عشق محرم

الحلقة 60

دااخل للبار النار تتطاير من عينيه... اول مرة يحس روحو مغدور قعد يشرب.... الكاس في جرة لاخر و الدخان في جرة بعضو....قداه يكرهو و يبخر بريحتو...قبل بوه ما كان يشوف كان الفاضل...الفاضل الرزين...الفاضل المتربي...الفاضل العقل لي ما يغمل حاجة كان مدورها في مخو الف مرة.. لي ما يعين ابرة في خيت كان ما يشاور بوه عكس طارق ..طارق لي كان ما يهموش في عمايلو مهما كان كبرها.. طارق الطايش... طارق لي يعديها بالجمعة ما يروحش للدار طارق العاصي والدية وما يعمل كان لي يقلو عليه مخو...يكرهو كره العما ... يحب يقطع ريحتو مالدنيا هذي ... فيبالو تخلص منو و من اي حاجة فيها ريحتو و تربطو بيه في الدنيا ياخي ظهر غالط و ندم انو عمّل على غيرو...

يفيق فيه السرفور و هو يهتري موش عارف روحو شيقول: الفاضل....والله يافاضل.......
عملوها بيا.......مريم
السرفور: مسيو طارق...مسيو طارق....قوم يعيشك رانا بش نسكرو....مسيو طارق

شد ثنية المطار.....قص بياي و قعد يستنا في الطيارة.... يرقل بكلو ...رجليه ترعش ..يتكيف و يشرب في قهوة..