يا أمين تحااااايل
امين: وين نحايل هاه لص هات شعندك
نور : أرا هاه الجوكر كان عندي وينو انتي لي هزيتو
أمين : يح والله لا شوف عندك، هوكا تحتك تتبهلل نور
نور ماتت بالضحك: شديتني يا وحيد
أمين: العب العب ماشي فيبالك شتعديها عليا تو نقلك
فاعدين في البلكون عاملين طاولة صغيرة و زوز كراسي ياكلو و يلعبو هوما هكاكا و نوفز تاليفونها نور تنطرت:" اشرف" و قامت تجري من كرسيها : امين لازمني نحضر روحي هيا باي و مشات تجري
يرا فيها قاعدة تهرب من يديه قال بينو و بين روحو لوقتاه بربي قام متغشش دز الطاولة و خرج، هز كرهبتو و طار ماشي للشركة بش يقابل مالك و يقلو على كل شي ، صايي معاش ينجم يصبر أكثر من هكا ،لوقتاه ؟...شيبقا يرا في حاجة لازمها تكون ليه قاعدة تمش لغيرو !
داخل للشركة الغش يطاير من عينيه خذا الأصونصور و هو يخمم كيفاه بش يبدالو الحكاية كيفاه بش يقلو لي ليلتها هو لي كسرها، هو لي خذالها شرفها هو لي خلى بصمتو عليها و لازمها تكون ليه، موش عارف كيفاه يدخل بالموضوع لي يعرفو انو بش يحط روحو قدام الأمر الواقع و يتكلم ، بش يحط روحو قدام مالك و لي يصير يصير
مالك واقف ينظم في الأوراق: هذوما تهزهم للمشرفين و ووزعهم عليهم الكل و قلهم اجتماعنا بعد ساعة، هو كاكا و امين دز الباب من غير ما يدق حتى، هز راسو لقاه ،ستغرب شويا من التصرف متاعو، مش من عوايدو يعمل هكا ،عرفو عندو حاجة ..
مالك: اكهو سوسن تنجم تمشي .. اه و جيبلنا قهاوي ، ظاهر فيه سي امين مطول شويا بحذانا..
أمين: لا سوسن يعيشك جيبلو كان ليه هو
سوسن خرجت ..مالك:امم امشي هات شعنك
أمين و من غير مقدمات : انا نحب نور و نحب ناخذها
مالك بقا يخزرلو و تفلق بالضحك
أمين يخزرلو و باهت : قلت حاجة تضحك
مالك: ههههه اوووووه يهلكك يا أمين اقعد اقعد
امين قعد و موش فاهم علاش يضحك
مالك: يعني نتي جايني بش تقلي لي نتي تحب نور و عاود تفلق بالضحك و بعد خزرلو و سكت ههه احم سامحني اه اما كيف سمعتك هههههه احم ما نجمتش نشد روحي و بقا يتغصور و عاود تفلق بالضحك يضحك بالدموع و امين يخزرلو و ساكت يستنا فيه لين يكمل
أنت تقرأ
عشق محرم
عاطفيةهاااي حبيباتي🙋 أنا رجععععععععت🏃♀️ وهووووو🤭تعدلوش عليا راكم تقولو شبيها هاذي تعيط ياخي هبلت هيهي😁😁 أنا جيست فرحانة خاطرني توحشتكم برشاااااا🙆🙆 و نتوما ياخي توحثتوني ولا نتغثث؟؟🙁☹️ المفيد كيما تعودتو بيا انا نحكي برشا هه ☺😊جيست حبيت نفسر سبب...
