باهي
:باهي أطلع ما تخافش
حللها باب الكرهبة و طلعت مريم دوبا ما طلعت تفكرت كرهبة بوها زادا كانت رانج روفر حست بغصة كبيرة في قلبها و تنهدت
:قلها: شبيك سافا
مريم: لا شيء
: تنهيدتك وراها برشا وجيعة
مريم : امم...أول ما طلعت في الكرهبة تفكرت كرهبت پاپا كانت عندو رانج كحلة زادا
:بوك... ياخي شبيه.. وينو هو تو
مريم : ........
: ما تحبش تحكي
مريم : اممم
:باهي خوذ راحتك المهم ما تتقلقش مني ههه باش ما تقولش قداشو عكة من أول مرة تراني فيها
ضحكت مريم قعد هو سارح في ضحكتها و بعد فااق
:ااااا ما قتليش على إسمك أنا مالك وإنتي
مريم: عجبها إسمو موش نورمال تلفتتلو ديراكت وقتها باش ثبتت في وجهو و رات ملامحو مليح خاتر ما كانتش مركزة معاه أما كي راتو سرحت فيه يامي محلاه يهبل ملا سخطة منين طلعلي و شبيني ريتو تو أنا شبيني عمية و هو عندو ساعة واقف قدامي و يحكي معايا مالك يسوق و يخزرلها تخزرلو سارحة فيه أما مازال مش فاهم سرحتها
مالك:هاايي يا طفلة وين سرحت ياخي
مريم أه...أنا...هاني هوني...وين عندي نمشي..
مالك عجبتو ربثتها عرفها سرحت تخزرلو أما ما حبش يشلق تبسم و سكت و مريم وجهها حماااار مالحشمة خنست
وصلو قدام كارفور حبس الكرهبة
:أياا هانا وصلنا أيا أهبط نقضيو و بعد نروح بيك
مريم: نقضيو؟؟ أنا ما عندي ما ناخذ كان خبزة و نروح فيسع أمي تستنا فيا
مالك: لا أنا أول مرة نراك و زيد طلعت معايا في كرهبتي معناها ضيفة و أنا لازمني نضيفك
مريم: لا عيشك أنا منحب شيء
مالك: كان ما تقبلش ضيافتي نتغشش و ما عاش نحكي معاك
مريم: هههه ريتني قبل بدرجين شتولي معاش تحكي معايا محسوب مش لازم تحكي أنا مانيش بش ناخذ شيء إنتي يعيشك الي تعبت روحك و جبتني لهنا أما أنا شناخذ خبزة كهو
مالك: يا بنتي ما فما حتى تعب أما أنا شنقوم بواجبي ونكىرم ضيفتي
مريم:ههههه أذاكا كيف نجيك للدار
مالك: إمشي قدامي و أسكت
مالك بدا يعبي في الشريو أي حاجا تجي قدامو ياخذ منها حاجتين

مريم: مالك يعيشك قتلك أنا ما نحب شيء يعيشك
مالك: أأأأ باهي مالا شوف شكون يروح بيك خلاها و مشا هي فيبالها شيعمل خطوتين و يرجع و هو يستنى فيها باش توقفو ياخي كمل يمشي و هي تستنى وصل للباب عرفتو موش بش يرجع خلطط عليه
مااااالك..... إستنى ياخي ذيكا نيتك شتخليني لهنا... يا ولدي ستنا كيفاش شنروح... وأنا لبلاصة نعرفهاش... هي تحكي و تجري وراه و هو مطفيها عرفتو يعملها خلطط عليه و جت قداموو و قتلو باهي باهي باهي موافقة خوذ لي تحب عليه نتي المهم روح بيا تبسم و قلها أكاكا نحبك يا مزيانة و توا تبعني و منغير حتى كلمة مشا هو بقات هيا واقفة و خلطت عليه : مالك أمان إفهمني ما نحب ناخذ حتى شيء من عند حتى حد... وزيد.. ماما كان نروحلها بحاجة موش موصيتني عليها ولا موش من فلوسها تتغشش
مالك: باهي أنا نمشي معاك و نوعدك نقنعها باهيشي هكا..و كمل يعبي فالشريو
مريم: بفففففف مااااالك ...قالتها بدلال عجبتو هو الفازة شاخ عليها
مالك :أيا عاد يا تحفونة شتبقى اتبع فيا عبي معايا خلينا فيسع نروحو
مريم تنڨرز وراه و تعايب فيه و هو عامل عليها جو
كمل قضاء عباو زوز شريوات أو بالأحرى عبا خاتر مريم مكتفا يدها موش عاجبها أما ميسالس تو تتعود ههه
حط القضية في المال و حللها الباب و ركب هيا تو نروحو مريم كانت فادة خايفة من جدايتها لا تحللها تحقيق و تلوم عليها كيفاش تركب مع واحد تعرفوش
مالك:تي شبيك متغششة
مريم: شي يا مالك الله يهديك خايفة من ماما لا تحللي تحقيق
مالك: يا بنتي ما تقلك شي أ للا تعرش كيفاه على ضمانتي كان قتلك حاجة أعملي لي تحب طردني هنتلني أعمل لي تحب قدامها بش تتغشش شرايك
مريم: ههه لقيت حل تو نتي
مالك : ههه المهم ضحكتك هاكي الفايدة
حقا لتوا ما قتليش إسمك راو
مريم : ههه و إنتي خليتني نتفكر حاجة ملي ريتك نسيت ....
مريم شدت فران جات شتقلو نسيت روحي أما سكتت حشمت سكتت طول
مالك شلق بيها دخلت بعضها ما حبش يشلق فرح في قلبو أما موش شيبقا يعديها بسكات لين يعرفش إسمها لازمو يعاود يسألها
مالك: تو بش تقلي إسمك ولا. تعبت و أنا نعيطلك ياطفلة أعطيني عالأقل الحرف الأول تو نحاول نطلع الباقي
مريم: تفلقت بالضحك وكالعادة هو سرح مع ضحكتها الي يحب يرسخها في بالو و ما عاش ينساها حتى دقيقة