عشق محرم

الحلقة 13

مريم: الخرا هذا ما لقا وقتاش يجي
لبست جبة و خرجت
عيشة: مريم ٱو خطيبك جاء إيجا سلم علية
مريم : أهلا مالك صار نتي جيت (تتبهلل عليه)
مالك: صباح النور يا روحي أي جيت
مريم تصدمت مالكلمة عجبتها و في نفس الوقت حشمت قدام جدايتها  توشوش لمالك: يا ولدي أنا روحك فاش تحكي
لا الطفل ضبع صاياي
مالك: مريم هذا ليك
مدلها البوكاي دو فلور بطريقة غريبة معاها ربثة
مريم: مالك ياخي عمرك ما عطيت بوكاي دو فلور لطفلة كبيتلو سعدو الورد يتمدش كاكة البوكاي راو
مالك حشم و دخل بعضو: اااا... لحقيقة عمري ما مديت حاجة لطفلة دونك نعرش كيفاه
عيشة: مريم تي سيب الطفل هذا كفوه لي خمم فيك أشكرو عالأقل
مريم عجبتها الفازة كيف قلها عمري ما عطيت حاجة لطفلة زادت حبتو أكثر
مالك: مممم مبنك قهوتك يانسيبتي
عيشة:عيش ولدي.. إنتي ما ريتش قهوت مريم هه تو تذوقها
مالك: إسمع يطلع منها خطيبتي
مريم:ههه تو في الخطبة نطيبهالك
مالك فرح كي سمعها تحكي عالحكة تبسملها تبسيمة طيرتها في السما
مالك: أمي عيشة ميسالش تخليني نخرج أنا و مريم نشريو حاجات للخطبة و نفطرو مع بعضنا و نروح بيها
عيشة: بطبيعة ولدي تنجمو تخرجو و زيد عندي ثيقة فيك
مالك قام باسها من راسها: عيشك أمي الغالية ربي تصتر بنتك أمانة عندي تهنا عليهامريم فرحت خاطرها بش تخرج معاه ماتت مالفرحة
مالك: مريم هيا فيسع نخرجو لا أمي عيشة تبدل رايها
مريم: مالك وه أصبر نبدل حوايجي بش نخرج هكا
مالك: لا موش لازم محلاك هكا ميا هيا شدها من يدها و برا يكركر فيها
مريم:وه مالك بشويا نجيب شلاتي
مالك: تو نجيبهالك أنا تي هياا
باي يا نسيبتي
عيشة:في الأمان ولدي الغالي رد بالك عليها
مالك : تهنا عليها في عينيا
حط السانتور و ديمارا الكرهبة

طارق:منى ماكش تسمع في الباب تي شوف شكون
منى: سامحني مسيو ما سمعتوش
بسمة:أحنا جينا
طارق: أهلا أهلا بمرتي الغالية أهلا
ٱٱهاي و أخت مرتي زادا يا مرحبا يا مرحبا زارتنا البركا
مليكة: راجل أختي ههه تي وينك يا تحفون هالغيبة طارق :واللهي هاني ماك تعرف نخدم رئيس و الرئيس ديما في القصر متاعو بالأمارة هاك جيت ولقيتني لهنل
مليكة: ههههه ديما ضامر كالعادة
تي ويني أميرة و مالك ياخي ماهمش هوني طارق:غاطسين في حبك درباني ماك تعرف
أميرة خرجت تتمعشق مع عمر و سي مالك طايح لوڥ مع وحدة قال ماشي يخطب فيها تقريب مشا وحدو أختي ماك تعرف في الدار هذي ساعات حتى لي يعرس ما نسمعش بيه
مليكة: ههههه يعطيك يا طارق تي ماو أخطبوهالو هالطفلة كي هو يحبها
بسمة: أنا فيبالي شنمشي معاه اليوم نتعرف على عايلتها ياخي هاني جبتك نتي مالمطار وليت قتلو برا قابلها خلي مرا أخرى نمشي معاه

لبنات ما حكيتلكمش على نور أنا أي بنت مليكة تي هذيكا المصفارة اللصقة لي حكى عليها مالك ملي سمعت طارق قال طايح لوڥ و هي تغزل خاترها تعشق مالك عشق لا يرى الشمش تي تموت و تفنى على مالك ٱخر مرة جات فيها لتونس مالك دخل يدوش خرج لقاها في بيتو و بالتحديد فوق فرشو لابسا نوازات تستنى فيه بطبيعة خرجها بفضيحتها من بيتو أما أمها عندها كان هي ديما تهبطلها دمعتين تسامحها و على قد ما تعمل تعاود تسامحها مالك كان حاسبها كيف أختو كان كيف تجي من فرانسا يخرجها هي و أميرة يتفرهدو و يبدلو الجو و وقتها هي حبتو أما من عملتها كرهها و بخر بريحتها ولى حتى كيف تجي يسلمش عليها