عشق محرم

الحلقة 120

نور:هههه يح ريت كيفاه دزو ههههه موش نورمال
أشرف : هههه و لاخر كيفاه متخبيلو زعما زعما بش يغلبو هههه
نور: تي ما يلعبوش يا ولدي لاخر يطير بيه
و قصت عليهم مليكة كيف دخلت :ما نزيدكم شي
نور : لا أمي هكا سافا ، ااا الجي وفاا زيدنا كان جي
مليكة مشات باستها :تتدلل يا روحي
نور: سكر الباب في يدك بلاهي أمي
هي و أشرف متربعين الزوز فوق الفرش ،عاملين قعدة ،homme cinema و يتفرجو في فيلم ، قداه شايخين
اشرف ملي روحت ما خلاهاش نهار وحدها كل يوم يجي يطل عليها و يتفقدها شناقصة و مليكة تعودت بيه قداه عاجبها و نور زادا، اي نعم نور زادا بدات ترتاح لاشرف، قداش محلاه و خاصة كيف يبدا لاهي بيها ،تبدا تخزرلو كيف يبدا يستويلها في المخدة وكيفاه خايف عليها و كيفاه يوكلها، قداه تحب لهوتو بيها، حستو الراجل لي يناسبها في حياتها

طالعين فالدروج و عرضتهم مليكة هازة الجي لنور
ماليكة: يا هلا هاكم روحتو
مالك: والله نحسك امي كيف تبدا تحكي هكا
مليكة :ههههه
مالك :ويني هي ؟
مليكة: هاي الفوق متحيرة على أميرة من بكري تمشي و تجي ما حبتش تهدا ياخي ويني هيا
مالك : في بريطانيا يا خالتي هي و پا بش تجيبو و تجي ، أنا هاني طالع لأمي
مليكة بقات تحكي وحدها : وه ياخي قطوس هو بش تجيبو و تجي
أمين: ههههه ، طاا ياخي نور وين ؟
مليكة: هاي في بيتها هي و أشرف، والله قداه عاجبني يا أمين هالطفل ، ما تنجمش تحكي مع نور تقنعها عليه ماك تعرفها راسها كاسحو أنا حاستو هو الوحيد لي يصلحلها
أمين قوتو نهارت، شد الحيط موش مصدق لي يسمع فيه، ام الطفلة لي يحبها تحكي معاه بش يقنع الطفلة لي يحبها بش تعرس براجل آخر!!م وش مصدق لي يسمع فيه، وذنيه تسدت ،الدنيا ولا يرا فيها فلو،
مليكة تعيط عليه امين سافا شبيك و هو موش معاها ولا يسمع فيها
امين تسمع فيا (حطت السينية و تقيم فيه )
امين فاق على روحو : لاباس ، لاباس طاا ، جيست طاحلي السكر هذاكا علاه
مليكة اوه يااوليدي ماو عود كول حاجة حلوة ، خوو ، اشرب (ومدتلو كاس جي )
امين لا ططا يعيشك سافا ، قام وهو شاد الحيط طلع الدروج بالدرجة، متعدي من الكلوار يسمع فيهم يضحكو و شايخين وقف موش منجم يصدق لي يسمع فيه، هو لي يحبها ،نور ليه هو رحدو ، هو لي حط بصمتو على نور، نور متاعو، و موش متاع حتى حد ، شكونو هو بش يقعد معاها، شكونو هو باش تاخذو نور، شكونو هذا و وقتاه جاء
قلبو تكسر على الف لقشة كمل مشا لبيت مالك ،دخل وقعد فالفرش موش منجم يتحمل، قلبو يوجع ، يوجع عالخر ، قاعد باهت ، ريقو ناشف مزال مصدوم، علاش موش هو، علاش لموش هو لي يقعد معاها، علاش موش هو لي سضحك معاها ، علاها موش هو لي تحكي عليه مليكة

مالك هو و بسمة
أمي ندخل
بسمة: اي مالك أدخل
مالك : أمي ما تخافش أميرة سافا
قصت عليه بسمة: مالك نتي عمرك ما عطيتني الصحيح، كي هي سافا علاه ما تكلمنيش اه مالك قلي اختك وين
مالك: يا أمي وراسك انت العزيز الغالي كان أميرة سافا و هي توا موش وحدها زادا معاها پا و هوما الزوز لاباس
بسمه الفرحة لي في قلبها ما تاسعها حتى حاجة فالدنيا كانت قاعدة قامت، شنيه، قتلي طارق معاها، يعني، يعني، طارق بش يرجع للدار، أي يا مما بش يرجع للدار هو و أميرة، رتحتشي توا ، طمانشي قلبك
بسمة: اي رتحت ، أما ما يطمان كان كيف نكلمهم الزوز
مالك: ههههه يامي يامي، ياخي لتوا ماكش مصدقتني
بسمة: بصراحة لا، انتي صحيح ولدي اما ما يتأمنلكش
مالك تفلق مات بالضحك كيفاه قتلو ما يتامنلكش
مالك:ههههههههههههههه باهي يالا هاو بش نكلمهملك الزوز باهيشي هكا
بسمة: باهي، ااا كلم كان أميرة و قلها عديلي طارق بش اكاكا نتأكد لي هوما مع بعضهم
مالك: ههههههه يا أمي راني ولدك
بسمة: نعرف لي نتي ولدي والله فيبالي ، قالولي ، اما ما نصدقكش