عشق محرم

الحلقة 16

أميرة: أأأ هاكم هوني هكا توا تجو و ما تقولوليش
مليكة: ياااا بنوتي الغالية توحشتك برشا
أميرة : كان ترا أنا خالتي قداه توحشتك يعطك دودة مبنك....و ضعفت زادا..هههه ما تقوليش ملي قلك مالك بطبوطة حطيت في قلبك
مليكة: ههههههه يعطيك لتوا تتفكرها نتي
أميرة: ههه bien sûrو حاجة يقولها مالك تتنسا هيا تحكي و تخزر لنور لي جايا من غادي كانت تلعب يالكانيش متاعها
نور : أهلا أميرة جيت
أميرة: ممم أهلا نور
سلمت عليها من بعبد
أميرة: مما أنا هاني في بيتي شنعمل دوش و نخرج أنا و عمر نسهرو
طارق: بلاهي للا و أنا كواترو لهنا ما تشاورنيش تي حتى السلام ما قلتهاليش
أميرة: پاپوناي يا روح بنتو هو
مشاتلو عنقتو من تالي و بقات تفدلك معا
إنتي نعرفك تقليش لا عالخرجة
طارق :مم باهي باهي بعد ما كليتني بالباراتان برا أسهر للا و موش شنقلك ما تبطاش خاطر نعرفك كيف خوك راسك كاسح و ما تسمعش لكلام
أميرة باستو و مشات خطوتين و قتلو: حقا پاپا نحب مليون بش نخرج نسهر و الكارت متاعي قريب تفرغ
طارق: شنواا.. قريب تفرغ؟؟ تي صبيتلك فيها 200 مليون الجمعة لي فاتك ياخي صرفتهم الكل؟؟
أميرة: تي..لا..پاپا...موش الكل خليت 3ملاين
طارق :تتبهلل..ياخي لاباس في مخك تصرف 200 مليون في جمعة تي حتى مالك ما وصلش صرفهم
أميرة: تيي پاپا عملت بيهم شوپينغ و بدلت كولور الكرهبة متاعي و بدلت ديكور البيت إي كهو شقعد فيهم
طارق: يا ربي يا ربي راي بش تفلسني
إمشي إمشي قدامي نعمرلك شيك
أميرة: بو زينو روحي هو يخليك ليا پاپاتو
طارق:ممم..قول يخليلي فلوسك
أميرة: ههههه أي بطبيعة اذيكا و إنتي زادا..

قاعدين في رستو عالبحر في الحمامات ياكلو في سباڨتي فروي دو مار يحكيو و يضحكو عاملين جو
مريم:هههه تي هاك طلعت ضامر
مالك: ههه ما شفت شي أما ميسالش هاو قدامنا عمر طويل
مريم: مالك ياخي أمك و بوك يقبلو بيا هكا
مالك بلع لي في فمو و مسحو و قلها: علاه شبيك هكا تبارك الله عليك زين وعين ما ناقصك شي
مريم :تي لا نقصد .. تي يعني..حالتي المادية..ياخي قلتلهم لي أنا...يعني...
مالك قص على مريم :مريم يعيشك أنا لي بش ناخوك موش هوما و ما يهمني في حد قبلو ما قبلوش أنا قابل بيك و بش ناخذك و لي يصير يصير
مريم فرحت برشا : بلحق مالك...نقصد تنجم تعيش مع وحدة فقيرة
مالك حط يدو على يد مريم: أنا مانيش بش ناخذ لي تكسبو أنا بش ناخذك إنتي بش ناخذ قلبك و نفسك و طبيعتك
مريم حشمت و طبست راسها مالك تبسم و رجع ياكل و بعد تفكر بش يسألها على بوها وينو و شنيا حكايتو
مالك: حقا مريوما
مريم:اممم
مالك: قداش من مرة نسألك ما تحكيليش أحكيلي مريم ياخي وينو بوك
مريم شرقت بالماكلة مدلها كاس ماء شربها
مريم: احم....كنا نعيشو في بريطانيا پا كان مدير شركة و عندو برشا فروع البرة و في بلدان أخرى و مما كانت عندها شركة تاع پارفان كانتت من أكبر 5 شركات في فرنسا كنا ياسر فرحانين مع بعضنا و كنت أنا البنية الوحيدة لي ماليتلهم حياتهم مريم عينيها دمعت ما نجمتش تكمل تحكي
مالك تصدم: شنوااا.؟ مريم ياخي كنتو لاباس عليكم شنوا صار
مريم مسحت دموعها و كملت تحكي: بين ليلة و نهار تقلبت حياتنا أنا كنت نقرا خرجت مالمدرسة على أساس بش نلقا پاپا ولا مما يستناو فيا بش يروحو بيا كيف مالعادة ياخي لقيت رجال قالولي لي هوما مبعوثين من پاپا و بعد قالولي لي الشاطو متاعنا تحرق و مما وپاپا في وسطو و هو لي وصاهم عليا بش يوصلوني لماماتي حاولو يهدوني وقتها أما أنا تصدمت و مبعد خذاو الطيارة و جابوني لماماتي
مالك مصدوم موش مستوعب لي تحكي فيه مريم كانت من عايلة غنية و في لحظة و نهار تقلبت حياتها و وصلت بيها للحالة هذي
مالك: مريم فاش تحكي ياخي و نتي شكون قالك لي الرجال هذوكم مبعوثين من قبل بوك ياخي شبيك علاش ما تكونش لعبة من عند واحد يكره بوك و نتي ريتو بعينك الشاطو محروق و الجثة تاع أمك و بوك تسلمتوهم ياخي.؟؟
مريم تبكي بالشهقة : لا يا مالك الرجال لي جاوني نعرفهم أنا يخدمو عند پا و هو ياثق فيهم برشا واحد كان يدو ليمين ولاخر يدو ليسار ما ينجموش يكذبو عليا و الجثث قالولنا لي تحرقو معناها مشاو رماد
مالك حس على مريم برشا ياسر سخفتو لي تعدى عليها ظهر موش شويا : مريم عزيزتي هدي روحك و برا أغسل وجهك و هيا نروحو
مريم مشات تغسل في وجهها مالك عارف لي حكاية مريم فيها إنّ أما يحب يقطع الشك بال2 رجال لي قتلو عليهم و إنهم مستحيل يكذبو على بوها