عشق محرم

الحلقة 58

خلطت عليها مليكة: نور بنتي
نور: أمي نتي زادا ما تقربنيش و مسحت خشمها قدمت لمالك و حطت يديها الزوز على جنابها : برافو و صفقت...أما نتي ذكي سي مالك .....لعبت بيا أنا و خطبتها هي....خذيت لي حاجتك بيه مني و طيشتني على طول يدك
الكلهم تصدمو و قامو من بلايصهم
بسمة: شنوا
أميرة: لاباس يا مريضة فاش تحكي
أمين عينيه وساعت و مالك تنفض من بلاصتو : نعم للا شبيك صاڥا پا ياخي.. فاش تحكي
نور: أأأ كهو بعد لا خذيتلي شرفي شنستنى منك ..ماو بش تنكر بطبيعة مالا بش تقول اي راني عملت.. راني اغتصبتها.. ماك بش تقول لا و ما صارش و نظهر انا الكذابة و انا لي نتبلى عليك كيما كل مرة
مالك قدم بش يضربها ياخي مليكة جرات و جات قدامو بسمة تشد في مالك ولدي يهديك و هو يعيط و جايب ما عندو : أما إنتي الحرابش لي تشرب فيهم أثرولك على مخك أه
مليكة دارت لنور و ضربتها بكف و دفلت عليها : تفوه يا فازدة.. والله لا تجيها مرا.. بكل صحة رقعة تتبلى عليه.. اما المرة هذي في عينيه اه.. ماعاش يقلقك .. يا مسخة لهالدرجة ما يعنيكش شرفك..
أما نتي والله لا تحشم.. و عمرك ما بش تتربى.. رات عيني ما رات أما أوسخ و أقذر منك عيني ما راتش نور قعدت مدورة راسها و شادة وجها : قول لي تحب أمي و خزرتلها: أنا منيش نكذب مالك إغتصبني و تعدا عليا و تحب نقلك وين زادا..فالدوش..أنا ندوش و هو دخلي .. للصال دوبان و صكر عليا الباب و صكرلي فمي.. ما خلانيش نعيط و صار لي صار
مليكة :شنوااااا
مالك: يا مما فاش تحكي هذي...تي صكرلها ر* فمها خير ما نباصي عليها و دارلها : يا بنتي شبيك نتي اه...لاباس في مخك.. مريضة نفسيا ولا شني حكايتك معايا.. فسرلي.. فاش تحكي أز** واعية باللي تخرج فيه من بخرتك... كل مرة جايبتلي حكاية..   فيق على روحك.. منيش لعبة ليك أنا باش كل وين تقلق هاو مالك اغطسبني.. تقعدشي كان نتي فالدنيا تاكد من حاجة وحدة لي انا عمري ما نمسك ولا ندور بيك..سمععععت..ملا حالة ولات لعبة وين تحك راسها هاو مالك.... كل مرة تطلعلي ر* حكاية.... تحب تفلم برا إكتب كرونيك و لا فيلم إباحي فلم فيه موش تجي تفلم على ز** ناقص ر** أنا توااا...