عشق محرم

الحلقة 95

يا ولدي اركح و نتي ترعش بكلك راك وترتلي اعصابي
مالك: ما نجمش يا امين ما نجمش ، كان تكون صارتلها حاجة
عمر و هو يمشي و يجي، العرق يصب و اعصابو متوترة : فااااااش تحكي نتيي ٱٱٱٱه- قرب لامين و يعيط عليه- باش تفهم ياخيي باااااااااا ش، بااااشش و شدو من كول سوريتو-رااو يطلب فيها ما تهزش افهم، كاااان تطلع جراتلها حاجة اااه، كان يطلع فاقو بيها و حبسوها، و يعذبو فيها ٱٱٱٱه تكلم، بش ترجعها نتي لاباس - يعيط على اعلى صوتو، عرقو خارجة، احبالو الصوتية قريب تتقطع
واقفين الزوز قدام مالك لي قاعد يرعش فوق الفرش بعديكا معاش يحمل الحس هو بطبيعتو موش متحمل قاملهم يحز فيهم: يزززززيييييو، يزيييييو -و دزهم الزوز امين جاء على الديڨون - اختي الله اعلم بيها شصاير معاها و انتوما تتعاركوو لااااااباس في مخاخكم
عمر نفخ و كمل يمشي ويجي موش عارف شنو بش يعمل،خايف عاللللخر، خايف لا يخسرها، خايف لا روحو تموت و يقعد بلاش روح
أمين و هو متكي يدور فالcube (اذاكا لي فيه داي كولور و لازمك تجيبهم صحاح باز عرفتوه): أميرة لاباس، و هي لي بش تطلب
عمر عاود تغشش و عاود هجم عليه كان ماشدوش مالك كان بش يضربو المرة هذي مالك شادو و هو يدز فيه و يعيط بشيطرشق: يا ولدي ياخي لاباس انتي، اااااه قلييييي، شنوا تحب بالضبط،تحب نعدي عليك ياااا مرييض ، اااااه، ونتي منين تعرف لي هيا لاباس يا مسخ، كااااان تصيرلها حاجة ولا تتمس اقل شعرة منها ما نحاسبك نتي والله ما نعمل من عذابك صنعة يا ط****
مالك: يزييييييييييييييي، معاش متحملكم، راسي بش يتفلق، هاني خارج، اقعدو فيها هو جاء خارج و بسمة دخلت: شبيكم ياخي، شفماااا
مالك خزرلهم بمعنى اهداو : اه شبينا، ما بينا شي، مممم قاعدين
بسمة تعرف ولدها و هي متاكدة لي هو مخبي عليها حاجة زيد الكلهم ما كانوش نورمال، كانو داخلين بعضهم : كيفااه ما بيكم شي، صوتكم واصل للٱخر الدنيا؟؟
الكلهم سكتو بسمة خزرتلهم الكل كيفاه يخزرو لبعضهم
عمر يصنع في ابتسامة: لااا طااا بسمة ما فما شي، جيست، جيست تناقشت انا و امين و اكهو موش هكا امين؟
امين قاعد يدور فالكيب و متكي لا علاقة : اي، اي صحيح امي بسمة ما فما شي بلام صغير و حليناه
بسمة : مالك، مثبت ماكش مخبي عليا شي
مالك حاول يتصنع ملامح وجهو شويا خاطر يعرفها بسمة تشمها من بعيد: مممااااا-قالها بدلال - باللهي شعندي نخبي عليك تره، ههه و نتي تتخبا عليك حاجة و مشالها باسها من راسها ربي يخليك ليا نشالله
بسمة: امممباهي، اما مازلت مانيش مصدقتك، و تو نعرف شبيك وحدي، اختك ويني؟
سؤالها ما كانش سؤال عادي سؤالها كان كيف الصاعقة لي هبطت على مالك و كهربتو بكلو موش على مالك اكهو، و على عمر زادا اما امين ما كانش مالعاكسين بعد لا عم الصمت عالبيت و ما تجرأ حد يجاوب
امين: مشات لبريطانيا
مالك و عمر تصدمو، ما تتصوروش كيفاه كانت الصدمة، تلفتولو الزوز مصدومين و حالين فامهم كيفاه يقول هكا
بسمة: شنوااا؟ بريييطاااانيااا!! شعندها تعمل غادي و شبيه ما قالي حد،كان انا ما فيباليش؟ سي مالك نحكي معاك؟
مالك خزر لأمو بعد ما كان يخزر لامين في خزرة متع موت، خزر لامووهو ساكت ما عندوش إجابة
بسمة: مااالك!
امين: اي طاا بسمة كان نتي ما فيبالكش الكلنا فيبالنا.
بسمة: و علااه مشاات شعندها تعمل غادي
امين: مشات في خدمة
مالك و عمر زادو تصدمو اكثر ماللي كانو مصدومين، ماهمش عارفين وين يحب يوصل لي يعرفوه كونو دوب ما تخرج بسمة روح امين بش تخرج
بسمة: خدمة؟ خدمت شنيا كان قتلك
امين: خدمة تابعة الفرقة الخاصة، بعثوها في خدمة، و تهنا ططا موش وحدها معاها ڨروب كيما قتلك و زيد وصيت عليها شكون ما تخافش عليها