عشق محرم

الحلقة 10

مالك إستغرب علاه ما هزتش عليه زعما ما تحبش تحكي معاه و بعد تفكر لي هي ما تعرش نومروه و خاف لا تطلع صارتلها حاجة عاود طلبها
عاود صونا نفس الرقم قالت وه شبيه كبش هالنومرو متعودة لي مانهزش عليه ما يعاودش يطلب قالت واللهي ما نهز نشوفو شكون و كان لقيتو واحد يتزعبن نسمعو ما يكره
مريم:ألو شكون
مالك: خطيبتي فجعتني عليك كي ما هزيتش قلت راي صارتلها حاجة مريم قلبها دق كيف سمعت صوتو مخلط فرحة مع خوف تربثت و ما عرفتش شتقلو
مالك: ألو مريم تسمع فيا
مريم: أحمم..صاار هو نتي
مالك: هه إي أنا خطيبك ياخي نسيتني
مريم: هه و نتي تتنسا
مالك: أبون للدرجة تخمم فيا و ما نجمتش تنساني
مريم دخلت بعضها خاتر بلحق كانت تخمم فيه وجهها حمار
مريم : أهه.. ااا..أنا وين ريتني نقصد وقتاش نخمم فيك nn pas dit tout
مالك عرفها تربثت دونك كانت تخمم فيه فرح برشا أما ما شلقش: هه زعما
مريم : تي علاه شنخمم فيك ياخي صدقت لي نتي خطيبي
مالك: ههه و على قريب زوجتي المستقبلية أنا غدوة شنخطبك
مريم: ههه عجبتك عاد نتي لحكايا ماما موافقة ونتي لقيتها من الجنة والناس سامحني و شكون قالك أنا موافقة
مالك: ههه أنا خذيت راي نسيبتي... مالك تذكر فازت بوها حب يعرف و بوها وينو كمل قالها.. مازال كان راي حمويا...أاا حقا مريم ياخي وينو بوك شبيني ما ريتوش في الدار
مريم: ......
مالك: مريم مازلت معايا
مريم: ممم
مالك: مريم ساڥا
مريم :لا ساڥا ساڥا مالك ما تقلقش روحك
مالك: مالا أحكيلي ياخي وينو بوك
مريم: مالك أنا يتيمة مما و پاپا توفاو
مالك إستغرب كيفاه أمها ميتة و تعيط لعيشة أمي في نفس الوقت قداه وجعو قلبو عليها كيف قتلو أنا يتيمة حس بوجيعتها عللخر
مالك: مريم سامحني أمانك كان سؤالي قلقك ووجعتك بيه والله ما قصدها الله يرحمهم عزيزتي تحط شيء فيبالك
مريم: لا مالك عادي أصلا من حقك تعرف باش تعرف علاش قادم
مالك: معناها موافقة ريت كيفاه ههه عرفتك موافقة
مريم دخلت بعضها: أه....أنا...ما قلتش
مالك: مرييييم شنوة توة شتبقى تصد فيا
مريم: ههههه و أنا قتلك أخطبني حلوة هذي
مالك: ههعع موش مشكلة المهم أمك موافقة...مالك حب يسألها كي أمها ميتة شكوني المرا لي تعيطلها أمي ولا زلقلها السؤال...أأا مريم مالا شكوني لمرالي تعيطلها أمي مرا مربيتك ياخي؟؟
مريم: لا هذيكا جدايتي أم مما
مالك: أأأأ...و أم بوك ياخي ويني
مريم : ما نعرفهاش أما ما كناش نمشيولها قبل و لا نحكيو معاها دونك عناش بيها كونتاكت لا نعرف عليها لا حية لا ميتة
مالك: اااا باهي
مريم:....
مالك: هيه أحكيلي على روحك شويا قداه عمرك لوين قريت علاه بطلت حاجات بارسونال
مريم: هههه كي هوما حاجات پارسونال علاش تعرف فيهم
مالك شاخ بالضحك: هههههه تي ماو يلزمني نعرف عليك حاجات قبل ما نخطبك فهمت توة
مريم :ههه باهي يا سيدي تدلل
عمري 18سنة وما بطلتش القراية نقرا باك سيونس و توا هاني نستنا فالريزيلتا
مالك صدمتو ما كانش متوقع لي سمعو عليها طلعت صغيرة الفرخة علي كان يتصورها و زيد تقرا باك
مالك: تحكي بجدك مريم
مريم : هه والله علاه شبيك
مالك : مريم بالرسمي عمرك 18 سنة
مريم: ههه أي علاه نبان أكبر ولا أصغر
مالك: لا أما ما توقعتش عمرك 18 كنت نتصورك 22 23 حاجة هكا
مريم: ههههه بلحق ياخي نبان كبيرة
مالك: لا ما تبانش كبيرة أما رزينة و مخك كبير
مريم: هه عيشك
مالك: مالا شتاخذلي الباك و توليلي دكتورة
مريم: ههه نشاء الله
مالك: ههه ملا مريم أذيا يطلع منك يا صغرونة
مريم : ههه... ونتي مالك قداش عمرك
مالك: أنا 24سنة متخرج من كلية الحقوق و توا أني نحظر لستاج d'avocats
مريم: سعدي برويجلي شيوليلي محامي
مريم قعدت تراجع فلي خرج من فمها عرفت لي قالتو موش في بلاصتو و بش تحل على روحها باب بلا
مالك قلبو خرج كيف قتلو رويجلي هبلتو هالطفلة و خرجتو من عقلو : عاود شقلت
مريم: اااااا.... شقلت؟؟...شي قتلك مبروك شتولي محامي
مالكشاخ بالضحك:هههههههه مثبتة قلت هكا مالا شبيه وجهك حمار و دخلت بعضك
مريم وجهاا بلحق حمار: أهه ..حمار وين ترا فيه حمار وجهي و ما دخلتش بعضي