عشق محرم

الحلقة 70

على ضوء القمر🌚... فما جو ٱخر رومنسي يستنى فيكم..أكيد ماكمش شتفوتوه

فمو في فمها..ملي خذاها ما بعدش عليها..من بكري محملها...من بكري و هي في حضنو كل شوي يحط فمو في فمها، يتبنن فيها و يشم في ريحتها ..موش منجم يبعد عليها..كان ما ياخذ الجرعة لي يستحقها كل دقيقتين تخمام..الجرعة لي تنسيه في تخمامو فيها كل شويا، و كل لحظة..قاعد في الكرهبة...و يخزر لباب دارها..مخو بش يتحرق يجب يمشيلها..يزي ما حط فمو في الدبوزة..توحشها يحب يحط فمو في فمها ..يحب يحملها و يبوسها..يبوسها بوسة تنسيه فالأيام لي تعداو بلا بيها..معاش ينجم يتحمل..هبط مالكرهبة ..مقدم لدارها.. يحب يراها..
يتطايح قدام دارها..الدبوزة في يدو..و هو يتلوى..يمشي و يجي و يعيط على مريم....أمين و عمر هبطو في جرتو يهديو فيه و يحاولو بش يسكتوه و يمشيو من غادي ..الوقت مخّر..حومة كاملة فزعها بالصياح متاعو
عمر: قتلك يا أمين فك علينا ما تهزوش تو يفضحنا
أمين:تي وين نعرف عليه أنا بش يعمل هكايا..الزح ملا عملة...ملا عملة كلبة
عمر: عملتك عملتها بيدك هيا تصرف تو و هزو من هنا..قبل ما يخرجو الجيران و نتفضحو هيا وريني شتنجم تعمل تو
أمين: يا مالك...يامالك يهديك راك حومة فزعتا..هيا و شدو من مرقو. .هيا نمشيو من هوني قبل ما يرانا حد
مالك نطر يد أمين: سي..ب..سيب خليني نقلها قداش أنا نحبها..-و يضرب في صدرو- نحبها و نموت عليها: و بدا يبكي
أمين و عمر سخفهم علخر
أمين كان متكي عالكرهبة و مكتف يدو راه يبكي جاء.. حمملو قلبو ..قداه غاضو العزاء
مالك و هو يبكي و يضرب في قلبو: ياخي ما تعرش هيا لي أنا نحبها..و أكا عيشة العزوزة..أك لي تهمت پاا و رردتو قتال ارواح..أذيكا..أذيكا تو نقللك ، تو نورريك فيها..لا ما نقلها لي أنا نحب بنتك و بش ناخذها بالسيف و مسح دموعو ودار للباب..ويني هي ويني...ٱٱٱٱٱه ..ويني خليها تسمعني.. ودار مشى خطوتين..خطوتين عملهم بالسيف و هو يتطايح..هز حجر و رجع يضرب في الباب و يعيط
أمين و عمر ماعاش عارفين شنوا بش يعملولو..ماهوش حاب يطاوعهم و يمشي شادينو يهديو فيه و هوما خايفين
عمر: يا مالك ..يا مالك علاه تعمل هكا بش تباصينا و تباصي روحك
واحد شادو من مرفقو اليمين ولاخر ماليسا ر
امين: يامالك..يا مالك يعيش خويا خلينا نمشيو من هوني ..أمان يا مالك..و أنا غدوة الصباح نوعدك نرجعك لهوني والله..نوعدك
مالك: سيبوونيي..أخرج يا عيشة...أخررررررررج خلينااا نفضوهااا و ترجعلي مريم....وييينك أخرج