عشق محرم

الحلقة 2

شافت الكوشة من بعيد زربت في مشيتها فماش ما تخلط على خبزة الكوشة معبية بالصف
مريم: إبعد..تره.. بربي لحظة خنتعدى..بلاهي خندخل
أفففف تي إبعد نتي زادا مطولك
عسلامة بلاهي بڨات عيشك
المرا: سمحني أختي ما بقاش خبز كملنا
مريم : أه .. تي فاش تحكي نتي جايتك خمسة كيلومتر باش تقلي ما بقاش خبز لاباس نتي و شنية هذي ما بقاش خبز ياخي تطيبو لعباد راكم ماو عودو طيبو بزايد ملا حالة هذي تي مالا باش إسمكم كوشة

مريول أبيض بش يترشق مبينلو عضلاتو سروال نوار و صبادري بلون التليفون على وذنو راسو الفوق يمشي بكل ثقة في النفس يرا فيها تعارك من بعيد قرب أكثر و بقا يخزرلها عجبو صوتها أما مازال ما راش وجهها يستنى فيها لين تدور باش يراها علق التليفون و قدم أكثر يحب يثبت فيها و يسمعها على شنوة تعارك
شو كي مزالت تخزرلي ياخي لاباس انتي في مخك قتلك توة طيبلي خبزة ما يهمنيش فيك تحرك
المرا: ياخي مهبولة نتي نخدم تحتك أنا بش تقلي طيبلي خبزة ملا حالة هذي برا إمشي للحانوت إشري لازم تاخذ مالكوشة انتي ولا هاني الكوش برشا شوف كوشة أخرى
مريم : نعم للا ساقي حفات باش وصلت لهنا و انتي تقلي امشي شوف حانوت تي هذا كان نجمت نتحرك من هوني و مانيش ماشية من هوني كان كي تطيبلي خبزة فهمت ولا نعاودلك و هاني قاعدتلك لهنا 
المرا : أقعد فم لا يكون فيك نشالله ملا مهبولة هذي قتلو طيبلي خبزة و شو عاد ٱك الكمية الهايلة تع الخبز لي بش نحل عليها مرمة
مريم :ٱاااي يا للا أعرف شتحكي أنا نهارين ما كليتش الخبز و نتي تسيب فيهم عليا، الخبزة لي مقللتلها من قيمتها سيادتك بش تشدنا جمعتين أنا و أمي
المرا: تي شنعملك أنا شبيك وحلت تو نتي أقعد إستنا يحنشي عليك ربي و يهبطلك خبزة من السماء

هبطت المرا الباب الحديد تاع الكوشة قريب تقص يد مريم لي مزالت محطوطة عالكنتوار مريم دارت متغششة منين بش تلقى حانوت عندو خبز في هالوقت تي هي الكوشة و لقاتها بالسيف البلدة صغيرة و كل شي فيها يسكر على بكري دارت مربم تمتم : كان نروح بلا خبز  ماما ما تعمل فيا زيد
نباتو بلاش عشاء كانت تمشي و مهبطة راسها تمتم و تلعب بصوابعها
أما هو مزال واقف في بلاصتو ملي دارت سحرتو بزينها عينيها خضر حشيش و فمها الروز لي بش ينطق و الأكثر ببساطتها كانت ياسر بسيطة ظفيرة محطوطة على جنب رابطة ايشارب فوق راسها كيما السورتات سروال دجين لارج و مريول فلوري طويل و صباط نوار پلا وجها مغسول بالصابون لخضر عكس البنات لي يرا فيهم كل يوم كيلوات مكياج العرا و قلة الحياء قعد واقف سارح فالزين لي يرا فيه أول مرة يرا طفلة بالزين هذا تي بطبيعة أول مرة هو يعيش في المدن الراقية وين بش يرا طفلة ناتيرال غادي تمالك قلبو لي دق أول ما راها و خلط عليها