عشق محرم

الحلقة 138

يجري فالطريق موش عارف وين ماشي همو الوحيد توى يوصل لبريطانيا ، يطلب في عمر ما يجاوبش و أمين كيف كيف هبط التليفون و ضرب الفولون : السخط وقت لي حاجتي بيك يا وجهي
وبقا يحكي وحدو ، والله يا بابا كان تطلع انتي والله
خلط الدار دور الكرهبة و شد فران ، هبط يجري حتى مالباب خلاه محلول
داخل عرضتو بسمة طفاهما و طلع يجري فالدروج دز الباب، هبط فاليز حل الخزانة هبط فيها لي جا قدامو صكرها ، هزها و هبط ، بسمة لتوا واقفة ،هابط فالدروج يجري و يحكي : بش نغيب جمعة عندي خدمة  منغير لا تكلمني و طربق الباب و خرج
ماشي للكلينيك ، فالطريق طلبو أمين :وي مالك
مالك: حضر روحك طيارتنا بعد ساعة ماشين لبريطانيا نجيب عمر  و نتعدا عليك للدار
علق و امين موش فاهم شي، لي فهمو كونو لازم يحضر روحو و خايف لا تطلع صارت حاجة لاميرة مخو تدور فيه الف حكاية
وصل للكلينيك حط الكرهبة و هبط مام با سكر الباب
دخل يجري للريسيبسيون مام با سلم : عمر وين
جاوبتو الريسيبسيونيست : شومبر لي اخر الكلوار
مشالو يجري دز الباب و دخل يردس لقاه يقيس في الدم  لمريض
مالك: هيا ، ماشين لبريطايا
عمر يخزر باهت: مالك ، سافا و هكاكا هاد عليا
مشالو مالك جبدو من يديه :قتلك هيا ماشين لبريطانيا و تلفت للراجل و نتي يا حاج تو نعيطلك فرملية تقيسلك هاذا اخطاك منو ماشي معايا هو توا باهي
كركرو من يديه عمر موش عارف وين هاززو يتبع و موش فاهم شي
تعدى للريسيبسيونيست و هوا مزال يكركر في عمر  : اسمعني باللهي فما شايب غاديكا مكمل ابعثلو وحدة تقيسلو الدم ولا السكر ولا لي عندو اوكاي، عمر ماخذ كونجي جمعة من توا اوكا اكتبهولو انتي توا كيف يرجع يصححو اوكاي عيش الزين ايا باهي سرسطهم مع بعضهم و رما بوسا و ما خلاهاش حتى تحكي معاه كلمه
عمر :فاش تحكي يا ولدي فلو كونجي فين هاززني انطق شفما ، مالك دزو في الكرهبة   وصكر الباب
عمر: بالشوية راسي ، هاااي يا ولدي نكلم فيك راهو ،فين ماشين يا ولدي شصار انطق
مالك يسوق: ماشين لبريطانيا تو كيف نوصلو تعرف
عمر: يا ولدي انطق شفما ، اميرة، اميرة سافا ، صارتلها حاجة
مالك: اميرة لاباس تخافش
عمر تنفس: باهي مالا شفما، اكيد ماكش بش تخليني معلق منيش فاهم شي لين نوصلو لبريطانيا
مالك: عمي و مرتو طلعو حيين و فاطمة هي لي مخبيتهم
عمر عينيه وساعت ما نجم يقول شي نفس الكا لي صارت لمالك: لا ، لا ما نصدقش ، فاش تحكي ياخي كيفااه
مالك : مانيش فاهم شي
وصل لامين : اطلع
امين : اهلا طلع و صكر الباب ، شفما مخرجني ساقيا اعلا من راسي
اميرة و مريم صارتلهم حاجة
ساكتين الزوز ما حب يجاوبو خد ، يا ولادي شبيكم انطقو الزح