عشق محرم

الحلقة 34

نهار جديد و نفس جديد و روح جديدة ياخذها البدن دوب ما يتكلسل مالنوم مالك فاق شايخ و فرحان ..نور ليلة كاملة بعد ما فكرتها أميرة بخطبة مالك و هي تبكي مزالت راقدة و الدموع في عينيها و الغصة في قلبها...أميرة خرجت الصباح بكري تفطر مع عمر و أمين ، مريم ليلة كاملة تخمم في مالك رقدت روتار وهي مرة تقول نكلمو مرة تقول لا..

بسمة في سابع نومة بعد ما باتت تخمم على راجلها شصارلو..
و مليكة زادا مزالت راقدة ساهرة على الفيلم البارح أما طارق كيما خليناه واقف في بلاصتو ولتو وهو مرة يشرب مرة يتكيف سيڨار.. راسو يوجع فيه بش يطرشق ليلة كاملة بايت يخمم مرة يقول هي و بعد يطمان كيف يتذكر كلام بسمة كيف قتلو تشبهلهاش و مرة يرجع يربط الخيوط إسمها مريم،أمها و بوها موتا و تعيش عند جدتها حصيلو ليلة تعدات عليه بالتخمام ...
الشمس زرقت فيه و هو دخل و بدا يحوس على دواء تاع و جيعة راس التابل دونوي لي يحلها يفرتها الكل ما لقاش فيهم الزوز دار عالكوافوز فرتو الكل و بعد بدا يعيط على منى
طارق: منى...منىى.....حل الباب بالقوي قريب يجيبو فيدو: منى...منى.....إيجا تواااا.... فيييسع
منى جات تجري مالك يسمع في حس بوه جاء باش يخرج يشوف شبيه و تليفونو صونا رجع
منى: وي مسيو طارق
طارق يعيط: طرش نشالله ساعة وأنا نعيط وين كنت سيادتك
منى تصدمت كيفاه طارق يعيط عليها دخلت بعضها
منى: ااا..كك...كنت..
طارق: بكش نشالله و قصة في لسانك تبرم جيبلي دواء تع وجيعة راس فيسع إقلب وجهك و دجل وسكر الباب بالقوي
منى مزالت واقفة في بلاصتها من الصدمة أول مرة يعيط عليها و يبخسها هكا بقات واقفة عيونها زغللت بالدوع مشات تجري جابتلو الدواء مال boîte a Pharmacie وجات تجري دقت الباب
حلو نطرو من يدها و صكر الباب رجعت تبكي مسكينة
مالك: قعد يحكي مع أمين لي قلو أخلط أفطر معانا و نسا حكاية بوه
بسمة فاقت و عيطت لمنى
منى جاتها و عينيها حمرة جمر حتى غسلت وجهها و مزال باين عليها لي كانت تبكي : وي مدام
بسمة : جيبلي.... وتلفتت لقات عينيها حمرة عرفتها كانت تبكي: منى شبيك و قامت جات بحذاها
منى: شي مدامبسمة
بسمة: منى قتلك شبيك أحكيلي مستانسة تخبي عليا
منى ترشقت بالبكا : مسيو طارق مدام صبح متغشش و كشاكشو طالعة و عيط عيا
بسمة مسحت دموع منى: شششش يزي منى ما تبكيش ما قصدش يعيط عليك راو أما هاك ترا أنا زادا البارح عيط عليا رصاتلي بايتة وحدي هيا منى عاد ما تاخذش عليه هو بطبيعتو متغشش مالبارح تي هيا أنا ما سلمتش منو هيا يزي عاد
منى سكتت و تبسمت : باهي مدام بسمة تحب نجيبلك فطورك
بسمة: صحيتك هاك رجعت منى لي نحبوها
منى ضحكت
بسمة: هذاكا شجيت شنقلك حتى أنا جيبلي فطوري لهنا مانيش هابطة نفطر وكان سألك أي واحد قلهم راسها يوجع فيها ما نجمتش تهبط